COVID-19: Hripui vanga nunna chan awm belh; Sawrkarin natna benvawn nei te natna hming tarlang tawh lo!

Aizawl | June 14, 2021: Vanduaithlak takin Pi Elizabeth Lalrinpuii (32), Dawrpui Vengthar, Aizawl chu vawiin June ni 14, chawhma dar 10:45 khan COVID19 vangin ZMC-ah a boral. June ni 9 khan hri a kai tih hriatchhuah niin June ni 12-ah ZMC-ah admit a ni.

Vanduaithlak takin Pu H.Hrangkima (84), Chhinga Veng, Aizawl chu tukin June 14, zing dar 4:10 khan COVID19 vangin a boral. June ni 9 khan hri a kai tih hriatchhuah niin Home Isolation-in in lamah enkawl a ni a. Amah hi natna benvawn dang vei sa a ni.

Vanduaithlak takin Pi Rochhingvungi (91), Electric Veng, Aizawl chu June ni 14, zanlai dar 12:10 khan COVID19 vangin ZMC-ah a boral. June ni 11 khan COVID19 hri a kai tih hriatchhuah niin hemi ni vek hian ZMC ah admit nghal a ni.


Representational Pic


Nimin lama nunna chante:
 Pi Lalchhuanawmi (42), Electric Veng, Aizawl ch June 13 tlai dar 5:50 khan COVID-19 avangin ZMC ah a boral. May ni 24 khan hri a kai tih hmuhchhuah niin ZMC ah May ni 31 ah admit a ni a. Amah hi natna benvawn neisa a ni
• Pu Thanthuama (65), Ramhlun South, Aizawl chu June 13 tlai dar 6:20 khan COVID19 vangin ZMC ah a boral. May ni 26 khan hri a kai tih hriatchhuah niin ZMC ah May ni 28 ah admit a ni a. Amah hi natna benvawn dang nei sa a ni.
• Pu Ruallawma (86), Saron Veng, Aizawl chu June 13, chhun dar 12:25 khan ZMC-ah COVID19 vangin a boral. Ruallawma (86) hi June ni 5 khan hri a kai tih hriatchhuah niin hemi ni vek hian ZMC ah admit nghal a ni a. Amah hi natna benvawn dang vei sa a ni.

COVID19 hri avanga nunna chan ta te chungchang puanzar danah sawrkaer chuan natna benvawn dang nei te natna chiang takin a ziaklang tawh lo. Hei hi a chhan a tarlan danin, "An natna ang chiah lo vei ve te tana ngaihthlak hrehawm leh an rilru tithlaphang thei thil a nih avangin kan puanzar dan kan thlak ta a ni." tiin tarlan ani.

Post a Comment

0 Comments