Serchhip bye election-a BJP candidate atan Hriata Chhangte

Aizawl | March 26, 2021: BJP Mizoram Pradesh chuan vawiin khan BJP Mizoram Office Upper Republic ah Serchhip Bial Bye Election a BJP Official Candidate  BJP State President Vanlalhmuaka'n a puang.


Pu Vanlalhmuaka chuan 26 Serchhip (ST) Bial a BJP Official Candidate tur a BJP Mizoram in a rawtna, Central BJP pawmpuina lehkha chu 25th March 2021(Thursday) tlai khan dawn anih angin, vawiin ah hian Pu Lalhriatrenga Chhangte chu BJP Official Candidate a ni tih lawmtakin ka puang a ni.

BJP Mizoram Pradesh chuan, Pu Hriata Chhangte Official Candidate chu Serchhip Bial mipui te tan chuan tangkai ber tur leh hnathawk tha thei tur ber ani a, State Sorkar kan hria a, Rulling MLA emaw Minister Bial te hian hmasawnna tha bik Opposition MLA te aia an neihna kan hmu lo a ni. BJP Official Candidate Pu Hriata Chhangte hi an thlang tling anih chuan Central atanga a biktaka puihna Serchhip Bial mipui te hian an hmu dawn a, chuvangin Serchhip Bial mipui te chuan BJP Official Candidate Pu Lalhriatrenga Chhangte chu lo Vote tling turin ka ngen che u a ni a ti. BJP hi Central ah Sorkar lai kan ni a, Pathian zarah kan la Sorkar zel pawh kan ring a, Development buaipui Party kan nih avangin, BJP Candidate Pu Hriata Chhangte hmang hian Serchhip Bial Mipui te hian kan hmu ngei ngei dawn a ni tih ka sawi duh bawk a ni a ti.


Post a Comment

He post chungchanga i ngaihdan lo sawi ve rawh:

Previous Post Next Post