Aizawl | April 30, 2020: Mizoram mi hmun danga tangkhang mekte hruaihaw dawn vangin Vairengte Check Gate leh a vel, a bikin Vairengte khawchhung lam metre 200 (zahnih) vel hi heng khualzinte lo kal lai hian tlawhpawh loh tur a seal tur a ni a. Hemi leh a huamchhungah hian Official Duty leh khualzinte chauh kal phal a ni dawn.
Sawrkar thuchhuahin a tarlan danin, Khualzin leh Official te ni lo tul lo leh tih tur nei lova helai hmuna lo kal te chu Quarantine ve an ni ang.
He thupek hi a tul angin Superintendent of Police, Kolasib leh Sub-Divisional Officer (Civil), Vairengte ten an lo bawhzui ang a, midang tlawh pawh theih loh turin an lo seal tur a ni. He Order hi mikhual lo thlen hma darkar khat leh mikhual lo thleng te thawn chhuah kim an nih thlengin hman thin tur a ni.
Mizoram mi State danga tangkhang mekte chu hruaikhawm turin hmalak mek a ni a, a thawhkhatna ah North East State a mite hruaikhawm an dawn.
Post a Comment
He post chungchanga i ngaihdan lo sawi ve rawh: