Aizawl | April 29, 2020: Lai Autonomous District Council (LADC) din champha pualin vawiin khan LADC Chief Executive Member (CEM) chuan ram mipuite chibai bukin, LADC Day pualin, Lawngtlai khawpui chhung a VLTF te hnenah thilpek a hlan.
LADC CEM T Zakunga chuan hri leng avanga inkharkhip mekah huamzau zawkin LADC Day chu hman a remchanglo tih sawiin; ram mipuite chu duhsakna hlanin, hri avanga ramin hun khirhtak a tawh mekah, mipuite chhuanchhama an awm Sorkar chuan a remti dawn lo tih sawiin, mipuite chu nasa zawka tawngtai turin a ngen. LADC Day pual hian CEM-in Lawngtlai khawpui chhunga VLTF 12 te tlawhin tanpuina cheng 5000 theuh a hlan a, hri laka mipuite him nana, hmun hrang hranga theihtawp chhuaha duty te chu ramin zahna chibai a buk tih a hrilh.
Kum 1972 khan Assam Sorkar hnuai a Mizo District Council chu Union Terittory ah hlankai niin, hemi kum vek April 29 ah, Lai, Mara leh Chakma te chu District Council thar pek an ni a, kumtinin LADC Sorkar chuan April 29 hi ni pawimawh bik atan an hmang thin a ni.
Post a Comment
He post chungchanga i ngaihdan lo sawi ve rawh: