YMA Gen Conf Pandal hlan

Aizawl | October 10, 2019: YMA General Conference vawi 72-na October 15 - 17 chhunga hmanna tur Pandal  'CHHURA RUN' chu zawh thawkhat a ni tawh a hlanna inkhawm, vawiin dar 3:15 khan neih a ni a, Upa F.Liantluanga, Fin Secy, Organising Committee in ṭawngṭaiin a hlan.

 

YMA Gen Concerence vawi 72 na thleng turin N. Vanlaiphai mipuiten inbuatsaihna ngawrh takin an kalpui mek.

Conference hmanna pui ber tur Rawlkhang Public Playground,N Vanlaiphai ah Pandal sak niin, a hmingah 'CHHURA RUN' tih a ni.


 

He Pandal sak hna hi X-DECO Enterprise te kutah dah niin, an ni thawh bak hi kar kalta lam khan N. Vanlaiphai khaw chhung Branch YMA hrang hrangte hnatlan hun siamin inthawh chhawkin thawh chhunzawm a ni.

He inkhawmpui thlengtu tur awmna Group 'Tuichangral South Group YMA' huam chhunga Branch hrang hrang atangin hnatlang tha thahnem tak an thawk chhuak thin a, Pandal sakna tur chak leh hmanraw hrang hrang te thawh khawm thin a ni. 
Variety prog hmanna atana ruahman N.Vanlaiphai Community Hall pawh chei hnum a, thuam that chhoh mek zel a ni .




Post a Comment

0 Comments