FEATURE STORY: Pitar kum 95 miin a pension hlawh CMRF ah hlan; HIV Positive tan Mask thuisak

Aizawl | April 8, 2020: Nghakliani kum 95, Dawrpui chuan Hripui dona atan a theihna te hmangin, HIV positive te tan Mask a ṭhuisak.

Nghakliani hi Lalrinliana (L) Ex MLA nupui niin, a ni hian Hripui do-na atan a thlakhat pension hlawh chu Chief Minister Relief Fund (CMRF) ah a lo hlan tawh bawk.

Tuna Mask a thui hi Grace Home Durtlang a HIV Positive enkawl mekte tan a hlan a ni.

 

He thu hi Mizoram CM Zoramthanga chuan Twitter ah tweet in a chhuan thu a tarlang.

Young Women Christian Association (YWCA) of Aizawl project co-ordinator Lalchhuanzuali (CZi Ralte) chuan, "Hetiang hun a min hre rengtu te hi kan tan chuan a va'n hlu tak em! Lalpa mi te chuan nimin chu a liam tawh a, naktukah engnge lo thlen dawn tih hre lo mah ila, kan tun hun kan vawiin hun hi LALPA tan tiin an hmang ṭhin a ni." tiin Nghakliani chunga a lawmthu IG lamah post siamin a tarlang.

A thla khat pension hlawh CM Relief Fund ah a tul anga hman tura a hlan mai bakah hmai tuamna (face mask) chu a mamawhte tan a thlawn in a thui leh bawk a ni.

Nghakliani hian tunhma pawhin HIV Positive te tan tiin kutkawih thil hrang hrang siamin a thui a, chungte chu zuar lehin a hralhsum chu HIV positive te enkawl nan a lo hlan fo tawh thin niin CZ Ralte chuan a sawi a. 

An chhungkua hi HIV Positive te tana an inpek thu leh tha an thawh nasat thu a sawi bawk.

EXPLORE MIZORAM
email: admin@exploremizoram.com



(A hnuaia fakna hi lo hmet ve rawh.)

Post a Comment

0 Comments