PM-in Bihar-a Petroleum sector kaihhnawih project pawimawh pathum ram tan a hlan

Sept 13, 2020: Prime Minister Pu Narendra Modi chuan vawiin khan video conference kaltlangin Bihar a Petroleum sector kaihhnawih project pawimawh pathum chu ram tana hlanna hun a hmang a. Heng project zingah hian Paradip-Haldia-Durgapur Pipeline Augmentation Project hnuaia Durgapur-Banka section leh LPG Bottling plant pahnih an tel a. Ministry of Petroleum and Natural Gas enkawlna hnuaia IndianOil, HPCL leh PSUte'n an commission a ni.

He hunah hian thusawiin Prime Minister chuan kum rei vaklo kalta a Bihar tana special package puan khan State chhung a infrastructure tihchangtlun te chu a ngaih pawimawh thusawiin Bihar tana special package puan hian petroleum leh gas kaihhnawih cheng vaibelchhe sing 2 sang 1 hu project lian tak tak 10 a keng tel a. Chung zinga project pasarihna chu vawiin hian Bihar state mipuite tan hlan a ni a ti a.  Project dang paruk a hma a Bihar a lo zawhfel tawhte hi sawilangin kum khat leh a chanvel kalta a a bul tanna lungphum a phum gas pipeline project pawimawh tak hnuaia km 200 vela thui Durgapur-Banka section a hawng thei chu lawmawm a tih thu a sawi a.  Engineer-te leh labourer-te thawhrimna leh state sorkarin phur taka hmalakna a tawiawm chu fakawm a tih thusawiin hmun chheng chhe tak nimahse a hun taka project thawhzawh theih anih phah a ni a ti a.  Bihar Chief Minister chu fakin Bihar a hna kalpui dan thin generation khat chhung a hnabul tan a,  generation dang a zawh chauh thin chu a titawp a ni a ti a.  He hna thawhdan phung thar hi sawhngheh anih chuan Bihar leh India chhaklam ram bial hi hmasawnna kawngah a hruai thei dawn a ni a ti.

Prime Minister chuan scripture atanga thu lachhuakin "सामर्थ्य मूलं स्वातंत्र्यम्, श्रम मूलं वैभवम् ।” hemi awmzia chu ram hmasawnna chu chakna atana zalenna leh theihna hmangchhuaktu hnathawktute kutah a in nghat a ni a ti a.  Bihar tiamin India chhaklam ram bialah hian hnathawktu indaihlohna a awm lova,  a ram leilung pawh a hausa a,  chutichung erawh chuan Bihar leh India hmarlam ram bial hi kum tam tak chhung chu hmasawnna lamah a hnufual a,  politics,  ei leh bar lam leh thildang dah pawimawh hmasakna avangin an lo betin an lo tuar tawh a ni a ti a.  Kawngpui,  rel, boruak leh internet hmanga inkalpawh leh inbiak pawhnate chu tun hmalamin ngaih pawimawh an lo ni ngai lova,  Bihar-ah hian gas based industry leh petro-connectivity te phei chu ngaihtuah phak a nilo tih thusawiin Bihar ah hian gas based industry din chu a ram leilung awmna vangin thil hautak a nilo thei lova,  hei vangin petroleum leh gas hi a nei ve lova,  tuipui/tuifinriat hnaiha awm a state thenawmte chuan petroleum leh gas an nei a ni a ti.

Prime Minister chuan Gas-based industry leh petro-connectivity te hian mipuite nun, khawsak phung leh dinhmunah direct in nghawng a nei a,  mi maktaduai tam tak tan hnathawh tur kawng a hawnsak bawk a. Tunah chuan CNG&PNG chuan Bihar leh Eastern India a khawpui tam tak a thleng tawh a,  mipuite chuan heng facility-te hi awlsam takin an hmu thei tur a ni a ti a.  Bhagiratha hmalaknain eastern India leh Paradip a eastern seaboard leh Kandla a western seaboard te chu Pradhan Mantri Urja Ganga Yojana hnuaiah connect tum a ni a,  state pasarihte chu he pipeline,  km 3000 vela thui in a connect dawn a;  hetah hian Bihar pawhin chanvo langsar tak a nei a.  Paradip-Haldia inkar line chu Patna,  Mazaffarpur thleng tura tihsei a ni a,  Kandla atanga pipeline lo kal chuan Gorakhpur thleng tawhin a in connect kual vek dawn a ni a ti a.  Project pumpui hi zawhfel anih hunah chuan khawvela pipeline project sei berte zing a mi a ni dawn a ni a ti.

Prime Minister chuan he gas pipeline avang hian bottling plant lian takte Bihar ah bun theih a nih phah a.  Chung zing a Bottling Plant pahnih - Banka leh Champaran a mite chu vawiin hian hawn a ni a.  Heng plant pahnihte hian kum tinin cylinder maktaduai 125 chuang an thun khat thei dawn a.  Heng plant te hian Godda,  Deoghar,  Dumka,  Sahibganj,  Pakur district-te leh Uttar Pradesh leh Jharkhand hmun thenkhatte LPG mamawh a phuhru thei dawn a ni. Bihar chuan gas pipeline phum leh pipeline kaihhnawih a energy lam industry tharte atangin hnathar sang tam tak a siam thu a sawi bawk a ni.

Prime Minister chuan  Barauni a fertilizer factory a hma a lo khar tawh chu gas pipeline siam zawh hnuah hawn thar leh anih tur thusawiin tunah chuan ramchhunga chhungkaw rethei vaibelchhe 8 te'n Ujjwala scheme avangin gas connection an nei ve tawh a.  Hei hian corona hripui len chhung hian mi rethei te khawsak phung a tha zawngin a nghawng a,  inkharkhip chhung a in a an inkhung a ngaih avang leh thing emaw tuah tur dang lakhawm a an chhuah a ngaihloh avangin an samkhai phah hle a ni a ti.

Prime Minister chuan Corona hripui len lai hian cylinder maktaduai engemawzat chu Ujjwala scheme beneficiary-te hnenah a thlawn a pek a ni a,  hemi hi chhungkaw rethei maktaduai engemawzatin an chhawr a ni a ti a.  Hemi kawngah hian petroleum leh gas department te leh company te leh a semchhuaktu maktaduai chuangte hmalakna chu fakin corona hripui lenlai a, hri kai hlauhawm tak karah pawh gas ngheilovin mipui an siam a ni a ti a. Bihar ah hian LPG gas connection hi mi pangngai chunglamte chauhin an neih phak a nih hunlai a lo awm tawh a.  Gas connection nei turin recommendation lakte a ngai thin thusawiin hei hi tunah chuan Ujjwala scheme hian Bihar tan hian a thlak danglam sak tawh a ni a ti a.  Bihar a chhungkaw khawsak harsa vaibelchhe 1.25 velte chu a thlawna gas connection pek annih thusawiin In a gas connection neih hian Bihar state mi vaibelchhe tam tak tan samkhaina a thlensak a ni a ti.

Prime Minister chuan Bihar thalaite chu fakin India rama talent powerhouse chu Bihar hi a ni a ti a. Bihar theihna leh Bihar thawhrimnate chu state tin hmasawnna ah hmuh tel zel tur a awm thusawiin kum 15 kalta chhung khan Bihar hian sorkar tha,  thuthlukna dik leh policy mumal hmangin mitin thleng pha hmasawnna hmel a hmu chhova. Tun hmalama ngaihdan awm thinah chuan Bihar thalaite hian lehkha an zir a ngailo,  lo lamah hna an thawh a ngai a ni tih hi a ni a.  He ngaihdan diklo avang hian Bihar a zirna in din tur hian hmalakna mumal siam a nilova.  Hetiang anih avang hian Bihar thalaite chu hmundangah lehkha zir tur leh hnathawk turin an kalchhuah a ngai thin a. Lo lama hnathawh leh loneih hi hna hahthlak leh chhuanawm a nih rualin thalaite dan opportunity dang leh ruahmanna dang a siam sak lova,  kha ngaihdan kha a diklo a ni a ti.

Prime Minister chuan tunah chuan Bihar ah hian zirna in lian tak tak din anih tawh thusawii Agriculture college te,  medical college te, engineering college te an pung nasa tawh hle a.  Tunah chuan state a IIT,  IIM leh IIIT te chuan thalaite tum ram a thlenpui chho mek a ni a ti a.  Bihar a Polytechnic zirna inte leh University lian tak pahnih,  IIT pakhat,  IIM pakhat,  NIFT pakhat leh National Law Institute pakhat din annih chungchangah Bihar Chief Minister hmalakna chu a fak a ni.

Prime Minister chuan Start Up India,  Mudra Yojana leh hetiang ang chi scheme dangte chuan Bihar thalaite tan eizawnna a siam sak thusawiin vawiinah chuan khawpui leh thingtlang khuate'n electricity an nei tha tawh hle a ni a ti a. Kawlphetha,  petroleum leh gas sector ah te infrastructute tunlai zawkte bun mek an nih thusawiin reform te pawh kalpui mek zel an ni a,  mihring khawsak tiawlsamin industry leh economy pawhin hma a sawn phah a ni a ti a.  Corona hripui leng karah pawh petroleum kaihhnawih infrastructure - refinery projects,  Exploration leh production kaihhnawih project te,  pipeline te,  city gas distribution project te,  project dang thahnem takte an langsar mek zel a ni a ti a.  Ni reivak lo chhung hian cheng vaibelchhe nuai 6 seng a din tur project sang 8 chuang kalpui tan a ni dawn a ni a ti bawk.

Prime Minister chuan migrant labourer-te chu an khuaah an haw thusawiin an tan hian hnathawh tur thar ruahman mek zel a ni a ti a.  Khawvel huap a hripui leng mek hian India ram hi a tichawl chuang lova a bik takin Bihar phei chuan chawl lovin hma a la reng a.  Cheng vaibelchhe nuai 100 chuang senna tur National Infrastructure Pipeline Project pawhin economic activity a ti pung dawn a ni tih thusawiin Bihar chu Eastern India a hmasawnna hmunpui pawimawh taka siam tura chak taka hnathawk turin a fuih a ni.

***
- PIB Aizawl

Post a Comment

0 Comments