WHILE MY GUITAR GENTLY WEEPS

- C Lalṭhazuala


Rimawi khawvel huang a, rimawi khawvel chanchin a a bung nei sei ber leh nei ropui ber, nei ngaihnawm ber leh nei sei ber- Liverpool rock n roll band THE BEATLES ho hla leh an zai rimawi zet hi chuan rimawi tuimite a fan thar zel a a la fan zel dawn a ni. An hlathu mawi tak tak te hi khawvelin a hlut thar zel a ni.

[He thuziak hi copy mai lovin a link hi i lo share zawk dawn nia.]



The beatles ho pheikhawk bun ang The Beatles Shoe chu khawvel ṭhalai te pheikhawk bun duh ber, thawkkhat laiin a tling a, The Beatles member John Lenon-a, Paul Mc Cartney-a, George Harrison-a, Ringo Star-a ten sam an zuah chuan khawvel ṭhalai ten sam an zuah ve a, the beatles member ten hmuihmul leh khabe hmul an zuah chuan khawvel ṭhalaiten an zuahin an tibuk ve a, the beatles hovin kekawr tlang an tih arh chuan chuan khawvel mihring ten kekawr tlang an ti arh ve a. The beatles hovin kekawr tawt ṭeh ṭawh, tide ṭeng ṭawng, a tlang zuih em em mai an hak chuan khawvel ṭhalaiten kekawr tlang zuih a ha ve leh mai ṭhin.The beatles hobin long coat an chin chuan khawvel fashion lar a ni leh mai.

Chutiang avang tak te chuan chung hun lai- 1962 aṭanga 1972 kum 11 chhung zet chu khawvel ṭhalaite hi the beatles hovin incheina emaw, thuamhnaw inbel thu-ah te an thunun nasat em avang leh an incheina a piang khawvel incheina te a nih theih zel avangin the beatles ho chu Worldshappers tiin an hming an vuah hial a ni.
 
Nikhat chu the beatles member zinga ṭawng tlem leh ngawi chawi ber, the beatles member ten press conference te kova chanchibumite an hmachhawn chang pawh a ṭawng tlem ber zel, mi kul reih rawih, an lead guitarist George Harrison-a chuan khawchhak lam phylosophy hmingthang tak inziahna lehkhabu, Chinese lehkhabu hmingthang, Chinese phylosopher leh sakhaw zirtirtu Confucius-a zirtirna siper, Sakhua leh philosophy lam kaihhnawih lehkhabu Iching tih lehkhabu hi a chhiar a, a tuipui ta hle mai a ni. Iching english a lenin, a bu hminga CHANGE an tih, a english translation chu ngaihnawm ti takin a chhiar a ni.


George Harrison-a hi philosophy lam tuipui a ni ve hrim hrim a, Indian philosophy te hi a tuipui em em a.Indian philosophy lam kaihhnawih lehkhabu te pawh a hunawlah a chhiar nasa ṭhin ni a sawi a ni.
Rimawi lipuiah an liluh tlang a an thurual hle-na piah lamah khan the beatles member te khan tuipui zawng a hrang ṭheuhin an nei ve vek a. George-a hi chuan phylosophy lam a tuipui em em a amah ngei pawh hi pa thupuifun tak leh ngawichawi, thil chikmi leh thil suangtuah a chhut neuh neuh a zir peih tak mai leh a hunawl a mahni a awm cheuh cheuh nuam ti chi a ni a. Kum 1967,1968 vel a the beatles ten india rama an film chan bung ṭhenkhat an rawn chan ṭum a, hun engemaw ti chhung india ram an cham lai te khan an zavaiin indian culture indian hnam upa tak te hnam zia  nghet tlut mai leh an sakhua zirtirna leh thlirna ril ngun mai chu an tuipui a,ngaihnawm an ti a, rilru tih thawhven leh rilru tih engthawl  nan a Meditation chikhat, Sakhaw zirtirtu hmingthang maharishi Mahesh a hmuhchhuah TRANSCEDENTAL MEDITION chungchang te zirin an vai hian Mahesh-a hmaah ngei an lo practice dal dal tawh a , Yoga step hrang hrang te pawh an lo ti ho dal dal tawh nghe nghe a ni. John, Paul, Ringo te chuan an peih rei lo, George-a chuan a tuipui fal ta a ni.
The beatles member ten film an siam avanga india ram hmun ṭhenkhat a an chan (shoot) ve avanga hun engemaw chhung an cham chu film an chan zawh ve leh england lamah, George-a tih loh the beatles member dang pathum te chu an thlawk haw leh nghal mai a ni.
 George a chuan film an chan zawh hnuah pawh India sakhaw thil leh an music te an philosophy te, an sakhua te tuipui zui zelin india ramah rei fe fe chamin a kal a kal chhunzawm ta a. Hindu sakhuana aṭanga pathian zawn chu a tawpah phei chuan a thlang ta hial a ni. 
Indian Ṭingṭang Sitar perhthiam hmingthang Ravi Shankar-a hnenah Sitar perh te zir chhunzawm zelin Goerge-a hi indian music instrument-Sitar(Vai-ṭinhṭang bial kirh kerh) khawthlang lam music Western music huang a tilar hmasatu a ni.
The Beatles hla lar tak Joh Lenon-a phuah leh sak Norwegian Wood tih hlaah George-a hian Indian sitar perhin,  he hla hi tlangzarh a nih aṭanga reiloteah US leh UK ah top chart a kai nghe nghe a ni.
Nikhat chu, Ṭingṭang perhthiam hmingthang George Harrison-a chuan Chinese philosophy lar tak, Zhow Dynasty hunlai vela China ram dung leh vang leh Japan leh south Korea vel a an tuipui em em Chinise philosophy lehkhabu hmingthang ICHING  chu a chhiar mawlh mawlh a. tih thu a hma lamah kan sawi tawh kha.
Chu chinese philosophy chu a tuipuiin a rilru a hneh hle mai a, tih pawh kan sawi tawh kha.
George Harrison-a ngaihdanah chuan sakhaw tin aṭangin Pathian chu a pawh theih a, Pathian chu Pakhat a ni.
Hmangaihna Pathianin khawvel leh Universe a hmangaihna thuk tak a dah, chu hmangaihna behchhan a ni leh thla leh  arsi inher vel ah hian mihringte hian,...chu hmangaihna leh ṭhatna Universal Love awm sa reng chu kan varpawh lo va,  chu universal love chu a varpawh leh a petu Pathian nen a inzawmna nei nasa a piang hringnun chu a hlimin a nuam dawn a.Pathian chungnung ber nen a inzawmna chuan engthawlna leh thlamuanna a kengtel nghal bawk a ni. Amaherawh chu mihring tam ber chu chu thlamuanna nei tur leh Hmangaihna petu Pathian nen a inzawmna/inpawhna kawng chu an zawh lo a, kawng diklo an zawh zawk a ni tih chu George-a ngaihdan a ni.
Universal love chu kan hmang ṭangkai lova, *Iching* change kan siam chawp, chu mihring ten keimahni hmakhua chauh ngai a ,kan hlawkna tur leh nawmna tur leh kan hamṭhatna tur ringawt hisap a siam chawp a, thlak thleng chawp a, he planet a cheng ve thil nung dang te,  Ramsa/Ransa  te ,thing leh maute, hmangaihna nei miah lo a,  an nun ti chep mai ni lo anmahni ti mang  leh ti boral zawng a mihring te khawsa zia kal mek, chutiang zawng a thil inthlakthleng(Changes)a awm ṭhin chu Goerge-a ngaihdan a ni lova, thilsiam dang te zalenna tibo leh an nihphung tichhe zawnga khawvel hmasawnna kal mek te hi a ṭhalo a ti a ni. Hmangaihna tel lova thil inthlakthleng-ah a ngai a ni.
George-a hla *while my guitar gently weeps* tih changkhatna- tlar hmasa tlar- pahnih a a tar lan,  *I look at you all, see the lovers there that's sleeping* ti a a hla chang bul a ṭan dan pawh hi, chinese philosophy-ICHING a chhiar a, mihringin thil a tih danglam, a thlak thleng, ama nawmna leh ama lungawina thlen tur ringawt a a cheibawl danglam hnuah pawh chu guitar chuan a tira a duhawmna leh a mawina kha a rukin chu guitarah chuan a la cham bang reng a. a nih phung thlak thleng velna khan a tira a ṭhatna leh mawina a ti bo tak tak lo ti a ziakin a nihna tak a he lai hlathu tlar-in a tum chu, mihringin Pathian aṭanga Universal love, Universe zau taka a dah, la var- pawh lova la inthup ru reng a sawina ni a sawi a ni--*See the lovers there that's Sleeping* chu hmangaihna chu mihringn a va zawm ṭhat tawk loh avangin a muhil angin a sawi a ni.  A
 ril ṭiah ṭiah khawp mai. mizo fakna hla pakhat a "Thuknapui" te a keh chhia tih a,*Thuknapui* ang deuh thil ril kha a nih hmel.
He hla kalphungah hian George-a hian tehkhinthu(Allegory) angin hla a ziak/phuah a, Hmanlai a a ṭingṭang hlui chu tu te emawin an lo kawl ve reng tawh a, an hralh chhawng a, tichuan a neitu thar ten an tidang lam zel a, anmahni lungawina tur chauh atan chu guitar chu a divert a, an pervert a, an Invert bawk a tiin a ziak a, chutiang a a ziahna chhan chu a lehkhabu chhiar--chinise Iching(Changes)lehkhabu, Sapṭawnga lehlin a chhiar avanga ziak niin, A ṭingṭang hlui chu third person a hmangin Chinese philosophy-Iching behchhanin he hla ropui, music huang aṭanga music tehfung a an teh a artistic value sang, hla ropui taka ngaih reng tawh tur hla hi a lo phuahchhuak ta a ni.
"While my gutar gently weeps" tih hla hi kum 1968 a tlangzarh the beatles album hlawhtling tak "WHITE ALBUM" ah telh a ni a. kha albumah khan the beatles hla lar tak "Ob la di Ob La da" etc... te pawh a tel ve nghe nghe a ni.
He hla ril tak mai leh mawi dangdai tak mia hi Version chihnih a awm a.Pakhat zawk chu Bob Dylan-a te style deuh a acoustic guitar a a rythm guitar strumming siam, mawl areng tak, drums tel lo a ni a, a bridge laiah harmonium an telh ve a ni. 
He hla hian a chhehvel thawnthu ngaihnawm tak a nei ve hrim hrim a ni.
1960 chawhnu hmawrbawkna, 1968, 1969 tih velah chuan British guitarist Eric Clapton-a chu a rawn lar chho tawh hle a, George-a te nen khawi khawiah emaw, mipui hmaah te an lo play ho/perh ho tawh ṭhin a.chu inṭhianṭhatna chuan he hlaah hian nghawng ṭha tak a rawn nei ta a ni.
Eric Clapton-a hian Yardbirds ah te, Jimi Page-a te nen perh hovin, Yardbirds hnuah Cream-blues rock band turu lutukah te rawn play chho lehin Khawvel hriattham khawpin ṭingṭang perh lamah hming a rawn chher chho ṭan a. England thliarkarah ngat phei chuan a lar tawh vet vet hle a. Eric Clapton-a rawn lar ṭan lai leh the beatles hun chawhnu lam hi a intawng tawk vel a, chu chu George-a hian remchangah la-in, A hlaphuah mawi em em, *while my guitar gently weeps ah hian Eric Clapton-a thiamna leh theihna bik chu a senglut ta a ni.
George-a hian he hla hi recording studio-ah a lead solo kalphung tura a duh dan te a lo perh lut hmasa nual nghe nghe a. A ṭhianpa, England ram a ṭingṭangperh lama mi zawng zawng hriat dinhmuna rawn inhlang chho tawh, Eric Clapton-a chu chu hlaa guitar rawn perh lut tur chuan a sawmta a ni.
Tichuan, George-a hma lo hruai tawhna, kawng lo sahnaah chuan Turu lutukin Eric Clapton chu a rawn chuang ta a. George Harrisona'n a guitar solo kalhmang tur a a lo perh zawng zawng chu ngun taka ngaithla phawtin, a perh hnan(Overdubb) leh vek a.Guitar solo ropui tak, George-a lo perh luh bak * improvision* turu tak siam belh nualin, Guitar siamtu company lar tak Gibson Company siam, Gibson les paul solid guitar ngei mai chu a han khawih ṭe ta a ni.
he hla a guitar solo ti tur a Goergea'n min sawm hian mak tihnain ka khat a, United Kingdom bikah chuan rimawi khawvelah mi hriat ka hlawhvein  ka rimawi zinkawngah pawh hlawhling ka in ti ve em em tho na a, *Super band* the beatles ho album a kei tehlul kuthlak/Kuthnu a awm ve tur chu ka tan a sang lutuk a, ka suangtuahna khawvel a chutiang thil ropui chu ka suangtuah phak lo a ni.
 Mipa naupang ka nih lai aṭanga khawvel a ka band ngaihsan ber leh music zinkawng zawh tura ka nuna thusawitu, ka hringnun khalhtu,  rimawi nunkawng min zawh tirtu band album a hla pakhatah ṭingṭang solo ti turin the beatles lead guitarist ngeiin min han sawm ta mai chu ka lawmna a nasat rual rualin a huphurhna pawh a nasa  hle  bawk a ni, tiin a hnu kum 30 vel-ah,  Tv interview-ah guitarist hmingthang Eric Clapton-a hian a sawi a ni.
Heng hun lai kher hi chuan the beatles ho hla, rimawi leh an che vel chu khawvel ngaihven ber a ni miau a, the beatles leh a chhehvel chanchin chu khawvel thawnthu ngaihnawm ber a ni tlat a ni.
Eric Clapton-a chuan khawvel tawp thleng a guitar solo mawi ber pawl leh ropui ber pawl a an sawi fo reng tur, khawvel nghawr tham Zathiam rawn chhuak thar zel leh musician, guitarist rawn chhuak thar zel ten mawi an tih em avang leh fam dairial chang tawh George Harrison-a a ngaihsan zia lantirna ni pah fawm a an la rawn cover(sak, perh,tum)chhunzawm chhoh zel tur guitar solo mawi lutuk hi a lo perhin a lo siam ta a ni.
Khawvel musician te fak rawn *while my guitar gently weeps* tih remna guitar chord, rythm guitar chord mawi tak mai inkawhhmuha(Lession)chu han thlir vein han zir ve teh le.

Post a Comment

0 Comments