Aizawl | September 27, 2019: Mizoram a Non Government Organisation (NGO) Co-Ordination Committee chuan Sawrkar laipuiin Citizenship Amendment Bill 2016 (CAB16) tharthawh a tum duh loh nan Union Home minister leh BJP president ni bawk Amit Shah Mizoram a lo zin tur chu pawndum nen lo hmuah an tum.
Sawrkar Laipui chuan CAB16 chu November ṭhutkhawmah tharthawh an tum a, he thil hi duh lovin CYMA, MUP, MHIP, MZU leh MSU te telna Joint NGO chuan vawiin khan dodal dan tur a rel a. October 5 a Union Home Minister Amit Shah in Aizawl a lo tlawh tur hi kawng dungah Pawndum leh CAB16 duh lohna thuziak nen lo hmuah an rel tlu ta a ni.
He hmalakna turah hian Jt NGO chuan mipuite tawiawm turin a sawm nghal bawk a ni.
CAB16 hi Mizoram tana ṭha lo nia hriain Joint NGO chuan a lo dodal tawh a. Joint NGO hmalakna hi January 26, India Republic Day pawh boycott a lo ni tawh nghe nghe a ni.
CAB16 chungchangah hian Joint NGO ang mai ni lovin MZP chuan a sangawi zawnpui NESO (Northeast Students' Organisation) te nen Delhi tlangah thleng an lo dodal tawh a ni.
CAB16 chungchang i hriat tur hetah kan dah e.
Post a Comment
He post chungchanga i ngaihdan lo sawi ve rawh: