Mipa leh hmeichhia kan indem tawn a. "Kan diklo alawm !" tih chu tumah kan tum chuang lem lo a. Hmeichhe pakhat a dikloh chuan hmeichhia zawng zawng thiamloh kan chantir a. Mipa pakhat a dikoh chuan mipa zawng zawng thiamloh kan chantir a. Chu chu mipui nawlpui ngaihdan a ni. Chu chu a dik chiah em?
Example 1:
U Darbawihtei hnamdang pasalah a nei. Hnamdang nei chu hnam phatsanna a ni. U Darbawihtei chu Mizo hmeichhia a ni. Mizo hmeichhia te hi hnam phatsantu te a ni.
U Darbawihtei hi mizo nula chu a ni meuh mai; mahse, a tihsual avanga mizo nula zawng zawng mawhpuh a 'generalize' pawp hi a dik lo nasa. Mizo nula, 'ka thlang mizo val ngei!' ti tu U Darbentheki te pawh an awm ve reng a!
Example 2:
U Huang Huanga'n hmeichhe saruak thla a laksak a a thehdarh. U Huang Huanga chu Mizo mipa a ni. Mizo mipa te hi hmeichhia zahlo, innghahna tlak an nilo!
U Huang Huanga avanga mizo tlangval hmeichhe zahawmna zahlo leh humhalh duhlo a in mawhpuh ringawt chu a dik thei dawn em ni? U Chala te pawh tlangval fel tak an awm ve a nia!
Mi pakhat thil lo tihsual avanga kan 'generalise' pawp thin hi chu a diklo ve deuh a. Chutiang chu mithiam ten an informal fallacy zinga pakhat 'Hasty Generalization Fallacy' an ti ni lo'm ni?
Mount Everest tlang hi helicopter atanga i thlir chuan a var vo anga, a mawi ngawt ang. Mahse, a hmunah kal la, a vawt em em anga, oxygen i pai loh phei chuan i thaw thei lo ang. Lawn pawh i lawnchhuak thei lo ang. A hmuna kan kal kan hmuh dan leh ral atanga kan hmuh dan hi a dang a nia. A lan dan ang anga mawhpuh tawp chi pawh a nih hmelloh.
'Institution pawimawh ber chu chhungkua' mithiam tena an tih fo hi a la dik tluan zel. A aia zirna in pawimawh a awm lo. Chhungkua hi mimal ina a siam a ni a. Chhungkua hi a bulthut a ni. I dem duh a nih chuan mimal kha dem mai rawh. A nih loh leh chhungkua pawh i dem thei ang. Mahse, chumi hma chuan han inen kual vel phawt la mawle!
- Ṭana Vandir
Post a Comment
He post chungchanga i ngaihdan lo sawi ve rawh: