COVID - 19 | Positive awm vangin Civil Hospital Orthopedic OT leh Ward khar rih; Doctor leh staff ṭhenkhat HQ bawk!

Aizawl | May 03, 2021: Civil Hospital, Aiaawl Nursing staff pakhat Covid Positive a awm avangin zanin ațangin ni 10 chhung May 12  thleng Orthopedic OT leh Ward khar rih a ni.


Civil Hospital Doctor leh staff alo contact zawng zawng te hi Home Quarantine anni a, tun ațanga ni 8-10 ah RT-PCR test vek an ni dawn a ni.

April 29, 2021 (Thawhțanni) hnua Ortho zai, OPD kal leh Ward a admit zawng zawngte fimkhur tura ngen an ni a.
Ortho damlo loh theihloh a zai ngai te chu a hranpaa zai dan tur ngaihtuah an ni dawn a ni.



A hnuaia mi ang hian Civil Hospital Aizawl Medical superintendent chuan thu a chhuah:
1. Civil Hospital Nursing staff pakhat Covid Positive a awm avangin 3.5.2021 (Thawhțanni) zan ațangin ni 10 chhung (12.5.2021 thleng) Orthopedic OT leh Ward khar rih a ni.
2. April 29, 2021 (Thawhțanni) hnua Ortho zai, OPD kal leh Ward a admit zawng zawng, an lokal ațanga ni 10  chhung mahni lo inchik (self monitoring) turin kan in hriattir a, harsatna nei chu mahni veng LLTF ah in report tur ani ang.
3. Ortho damlo loh theihloh a zai ngai te chu a hranpaa zai dan tur ngaihtuah ani ang.
4. Civil Hospital Doctor leh staff alo contact zawng zawng te hi Home Quarantine anni a, tun ațanga ni 8-10 ah RT-PCR test vek anni ang.
5. Hetia hmalakna hi mipui leh Hospital staff te Covid lakah kan him theih nana tih a ni a, hemi avanga damlo harsatna nei kan awm palh chuan min hrethiam hram hram turin kan ngen e.

Dr Lalhmuchhuaka
Medical Superintendent
Civil Hospital,  Aizawl
*3.5.2021 10pm*

Post a Comment

0 Comments