MISS INDIA UNIVERSE 2021 THLANNA AH MIZO NULA A TEL THEIH DAWN!

(Transgender a tel theih!!)

Miss Universe 2021 thlanna December 2021 a neih tur ah India ram aiawhtu tur zawnna chu kalpui mek zel a ni. Tun tum Miss Universe thlanna hi Miss Universe vawi 70 thlanna tur anih dawn avangin, kum dang zawng zawng aiin Contestant pawh an thahnem tura rin a ni. Miss Universe 2020 a India aiawhtu Adline Castelino chuan  Miss Universe 3rd Runner up title alo hawn hnu ah, India nulaten Beauty Pageant ah hlawhtling tura theihna an neih zia rawn pholang leh in, hei hian mi tamtak a tiphur a, tun tum Miss India Universe thlanna ah pawh hian contestant kum dang aia an tam ngei rin a ni.

Miss India Universe 2015 Uravashi


Miss Universe thlanna a rules and regulations bakah constestant Eligibility criteria siam ah tihdanglam a awm nuala, chungte chu:-
1. San zawng Ft5’5 ni thin chu, inches khata tih hniam ni in, kumin atangin Ft.5’4 chin an tel thei tawh dawn a ni.
2. Miss Universe danin a phal angin, kumin atangin Miss India Universe contest ah transgender atel theih tawh dawn a ni.

Miss India Universe 2021 a tel thei chin ( Eligibility Criteria) chu hetiang hi a  ni:-
1. San zawng ( Height) 5’4 ft and Above
2. Kum 18- 27 chin, ( Dec 31, 2021 a kum 27 la pello te tan)
3. Single, pasal neilo leh engage lo te.
4. Indian passport nei. OCI card holder leh NRI’s te chu runner up position atan chauh an tel thei ang.

Miss India Universe a tel tur te chuan, www.missdiva.com ah a in register theih a, in register theih hun chhung hi June 11th atanga July 20th 2021 thleng a ni.

In register dan kal hmang chu:-
Step 1: Mid length + close up + Full length thlalak upload tur a ni.
Step 2: Document ngai te a hnung lam leh hmalam pdf format a submit tur a ni
Eligibility Proof ( Document ngaite) : 
1. Passport emaw, Aadhar Card emaw Voter’s ID/Driving License (Thlalak leh Pian nil eh kum lanna)
2. Kum finfiahna Birth Certificate/Voter’s ID/Passport
3. San zawng fianfiahna Doctor lehkha
4. Sex orientation Proof (Transgender te tan). Sorkar in hmeichhia an ni ngei a ni tih a hriatpuina lehkha.

Step 3: App store ah iOs emaw, play store ah MAX Taka App download a, account siama, chutah chuan Introduction video, Talent kan show na video leh Ramp walk video upload tur a ni.

Video te hi 59 sec aia rei tur a nilo. Filter leh slow motion video te upload phal a nilo. Introduction video rual hian zawhna, ‘WHAT DOES LIVE YOUR FLOW MEAN TO YOU AND HOW DO YOU LIVE YOUR FLOW?’ tih zawhna chhan tel nghal tur a ni. Video sei zawng hi avaia belhkhawm 59 sec ai a rei tur a nilo.

Step 4: Video upload na link URL leh Max Taka App a mahni ID te uluk taka dahthat tur a ni. Video link chu Miss Diva website a registration form ah paste leh tur a ni.
Step 5: www.missdiva.com ah luh tur a ni, heath hian registration tih a, fill up ngai zawng zawng kim taka fillup tur a ni.
Step 6: Mimal zawhna ang chi zawng zawng chhan vek tur a ni. Instagram Id leh Contact detail te pawh dah bawk tur a ni.
Step 7: Max Taka App a video upload tawhsa 3 te link URL kha registration tihna ah hian dah tel bawk tur a ni. Tin, thlalak upload tura tithe upload kim tur.
Step 8: Engkim fillup ngai fillup hnu ah Accept T&CS tih kha click tur.
Step 9: Form I submit hnu ah confirmation Email i dawng ang. Hriatchian loh leh hriatbelh duh nei chuan missindiaorganisation@gmail.com ah leh 9619937295 leh 9833306513 ah te zawh theih a ni.



Miss India Universe 2021 Ah Mizo Nula A Tel Theih Em?
Miss India Universe 2021 thlanna lo awm turah Mizo nula te tan kum dang zawng aiin chance a tha a, san zawng inches khata tih hniam a nih avangin 5’4 ft chin tan a tel theih a, Mizo nula 5’4 ft chin tan chuan Mizoram leh India ram tana fehchhuah theihna hun tha tak ni in a lang. Femina Miss India ah Mizo nula te hmel 2017 atangin kan hmu tana, amaherawh chu Femina Miss India hi India aiawha Miss World thlanna anih avangin Miss India Universe nen a in anglo a ni. Miss India Universe thlanna ah Mizo nula te hmel khawvelin ala hmu velo a, chuvangin Mizo nula te tan a vawikhat na hripui len lai mah nise, Mizoram tana huaisen taka fehchhuah a tulin alang. Mizo nula te hi hnamdang nula te lakah pawh zahpuiawm an nih loh zia leh hnamdang nula te pawn Miss Universe satge ah India an represent thei anih chuan Mizo nula te pawh hian an thei ve a ni tih lantirna hun tha tak a ni.





Miss India Universe leh Transgender!

Miss Universe Org. lamin transgender te tan kawng zau tak a hawn zulzuiin, Miss India Universe Org. chuan Miss Universe 2021 thlanna lo awm torah transgender te tel a phalsak ta a, heihi inclusiveness lama hmasawnna ropui tak a ni. Mizo zingah pawh transgender an awm anih chuan Miss India Universe thlanna ah hian tel theih a ni a, India ram Miss Universe stage ah Natural born Women ang thova represent theihna chance an nei a ni. Mizote hian kan Kristianna avangin LGBT community hi kan endawngin kan hmumawh viauin alanga, Mizo  transgender atanga tel lo awm ta sela, Mizote support na chu a hmu tha vakin a rinawm loh, amaherawh chu, khawvel erawh LGBT te tan a in hawng zau tan hle tih Miss India Universe a transgender tel phalsak an nih hian a ti chiang viau awm e.

NB: Mizote nula te zingah Miss India Universe a tel duh, tih dam tur leh inbuatsaih dan tur hre silo kan awm chuan mimala puihna kan in pe thei reng e.

- Moses NG
Beauty Pageant Expert and Analyst




Post a Comment

He post chungchanga i ngaihdan lo sawi ve rawh:

Previous Post Next Post