Dodalna karah Thangram Cultural Meet ṭan; Naktuk-ah Mizoram Rajya Sabha MP khuallian ni dawn?

Aizawl | Feb 24, 2021:  Zanin dar 8 khan Mualmawi, Thangram-ah 'Thangram Cultural Meet vawi 1-na chu dodalna nasa tak karah ṭan niin, programme tluang takin an hmang thei a. Dodalna karah, khuallian tur Mizoram RJ MP K Vanlalvena hian a uap thei ang em tih hriatchian theih a la ni rih lo.



Zanin hun hman hi MZP president B Vanlaltana chuan a hawng a. Thusawitu zinga mi ZORO General secretary Lalmuanpuia Punte chuan, "thangram aṭanga Mizorama beh duhna rilru awm hi a ropui hle a ni," a ti a. ZORO GS chuan, "Thangram hruaitute chu hnan inpumkhatna tura an beihnaah hnungtawlh lova bei zel turin a fuih a, an tana MZP leh ZORO chu an din reng tur thu a sawi bawk.


Thangram Cultural Meet hi Thangram Indigenious Peoples' Movement (TIPM) in an buatsaih niin, Naktuk hian chhunzawm a ni dawn a. Mizoram Rajya Sabha MP K Vanlalvena chuan khuallian niin, a uap dawn a, Karimganj administration lam aṭanga he meet dodalna neuh neuh karah hian a telpui thei ang em hriat a la ni lo.
He hun-ah hian MZP General Headquarters, tlang hrang hranga MZP hruaitu, College SU leh Hnampual zirlai pawl hruaitu ṭhahnem takin an tel a ni.



MZP te thangram cultural meet hmang tura kal hi Thinghlun dai, Assam lamin Pu Zolawma thlam an halna piah-ah SSB duty-te'n kaltalang phak lova lo tidingin an lo dang a, hun rei tak an innawr nghe nghe a ni.

Post a Comment

1 Comments

He post chungchanga i ngaihdan lo sawi ve rawh: