Aizawl | May 1, 2020: Mizoram Sawrkar hmalaknain thenawm State Assam, Manipur, Meghalaya leh Tripura a Mizoram mi tangkhang hruai haw mek an an ni a, vawiin chawhma thleng khan Champhai district mi leh sa mi pariatin champhai an thleng tawh.
Champhai District mi leh sa-te hi nimin khan lo haw tanin, vawiin chawhma thlenga Champhai lo thlengte chu Khawkawn Tuivai kaltlanga Manipur atanga lo haw leh Vairengte kaltlanga lo haw Assam a awm mi pali ve ve an ni a, DPRC Quarantine Centre, Keifangtlang-ah ni 14 chhung dahhran turin dahluh an ni.
An ni bakah hian Manipur atangin mi 12 leh Assam atangin mi 2 te kawng laka thang mek an awm.
Tun thlenga Champhai District mi lo haw tura in report te chu an vaiin 40 an ni a. Manipur atangin 21, Meghalaya 5, Tripura 1 leh Assam 13 te an ni.
Tangkhang lo thleng te lo dawngsawnga, an hriselna endik, venhimna siam, ei leh in pek leh tul dangte buaipui turin Champhai District Administration, Police, Medical team, Quarantine Centre Nodal Officer-te leh Procurement Nodal Officer-te chuan a tul angin hma an la zel a, tangkhang lo let hmasate chu Quarantine Centre-ah dahluh tawh an ni.
Post a Comment
He post chungchanga i ngaihdan lo sawi ve rawh: