COVID-19: Lawngtlaiah positive pakhat hmuh chhuah belh; Khung hran mek mi 129 an awm!

Lawngtlai | August 3, 2020: Vawiin khan Lawngtlai District-a quarantine facility-a khung hran lai mi pali chu Rapid Antigen Test hmanga an sample endik niin, COVID-19 positive pakhat hmuh chhuah belh a ni a, Covid Care Centre-ah dah luh nghal a ni.



Positive hmuh chhuah thar hi hmeichhia, kum 15 mi a ni a. Silchar atanga lo haw, sawrkar enkawl quarantine facility-a khung hran lai a ni. Heti hian tun dinhmunah Lawngtlai District-ah positive 4 an awm mek a, CCC-ah an hriselna dinhmun vil reng niin, ngaihtuahawm an awm lo.

Hetih lai hian Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 5:00 thleng khan mi 129 a ni.

Nizan khan Silchar atangin mi 1 lo thlen belhin, Medical Quarters-ah dah a ni a. Quarantine Centre atanga chhuahtir erawh an awm lo.

Zoram Medical College (ZMC)-a RT-PCR test tura swab sample thawn tawh zawng zawng 1166 atangin 59 result nghah mek niin, Lawngtlaiah Rapid Antigen Test hmangin sample 4 endik a ni tawh bawk a. Result hriat tawh chinah positive 23 hmuh chhuah ni tawhin, 19 chu dama chhuahtir an ni tawh a, enkawl lai 4 an la awm mek a ni.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 8
2. Circuit House, Lawngtlai - 18
3. PWD Inspection Bungalow - 6
4. Medical Quarters - 59
5. Covid Care Centre - 5 (Positive case 4)
A Total - 96

B. Home Quarantine - 33

Grand Total (A+B) - 129


- DIPR

Post a Comment

He post chungchanga i ngaihdan lo sawi ve rawh:

Previous Post Next Post