NORTH EAST SDG CONCLAVE 2020 GUWAHATI AH NEIH A NI DAWN

Aizawl | Feb 21, 2020: NITI Aayog huaihawtin Hmarchhak state te tan Sustainable Development Goals sawizauna 'SDG Conclave 2020: Partnerships, Cooperation and Development of North Eastern States' tih chu February ni 24 leh February ni 26 inkarah Assam Administrative Staff College, Guwahati ah nei a ni dawn a. He Conclave atan hian NITI Aayog chuan North Eastern Council (NEC) te, Assam Sawrkar te, Tata Trusts te, United Nations Development Programme (UNDP) te leh Research and Information System for Developing Countries (RIS) te a thawhpui a ni.

Ni thum awh tur Conclave-ah hian Hmarchhak state sawrkar hotulu te leh an aiawh te, Sawrkar Laipui Ministry hrang hrang te, zirna in sanga thawk zirtirtute leh zirna lama mi chal lang te, civil society te leh khawvel huap hmasawnna buaipuitu pawl te an tel dawn a. Conclave tanna inaugural session ah hian Dr Rajiv Kumar, Vice Chairman, NITI Aayog; Dr. Jitendra Singh, Hon’ble Minister of State (IC), Ministry of Development of North Eastern Region (DoNER); Arunachal Pradesh, Assam, Manipur, Meghalaya, Mizoram, Nagaland, Sikkim leh Tripura Chief Minister-te; Pi Renata Lok-Dessallien, UN Resident Coordinator, India leh Shri Amitabh Kant, CEO, NITI Aayog te tel tura beisei an ni. Inaugural Session zawh atangin technical session a intan ang a, a tuk February ni 26 nilengin SDG Goal hrang hrang tlurbinga Technical Session neih chhunzawm a ni dawn a. Session kharna Valedictory address sawi turin Pi Shoko Noda, Resident Representative, UNDP India chu beisei a ni.

Hmarchhak dinhmun mila SDG bihchhianna te; ei leh bara hmasawnna leh eizawnna ngelnghet chungchang te; tunlai khawvel sik leh sa inthlak danglam mek mila lo neih chungchang te, hriselna leh ei leh in tha chungchang te; zirna chungchang te; tunlai thiamna mila thalai te thiamna leh theihna tih hmasawn leh tihpun te; thalai ten an mahni kut kea dinga eizawnna kawng thar an dap theihna tur chungchang te; inkalpawhna leh hmasawnna ruhrel tih hmasawnna chungchang te leh inequality and exclusion tih te sawizau a ni ang. Technical Session tin hi mithiam bik, domain specialist in an kaihhruai ang a, an Session-in a huam subject chungchanga Hmarchhak dinhmun leh chumi sawizauna leh inkaihhruai chhoh dan chungchangte an sawiho dawn a ni.

State hrang hrang te bakah rampum huapa SDG kalpui dan leh chumi enpui leh vil mawhphurna chu NITI Aayog kutah a awm a. Kum 2030 ah chuan heng Sustainable Development thiltumte hi ramin a thlen ngei theih nan kum 10 lo awm tura Hmarchhaka hmasawnna hrang hrang kalpui dan hian nghawng thui tak a nei dawn a, hei hi tun tuma NITI Aayog-in conclave a buatsaih chhan pawimawh tak te zing ami a ni. SDG Localisation chungchangah Hmarchhak state ten an state tana hmasawnna leh hmathlir an duanah Agenda 2030 hi an telh cho zel a ni.

- DIPR

Post a Comment

He post chungchanga i ngaihdan lo sawi ve rawh:

Previous Post Next Post