Lily Darnei channa 'Chungsiara Inzie' tlangzarh hnai

Aizawl | September 19, 2019:  Miss Mizoram 2018 a mipui tan hlawh leh sawi hlawh, Miss India a Mizo te dinhmun sang taka vawrhtu, Femina Miss India Mizoram 2018 Lily Darnei chuan tunhnai khan film a chang a, a channa film hi tlangzarh a ni thuai dawn.

***Website a fakna hi lo click ve keuh rawh le.***

 

He film hi Chungsiara Inzie - Written in The Stars tih a ni a, Hmar tawnga siam niin,  EXCAVATION STUDIOS & MUKHENZ BOYZ te kutchhuak a  ni.

Hmar film thar 'Chungsiara Inzie' hi kumin October thla a tlangzarh hman tum  a ni a, inbuatsaihna a kal chho mup mup a, ngaihsaktu leh ngaihventu an tam hle a ni.

Ngaihven a hlawh chhan hi pahnih awmin, pakhat chu Lily Darnei a  ni a, a pahnihna chu kum tam tak Hmar tawnga film chhuak a awm loh hnuah hetia Haflong lam atanga film a han chhuak tur hian ngaihven a hlawh a, hetiang lam ngainatute chu Haflong lam an hawi ta thup  mai a ni.

(Trailer)

***Website a fakna hi lo click ve keuh rawh le.***

He Film hi Excavation Studios neitu Duduk Zate in a direct a ni a, Cachar Hills Autonomous Council Executive member Ngamrothang in a produce a ni bawk.

A story hi Mukhenz Boyz te ziah niin, an ni hi Muolhoi khuaa thianzaho intelkhawm an ni a, hla phuahin Music video pawh an siam tawh nghe nghe a ni.

He film a main role hi Lily Darnei, Jamie Thiek leh Clandy L Intoate ten an chang dawn a, a hmuhnawm i tih loh takah....

Directed by: Duduk Zate

Produced by: Ngamrothang Hmar

Written by: Mukhenz Boyz

Lyrics: Lalringlien & Jehova

Cinematography: Duduk Zate

Starring: Lily Darnei, Jamie Thiek, Clandy L. Intoate

Production Manager: Remruotsang Hmar

Production Designer: Lalsanglien & Robinson Puruolte

Sound & Scores: Aming Hrangchal

Make up & Costume: Summer Jazz

 

He Film hi Halflong leh Umrangsuo, ah te shooting neih a ni a, hmuhnawm ngawr ngawr aiin Hnam in a mamawh zia hriaa film hi siam an ni tiin a siamtute atangin thu kan dawng.

 

He Film hi ruahman anga thil a kal chuan thal leh khian ZOFEST 2014 ropui taka lo dawl tawhtu Halflong khawpuiah tlangzarh hman tum a ni a. Hmun hrang hrangah show neih tumin hma an la mek a ni.

 

***Website a fakna lo hi lo click ve keuh rawh le.***