Aizawl | April 20, 2020: Home minister Lalchamliana leh Chief secretary Lalnunmawia Chuaungo te ruahman angin state pawn atanga nitin mamawh (essential commodities) leh bungraw pawimawh lo luh tanna hmun, Vairengte leh Bairabi a lirthei lo lutte phuh thianghlim (disinfection) hna thawk turin Fire & Emergency Services te chuan Fire tender pahnih nimin (Pathianni) zing khan an tir chhuak niin sawrkar thuchhuah chuan a tarlang.
Sawrkar thuchuahin a tarlan danin, Ramri a entry point pawimawh pahnih Bairabi leh Vairengte ah hian motor leh rel lo lutte chu a remchan dan anga kangthelh motor hmangin damdawi a lo phuh thianghlim thin an ni a. Kolasib DC hmalakna in Disinfection Team mumal tak din a ni a. Vawiina kangthelh motor chhuakte hmang hian mumal zawk leh felfai zawka disinfection hna hi thawh chhunzawm tum a ni.
Nimin zinga Disinfection hna thawk tura chhuak Fire & Emergency Services mi leh sa te hi Kolasib DC hnenah in report nghalin DC kaihhruaina hnuaiah an duty hi an thawk nghal ang.
Post a Comment
He post chungchanga i ngaihdan lo sawi ve rawh: