Mizo rapper hriathlawh leh tleirawlte ngainat rawn Hex dA Marshall kan belchiang!
Mizo rapper Hex dA Marshall tia hriatlar hi August 10, 1998 khan Laldinthara Sailo leh Khawliankhumi inkarah a lo piang a, a lai-ah hming chu Lallianzuala sailo a ni.
Lza emaw Hex emaw tia hriat lar Hex dA Marshall hi tunah hian Armed veng, Aizawl-ah chengin an khawsa a, Mizoram UPC kohhran-a lawi an ni.
Hex dA Marshall te unau hi panga niin, mipa pathum leh hmeichhia pahnih niin, amah hi a upa ber dawttu a ni.
Hex dA Marshall hi zirna lamah tunah hian Hrangbana College-ah BA Final year a zir mek a ni.
Hobby - Football khelh!
Album/ Music video tihchhuah tawh zat:
- Music video hi thiante nen paruk kan tichhuak ve tawh a, A dan adang, Mi hnawlhnu, Chanchinthar, Mengmawi, Tleirawl thinlung leh 'i tan ka tling lo' te a ni.
Award dawn tawh zat:
- Award hi min duhsaktute leh min ngainatute zarah pathum ka dawng ve tawh.
A duhzawng leh ngainat zawngte:
Rawng: - Black& White
Chawhmeh: Arsa
Rimawi: Hip hop
Mizo Ziaktu zingah: Mafaa hauhnar
Hla - 'min hmangaih si a'
Hla phuahtu - Zirsangzela Hnamte
Mize ngainat zawng: mi Frank leh thiante ngaihsak mi
Mize ngai nat loh zawng: Thiante phatsan ching mi
Relationship status - single lo
(Sad lutuk chhiartu nula ho kha, kan thiam loh a ni bik lo. haha)
Kawppui atan duhzawng: - Min hrethiamtu leh ka nu leh pa hmangaihtu
Rap a i tui zawng: Mainstream lam-ah hian ka kal deuh ber
Rap lama i kal tan dan: ka naupan lai atangin ka ngaina nghal hrim2 aa chuan thiante nen kan ti ho thinaa school ah te khatatang khan ti hian kan ti chho ani ber!
Mizo Rapper thawhpui nuam i tih: Youngfella
Mizo rap chhungkua-ah inelna awm thin hi:
- A tha ka ti mimal tin tan pawh in-er lovin inel ila tha ber nih tum theuh ila chu chuan hmasawnna tam tak a keng telin ka hria.
Mizo Rap chhungkua-ah hian eng zingah nge i tel ve:
- LORD ah ka awm a. Hetah hian rapper tha tak tak; Awmtea polymer, Knight Hawk, Deezeta, Yuty bully, Joseph, Archas, Jason Chhangte, Baracus, Nigga Bhai, Fabian, Jo_da semicolon, Youngfella, Bluscar, Devin leh a dangte kan awm a, meet te kan nei ve thina hetah hian battle leh thil dang chi hrang hrang kan ti ve thin.
Zawhna dang:
1. A tel lova i awm theih loh: A tellova awm theih loh tih ah chuan Mihring chu tui tello in kan awm theilo a, a bak chu Pathian leh nu leh pa a ni mai!
2. I nun kaihruaitu: Pathian leh ka nu leh pa
3. Hringnuna i hlauh ber: Pathian hlat leh nu leh pa duh loh zawnga awm leh mi pawi sawi!
4. I tih ngai miah loh tur: Nu leh pa leh Pathian phal loh thil tih!
5. Mizo Tualzal nuna ṭha i tih: Tlawmngaihna
6. Quote i duh ber: Ngaihdamna hi phuba lakna ropui ber a ni.
7. Khawtlang, Kohhran leh nangmah: ka inhmang ve vak lo!
8. Social Media leh Nangmah:
- Ka hun awlah ka hmang ve nasa a, nuam ka tia, hmasawn nan ka hmang bawk.
9. Mizoram ṭhalai tam tak tlakchham:
- Rinawmna leh tumruhna!
10. Mizo ṭhalaite hian ngaihsan tur dik an ngaisangin i hria em?
- Ka ngaihdan chuan ngaihsan tur dik an ngaisang lovin ka hria. Entirnan; Hetiang hian sawi ila, Hmeichhia-in, "mipa kut hnathawk mi ka ngaisang," an tia, mahse, a tak takah erawh chuan mi hausa fapa thawhchhuah nei lem lo, bike changkang nei apiang an ngaisangin an duh zawk tih an nun atangin a hriat ka ti.
11. Ngaihsan tur dik nia i hriat:
- Mahni nihna zahpui lo leh engmah thawhhreh nei lo, thiante ngaihsak mi, mi tumruh leh mi hausa an nih pawn an thian kawmte nun anga insiamrem thei mi.
12. Hlawhtlinna tura pawimawh: Tumruhna leh teirei peih
13. I nuna hloh i hlauh ber: ka nu leh pa
14. Zofate inpumkhatna hi a tak a thlen theih i ring em?
- Aw, ring e!
15. Hnam dang nupui pasal neih hi:
- Hnam dang tih vanga huat nghal em em te hi a fuh berin ka hre lo, min hmangaihtu an niha kan hmangaih a nih phawt chuan eng ang mi pawh nise a pawina em em keimah-ah chuan ka hre lo. Mahse, hnam ang zawnga thlir chuan kei chuan ka va sawi tur a awm lova ka mimal ngaihdan mai a ni.
Thalaipuite hnena chah duh:
- Thalai te hnena chah duh tihah keipawh thalai mai ka la nia, zirlai tho ka la nia. Kan tumah hian Chiang ila zirna kawngah pawh ti mai mai lovin hlawhtin tak tak tumin lehkha zir ila, kan hnam, kan ram tan hian theih tawp i chhuah tlang ang u.
EXPLOREMIZORAM.COM i hmuh dan:
- A tha ka ti. Chuan, kan hnam kan ram tan Pathian rinchhan zelin kal zel r'u. In kal zelna turah duhsakna sang ber ka hlan a che u!
- H Zate
Founder/Editor
Explore Mizoram
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: