Hranghlui rimawi tum thiam leh hlaphuahthiam nen

- C Lalthazuala

Pa kawm nuam, mite an mize mil a kawm thiam zel, fiamthu duh tak mai leh a sawi tum pawh sawifiah thiam tak mai,titi thiam- Lalduhawma, fiam dawl leh rilru zau, Lalduhawm dang an lo awm ve tho ṭhin a vang te, amah chu hnar zum veng vawng a nih avang a "vai i ang" ti a fiam hlawh tak a nih avang te a "VAI-LALDUHAWMA" ti a a ṭhin ten an sawi lar or sawifiah ṭhin, mahni intihlar tum vang ni lem lova, rimawi thlarau a chan chhah em avanga "Zo rimawi" khawvel a hriathlawh, a tunlai ṭawng tak a "Active" han tling phak leh rimawi lipui a liluh thuk tak mai "Pa hrat khawkheng" hi a chanchin sawi tur a tamin chanchin ngaihnawm leh theuneu lo  a ngahin a nei ṭeuh a nia. A ṭhen a zar tal i han ṭhet teh ang haha.

Lalduhawma hian kum 1977 khan begineers tih band chu dinin Aizawl sipai lammualah The Beatles, CCR, The Eagles hla te an lo din chhuah puiin an lo aupui ve ṭhin a, khawvel hla lar- "Hotel california" tih hla the eagles ho hla chuam chu a tunlai tuipuiral ṭawng takin "Play" hmasa ber anni hial ang.chung hunlai chu khawvel a The Eagles band lar vanglai tak a ni.

Chung hunlai daih a Sipai lammual a Khawvel hla lar--"hotel california" Lo play tawh daih hi Zorimawi history a thil namailo ve tak chu a ni e.

Lalduhawma sawi dan chuan, A original chord, B-minor chu kan tan a sang mah mah deuh a, kan aw mil tawk, Standard key ni lo, A-minorin kan sa a, amaherawh chu kan tuipuiin nuam kan ti ve khawp mai a hunlai boruakah chuan a ti.Aminor chu Standard key aia hniam daihin an herh tihna a nih chu.

Engtik kum chiah kha nge ka hre ta lo, 2016 emaw 17 emaw a ni maithei...Mizo rock legend Jeremy Zobiaka hriatrengna concert, memorial concert/Tribute concert huaihawt a nih ṭum khan Opa of Tribal power-in The Rolling Stones hla a sak khan kutphah hliam, chemte a a zai avanga vai puan nem pan(bandage),var nena kutphah tuam bur chungin Lalduhawma hian bass guitar a rawn perhsak a.Nepali khuangvaw thiam hmingthang "Reverse Strategy" an ti nge "Tragedy" ka hriatpawlh...band drummer Raju-a  khan khuang a lo khawn sak a, Ma-ngheta'n thiam takin ṭingṭang a lo tum a. kha mi ṭuma Vanapa Hall a kal te kha chuan hmuhnawm ka tiin kan ngaithla uluk hlawm khawp mai.Kutphah hliam chung pawn Lalduhawma hian a bahlah lo ve khawp mai.

Lalduhawma hian Drums thlengin a khawng thei, Bass guitar chu lar pui ta ber mahse a hun hmasa lamah chuan lead guitarist angin rimawi zinkawng a zawh ṭan zawk zu nia.keyboard pawh a ṭul chuan a play thei.

A band telna hmasaber "BEGINEERS" ah te khan lead guitarist a ni daih.

Fam dairial chang tawh, hranghlui guitarist hmingthang, Kum 1980 chawhma lam leh chawhnu lam thleng pawh a ṭingṭang perhthiam hmingthang. Chung hunlai a Zawlkhawpui tinuamtu rock band hmingthang leh turu "Rock Wizard guitarist James B Ralte nen te pawh khan Vanapa hallah te an play tlang hman a fo ṭhin a.

An kutchhuak, tun a Hranghlui chanchang ve tawh, mahse tun thleng a hriat hlawh la ni reng-zaithuam lar chuai thei lo an tih zing a mi,  Peter C Lalrinmawia(zaithiam leh drumer hmingthang) hla lar reh thei lo "Karhla ṭhian" sap hovin "golden hit" an tih ang chi hla, mizo lenglawng hlalar chuai thei lo zinga a mi, kha OTTO recoding studio, kulikawn a record a ni a.chu record chu all india Radio Aizawlah dahluh(dubb luh) a ni.

Khata James B Ralte(fam) guitar intro leh  a chang sak kar lak a a guitar khawih kual vel mawi zia chu kan hria ang. Kha original version ngei mai kha, Zoram dung leh vang deng chhuaktu version ngei maia a bass-line mawi lutuk leh ngaihthlak nuam kha Lalduhawma perh hi a ni, Zorimawi huangah hian a thawhhlawk viau a nia.

Tin, kha version hlut riauna chu Joseph Zokunga, fam dairial chang tawh(Chief music instructor, Institutes of music&fine Arts,  IMFA-, Arts and culture deptt)chu kha Version mawi tak maia Rhythm guitar mawi tak a lo perhtu niin Peter C Lalrinmawia khan khuang khawng chungin kha hla mawi em em mai kha studioah a sa lut thung a ni.

Lalduhawma hian Hla 80 chuang phuahin, tam tak erawh a lo vawn ṭhat tawk loh avanga tihbo annih thu a sawi a ni. English, mizo--Lenglawng, lengzem, fakna hla te a phuah vek a ni.

Lalduhawma hlaphuah All India Radio Aizawl a thun hmasa bertu chu Lalhungchhungi pachuau a ni.A hunlaia Hranghlui F Lalnunfima(Fam) -in All India Radio Aizawl a a hla hit ber pawl "Dawn ve  teh u" tih hla chu  a phuah a ni bawk a ni.

A fakna hla phuah "Golgotha" tih leh "Kan nunna thuhruk a ni" tih hla te chu Lalnunmawia Vatea'n a Fakna hla audio-albumah a sa a ni.

Lalduhawma hlaphuah te hi Lalrindiki khiangte(Daduhi) hian pasarih(7) lai a   sa a, chung te chu- ka chhas a nih saw, Nghilh bik suh aw, Ṭhian ngaihawm, Hlimten leng dun ang aw, Nunhlui ngaihawm, Lengdun ang aw, ka ngai ṭhin tih te anni.

 Lalrindiki khiangte tan pawh hian  a hlu teh a nia.

Jan 23, 2021 chawhnu lamah chutiang tak a Zo rimawi khawvel a contribution ngah, Zorimawi tana mihlu Pu Lalduhawma hi a chenna veng, Aizawl venglai a a chenna In-ah ka va tlawh ve a ni.

 Hun enge maw chen chu cancer natna nunrawng tak nen an lo insual chho ve tawh a. Amaherawh chu amah hi mizopa rilru diktak, a ngeiawm zawng leh midang tana hnawksak ni silo, rilru luhlul ve tak a lo nive bawk nen, a natna sual mek hian a nunram a tichau vak lem rih lo niin a lang. A hmel a hlim reng tho e.

Chutiang natna nei chung chuan kan Hranghlui zahawm tak hian perkhuang min la chawipui peih a.hlim tak a zai dunin tunhma a a ṭhiante, rimawi lipui a lo liluhpuite chanchin a kar lak a sawi zel chungin hlim takin, Kan pahnih te- chauhin rimawi lipui kan hleuh dun e. 

Pu Lalduhawma nen...Peter C Lalrunmawia hla hlui, a album lar tak, "Laichhuat an chhir"tih album a hla pakhat, oldies-"lengtin chhai lawr" tih hla kan sa dun e.

C Lalṭhazuala.

(Bematuale)