MZU Master of Arts in Psychology Gold Medalist Lalnunhlimi kan belchiang.
Manuni tia koh hi Lalnunhlimi hu R Lalpeka leh R lalrintluangi te fa pali zinga pahnihna niin March 30, 1993 khan a lo piang a. Unau pali niin mipa pakhat leh hmeichhia pathum an ni a, Manuni hi a pahnihna ni.
Manuni te hi Presbyterian kohhran-ah lawiin, Durtlang, Kawnveng ah chengin an khawsa a ni.
Master of Arts (Psychology) Manuni hian CGPA 8.614 score in Gold medalist a ni.
Zirna lam:
1.Pawl 1 atanga pawl 10 khawi ah nge i kal? Engzatna nge i nih thin? Pawl 10 pass kum:
- Pawl 1 atanga pawl 3 hi St. Francis of Assisi Durtlang ah ka kal a. Pawl 4 atanga pawl 7 hi Laurel Crest Durtlang ah ka kal leh a. High school hi Mt. Carmel School Chaltlang ah ka kal thung.
Pawl 1 atanga pawl 10 ka kal chhung khan top 5 ah ka lang ve thin. Pawl 10 hi 2009 khan ka pass.
Pawl 1 atanga pawl 10 ka kal chhung khan top 5 ah ka lang ve thin. Pawl 10 hi 2009 khan ka pass.
2. Pawl 12 hi khawi atangin nge i pass?
- Higher hi Dawrpui School of Science and Technology atangin ka pass a. Second ah 2011 ah khan ka pass.
- Higher hi Dawrpui School of Science and Technology atangin ka pass a. Second ah 2011 ah khan ka pass.
3. Zirna sang zawk i zir te leh i zirna hmun leh kum te:
- Bacherlor hi Psychology zir lovin Guwahati-ah BSc. (Nursing) ka zir a. Chu chu kum 4 chhung niin 2015 khan ka zo.
I lehkha zir dan:
- Lehkha zir dan ah hian hunbi tak ti a sawi tur ka nei lem lo a. Ni khat-ah darkar 3 te ka zir tlangpui a. Kan syllabus bakah thil dang a kaihhnawih te en pahin important points hi ka mark a. Hun awl ngah chang chuan notes ka in siam bawk a. Tin, ka subject hi ka tui avangin class ah lecture tha tak in ka ngaithla thin a, hei hian nasa tak in min pui bawk. Chuan, thiante nen a discussion neih thin hian nasa takin min pui in ka hria.
Harsatna i hmachhawn dan?
- Harsatna tih ah hian zirna lam mai bak ah chhungkaw lam atang te pawn chi hrang hrang a awm thei ang a. A chang chuan han beidawn ngawih ngawih chang te pawh kan nei a, heng harsatna te hi chu mihring kan dam chhung zawng a awm ve reng tur a ni a. Chuvangin, a bul ber ah chuan tawngtai tam a Pathian hnenah harsatna te hma chhawn thiam thei tura kan dil reng hi a pawimawh ka ti.
Gold medalist ni tura i beih dan:
- A hmasa in ka sawi tawh angin Bachelor hi Nursing daih a ni a. Psychology master ka tih leh na chhan pawh keiman ka tui chilh ve hrim hrim vang a ni a. Kan zir apiang mai kha ka tan chuan thil thar a ni a. Bo pawh ka bo thei em em a. Mahse, khang khan ka tuina te a tihbo ka duh ngai lo a. Kan zir apiang leh chumi bak deuh pawh a han hriat belh zel ka duhna te kha ni berin ka hria.
Gold medalist ni tura i beihna-ah faculty ten an pui tha che in i hria em?:
- Aw. Kan professor leh staff te hi an inhawngin hriat thiam loh lai a awm kan zawh nawn pawhin tha tak leh zaidam takin kan hriatthiam theih tur ang berin min beih pui a. An chungah lawmthu sawi sen loh ka ba-in ka hria.
i zirna atana i chhungte pawimawhna:
- Durtlang atanga MZU Kawng Hi kan hriat ang in a thui em em a. Hun leh tha tam tak kum 2 chhung teh meuh seng ngai anih vangin chhungkaw thil pawimawh leh In chhung chet leh a trul dang ah min awl hneh em em a. Lehkha ka zir ka tih tawh hi chuan keima tan hun min pe tawp zel thin a. Min support tha hle ani.
I zir na atana I thiante pawimawhna:
- Kan hriat toh angin Psychology background nei lo ka ni a. A bo pawh ka bo thei khawp mai. Zirtirtuten vawi khat an sawi an tan a Chiang Mai thin te hi ka tan chuan a chiang ve mai loh changte a tam em2 a. Heng ah hian ka hriatthiam loh lai ka zawh pawh ka thiante hian awlsam thei tur ang ber ten min han hrilh leh nawk nawk zel a. An chung ah pawh ka lawm em2 ani.
- Kan hriat toh angin Psychology background nei lo ka ni a. A bo pawh ka bo thei khawp mai. Zirtirtuten vawi khat an sawi an tan a Chiang Mai thin te hi ka tan chuan a chiang ve mai loh changte a tam em2 a. Heng ah hian ka hriatthiam loh lai ka zawh pawh ka thiante hian awlsam thei tur ang ber ten min han hrilh leh nawk nawk zel a. An chung ah pawh ka lawm em2 ani.
Duhzawng leh ngainat zawng te:
Rawng: A dum leh a senno
Chawhmeh: Alu kan leh Vawksa chhum
Incheina: Fai tak ni phawtse. Chuan jeans leh t-shirt ka ngaina
Rimawi: Rock tih loh chu ka mood a zirin ka ngaithla kual vek.
Mizo ziaktu zing ah: Mafaa Hauhnar
Teacher: Zirna mai nilo chumi piah lam thleng a naupang te kaihruai thei.
Leader: Mahatma Gandhi
Mize ngainat zawng:
- Dinhmun a tha emaw tha vak lo pawh nise mahni nih na anga lang chhuak ngam te, mi tlawmngai leh zaidam te hi ka ngaina.
- Dinhmun a tha emaw tha vak lo pawh nise mahni nih na anga lang chhuak ngam te, mi tlawmngai leh zaidam te hi ka ngaina.
Mize ngainat loh zawng:
- Midangte ngaichang lo leh mahni thu a thil ti tlang pawp2 thin te, mahni hmasial tlat ho te.
Hobby: Ka hun awl ah chuan chhungkaw tan a ei tur tui tak han siam te, hmun fianrial a mahni han in kawm te leh pangpar khawi te hi nuam ka ti.
Relationship status: Single lo kan ti mai dawn em ni!😄
Kawppui atana duhzawng:
- Hmeichhia ka nih angin kawppui tur atan chuan Pathian hre mi, mi inring zo tak, chhungkua leh thenrual ngaihsak mi.
Zawhna dang:
1.A tel lo a I awm theih loh: Pathian tel lo in kan awm thei lo a. Chuan thil dang chu ka Water bottle leh Lip gloss.😄
2. I nun kaihruaitu: A bul ber ah chuan Pathian. Chumi dawt ah chuan ka nu leh ka pa.
3. Hringnuna I hlauh ber: Pathian tel lo a nun hman.
4. I tih ngai miah loh tur: Min hmangaih tu ka chhungkua te phatsan.
5. Mizo tualzal nuna tha I tih: Mizo tlawmngaihna.
6. I quote duh ber:
“All our dreams can come true if we have the courage to pursue them”
- Walt Disney
7. Mizoram leh Mizo tualzal nuna mizo hmeichhiate dinhmun:
- Tun dinhmun ah chuan kan ram a state dang te dinhmun en pawh in Mizoram ah hi chuan hmeichhiate dinhmun hi a chhe lam ani lo tih chu chiang tak In a hmuh theih ka ti. Zirna leh hna zawn kawng ah pawh Mizo hmeichhiate hi kan ngaituah awm loh ka ti.
8. Hnam hmingthat leh hmingchhiat kawng ah hmeichhia te mawhphurhna:
- Mizo chauh nilo hnam dang ah te pawh ani anga,kan ngaihdan tlangpui ah chuan chhungkaw pa in ei a zawng anga, nu ber In inchhung leh fa te a enkawl ang tih kha ani thin a.. Mahse tunlai khawvel ah chuan eizawnna leh chhungkaw enkawl na ah pawh mipa hmeichhia In kan contribution hi a in ang thuak toh a. Engpawh nise, chhungkaw in zir tir na Kawng ah puitling lam zawk ten mizo dik tak rilru pu nghet tlat in fa te leh naupang zawngte zirtir na in pe thin ila a pawimawh in ka hria.
9. Hnam zia rang chawinun kawnga hmeichhiate mawhphurhna:
- Hei hi point tam tak a awm thei a nga. Chung ah chuan mizo hnam In cheina, entirnan Puan bih te uar ila. Tin, ho te ang a lang si Buh thlei te, em phurh te pawh a rem hun ang ah han practice zel theih ni ta se.
10. Mizote tan “Fa neih tlem” inzirtirna hi a tul in I hria em?:
- Hei hi chu a trul in ka hrelo. Mizo kan la tlem lutuk . Chim ral tham lek kan la ni.
11. Mizo te hnam thanmawh bawk nia I hriat: Mizo hnam hi kan tlem In la inkawmngeih tham lek kan ni a, chuti chung chuan mahni hmasawnna tur ngaihtuah aiin midang te nun lo va duh tui lutuk te hi kan tam ka ti a. Mi zawng2 chu kan nilo. Midang te nun a hun leh ngaihtuah na kan seng ang zat hi chhungkaw tan seng ila, kan thrang awk maithei ni. Tin, ruihhlo leh zu hi kan thalai te ah kan rin phak bak I a hluar a. Heihian kan thalai pui duhawm tak2 ram tan a trangkai em2 tur te min lak sak a. Chuan pawimawh ka tih em2 bok sawi lan loh theih loh ka tih chu kan ram hmasawnna hi thui takin kan ram hruaitu te ah a in nghat tih hi.
12. Mizo hnam dam na atana kawng awm nia I hriat te:
- Pathian hnena tawngtai a dil te. Ram hruai tu ten dik tak in mipui te chung ah ro rel se. Tin, Mi tin hian eng Kawng ah pawh kan tih tur threuh te tha tak leh rinawm takin ti ila.
13. Hnam chhan nan a hmeichhiate tangkaina leh mawhphurhna:
- Hmeichhiate hian hnam chhan nan tangkaina leh mawhphurh na tam tak kan nei a. Chumi zing a pawimawh ka tih ber chu zir na hi a ni. Zirna hmang a kan dinhmun eng kawng ah pawh kan chawi kan a, Mizoram chhung leh pawn lam thleng pawh a mahni in rin tawk na nei tak a ke kan pen zel na kailawn tha ber niin ka hria.
14. Zirna, khawtlang leh kohhran hi:
- Kan Zirna te khawtlang tan kan thawh na leh kohhran a kan in hman na te hi a vai hian a pawimawh em em a . Mahse heng te hi a rual a tih vek theih ani In ka hrelo a . A awmzia chu zirlai kan nih chhung chuan khawtlang leh kohhran ah in hman vak a rem loh na chen a awm thin a. Mihring kan In ang lo a, Zirna nen a ti kawp vek thei pawh kan awm, a tha lutuk. Amaherawh chu zir na ti hmasawn lo leh ngaihtuah hman lo khawp chuan in hmang rih lo pawh nila a pawi in ka hrelo.
15. Khawtlang, kohhran leh Nangmah:
- Zirna avangin hmun dang ah te kan awm nawk2 avangin khawtlang leh kohhran ah ah hian ka tel tam lo hle a. A in thlahrun awm pawh ka ti viau. Mahse Pathian in mi tha tak2 leh taima tak2 te a dah zel a. A lawmawm ka ti.
16. Social media leh Nangmah:
Social media ah hi chuan Instagram leh WhatsApp hi a tul dan a zirin ka hmang tlangpui a. Uchuak leh tih tur ti khaihlak khawp chuan ka khawih ngai lo.
17. Mizoram thalai tam tak tlakchham:
- Hei hi ka sawi chak em em thin a ni a. Mizo thalai te hian tih tak takna nun leh taimakna hi kan tlachham hle-in ka hria. Lehkha zir kawngah leh hna zawnna-ah te hei aia nasa leh taima zawk hian i bei hram hram ang u. Engpawh ti ila, beidawng mai lovin taimakna nen theih tawp i chhuah ang u.
18. Mizo thalai te hian ngaihsan tur dik an ngaisang in I hria em?:
- Lehlam kawng takah chuan Mizo te hi thil in-tih-hmuh hrat tak kan ni a. Mi pakhat langsar deuhin eng emaw alo tih fuh chuan hriat zau pawh tum em em lo hian kan tleh huk mai zel a. Hetiang ang hnam kan nih vang hian tun ah ka thalai pui ngei te ka chah duh pawh thil hi chik ila, hriat zau zel duh na rilru pu ila, tichuan ngaihsan tur dik tak kan nun ti danglam dawrh thei tur kan hmu ngei ang.
19. Ngaihsan tur dik nia I hriat:
- Mi taima leh rim tak a thawk thin te, eng dinhmun atang pawha mahni kut ngei a din chhuah tum a bei thin te, ram leh hnam tan a theih tawp a bei a, tha leh zung seng tak meuh meuh tu te hi an ngaihsan awm ka ti.
20. Hlawhtlin na tur a pawimawh:
- Pathian hnena dil leh taima leh rim taka thawh te, harsatna tam tak alo awm pawh a inhneh tir loh leh beidawng lo a beih tang tang.
21. Hloh I hlauh ber: Ka thil tih tam lo mahse ka tih ve chhun apianga beidawng mai lo a ka tih ve tang tang thinna hi.
22. Hnam dang nupui pasal neih hi:
- Midang nun chu ka sawi thei lo a, mahse, keima ngaihdan-ah chuan kan hnam kan la naupang in kan la tlem em em a. Chuvang chuan, a hmei a pa in hnam dang nupui pasal neih hi kan society hian a la zo lo. Hnam boralna thlen theitu lian tak a niin ka hria.
I thalaipuite tan fuihna:
- Ka thalai pui te zing ah hian fel tak tak leh tluk loh tam tak ka nei a. Mahse ka sawi ve duh chu thil kan tih reng2 In kan ti toh rau2 anih chuan kan theih tawp In leh a ber ni thei tur In han trang vak mai ila. Pathian pawn mal min sawm ngei ngei ang. Tin, thil dang leh chu kan chhungte pawn rem an lo ti vak lo ani thei, amaherawhchu kan tui na lam anih chuan tang ngam ila, kan result in a hril bok chuan kan hlawhtling em em ang. Kan hriat tur bawk chu mahni nuam tih zawng leh tuina zawng lam tih hi a hrisel in mahni ah satisfaction min pe a. Chu chuan rilru lam hrisel na thleng in nghawng tam tak anei thei ani.
EXPLOREMIZORAM.COM I hmuh dan:
- Exploremizoram.com hi ka lo hmu ve thin a, tha ka ti khawp mai. post te leh update te a ngaihnawm in hriatna a ti zau ka ti a. Mizoram mipui te tan a bengvarthlak. In kal leh na zel tur ah duhsakna ka hlan mawlh mawlh a che u. Ka lawm e.
- H Zate
Founder/Editor
Explore Mizoram
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Twitter: https://twitter.com/exploremizoram
Instagram: https://www.instagram.com/explore.mizoram
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: