Aizawl | July 30, 2020: Vawiin chawhma khan Sawrkar Laipuia Ministry of AYUSH buatsaihin “Webinar on National AYUSH Mission & Operationalization of AYUSH Health & Wellness Centres under Ayushman Bharat” neih a ni a, Webinar Pu Shripad Naik, Minister of State for AYUSH hova neihah hian Health Minister Dr. R. Lalthangliana pawh telin Mizoram a AYUSH hmalakna te sawiin Mizoram mamawh hrang hrang a thlen bawk a ni.
Health Minister chuan Webinar ah hian Mizoram a AYUSH daktawrte leh AYUSH health worker ten COVID-19 dona a an thawhhlawkzia leh an fakawmzia a sawi chhuak a, hmun hrang hranga AYUSH daktawrte leh AYUSH health workerte chu COVID-19 donaah a hmatawngah tangin AYUSH damdawite pawh a mamawhtute hnenah semin an thawkrim hle tih a sawi.
Health Minister chuan Aizawl, Champhai leh Hnahthiala khum 50 awmna AYUSH Hospital sak tura rawtna siam chu ngaihpawimawh sak tur leh a hlawhtlin thuai theih nan chak taka hma la turin Union Minister of State for AYUSH hi a ngen a, Mizoram chhung hmun hrang hranga Health sub-centre/Urban Primary Health Centre 38 chu National AYUSH Mission hnuaiah Health & Wellness Centre-a hlankai tum a nih thu a sawi bawk.
- DIPR
Post a Comment
He post chungchanga i ngaihdan lo sawi ve rawh: