MIZO NULA DAWN CHIANG TEH

       ✍️- Maneiha Bochung

    I nun a nia kan sawi phak a awm lo a, kan sawiin awmzia a neilo a, kan sawi ve pawh i awih chuang bawk lo ti raw? Mizo mipa neih tlak an awmlo i tia, i duh thlanna ah kan tel velo a, neih tlak i hmuh miau loh chuan kan sawi phak a awm ve miah lo, hei erawh mak kan ti, mahni hnampui neih tlak an awm lo ti a chhuanlam i siam fo chhan thawh chhuah neilo i tih mek laia mahni in chawm zawh ngei tuma hnathawh kawr ha a, mahni thawh chhuah mil tawk a inchei erawh i ngaizawng leh duh miah silo, hnam dang i kawp a, in khawsak dan tur awmang chu tuma hrilh hranpa ngai loin i thlalak chhuang taka i rawn pholan a ṭangin kan lo ngaih ruat thiam ve riai ruai a, kan lo ngaihdan hi dik vek lo mahse a dik loh vek erawh kan ring phal bik lo, i kawppui hnam dang mi kha mahni inchawm zo leh nupui fanau chawm thei ngei tur a ni nge, mi pasal pawmlai tih phei chu kan rawn hre ve phak hauh lo, kan awmna hi India hmarchhak kil khawr tak, i thlalak pui te ngei pawh khan an hmusit em em, Tribal kephah hlai ram a ni tlat a, a mi cheng te pawh an hmusit em em kan ni,chuvang chuan engkim rawn hre vek phak lo mah ila kan demawm kan inti phal bik lo a, mawl kan inti phal bik miah lo a nia, hei erawh kan hria, hnam dang mipa ten nel leh inti ta tu taka mi hmuh leh ualau laia an kuah bawrh bawrh ngam che a nih chuan pindan chhungril ah phei chuan an va ngam leh zual dawn em tih erawh kan beng tlukin kan hre chiang, kan ram leh hnam min ngainep leh hmusit em em tu ten kan chipui ngei mai inti ta tu tak mai a an han kuah cheu a, in thlalak hona an han thehdarh kan lo hmuh hian kan rilru a lo na ṭhin a, kan lo sawi ve leh ṭhin lo thei lo a tin ni. Tin, mahni chipui zingah neih tlak an awmlo ti a, ṭawngkam i chhuah fote post i siam fo te leh mi thu post comment nana i hmang fote hian mizo mipa fel tak tak, mahni chhungkua, veng leh khawtlang tana mi ṭangkai leh chhenfakawm tak tak te rilru a lo tina ṭhin a kan sawi chhuak leh ṭhin lo thei lo a ni. Tin, mahni hnam changkan san thei khawp a nula ropui nisi i hawi zim tihna lai kan nei ve tlat, en teh mizoram pum chu sawi loh a leng nise, i seilenna khua pawh a la zau mah mah e, in veng chhungah ngei khan an hawi kual teh, thi leh thau pawlh a ṭang chung pawh a i kherh tluk theih loh tur mizo tlangval an va tam si em, hnam dang ilo hmangaih tlat a vang a kawp puia ilo thlang zawk a nih pawn, mahni thiam inchan tir nana i chipuite rilru tina zawnga ṭawngkam hman fo hi chu lo ching tawh lo hram turin kan ngen che a ni.

 ***I hunawlah fakna te hi lo click ve ta che!***

     "Mizo mipa neih tlak an awm lo, ka nun a nia ka thu thu ani, tuma sawi phak a awm lo" i tih mek lai khan mizo nula i nih vang chauhin hei hi lo ngaihtuah nawn leh hram la ka va duh em, i bengsikin lo ngaihtuah nawn leh hram teh vawikhat chauh tal aw....

       Mizo mipa aia i thlan hnam dang mipate kha an inchhung dinhmun i zu hriatpui em? I kawp mek kha tlangval a ni chiah em? I kawp mek nu leh pa leh chung leh khat te khan in inkawp kha an hriatpui cheu em? I kawppui khan khawi a pawisa nge a rawn neih ṭhin, a ma thawh chhuah ngei a ni em, i hmusit mizo tlangval thawh chhuah neilo i tih te nena angkhat reng, chhungte chawm hlawm a rawn khawsa ve mai mai a ni em? I khawppui khan dam chhung a kawppui a tan a duh tak tak che i ring em, lo duh che pawh nise an chhungkua ah i khawsa thei a ngem, an culture tawmpuiin an sakhua i vuan ve thei ang maw? Mahni hnam kalsan a hnam dang vuan i nih miau a vangin i mizopuite hian hnu chhawn ve ta che sela pawi i ti em. Sakhua a zawng a sakhaw ropui ber kristian sakhua a ṭang a lo seilian khan mipa pakhat a vangin i sakhua kha kal sanin sakhaw dang i vuan ang maw, I nu leh pa unau Ieh i thisen zawmpui miin an hmuh a piang a "Hei hi hnam phatsan a hnam dang neitu nu lah pa unau te an nih hi" an ti zel mai tawh tur hi i ngai ngam chiah ang maw?.I kawppuite hnam dan khan vuiliam niin i thlan pawh i kawppuite khuaah khan awm ta se i ngai ngam chiah ang maw?. Zawh tur che ka ngah hle mai, he ka zawhna tlemte a ṭang hian ka zawh belh duh tam tak la awm chu ilo ngaihruat thiam thoin ka ring, mahni hnam phatsan a hnam dang kawppuia thlang ngam ngat nula fel i ni bawk a, khawngaih takin lo ngaihtuah zui ve hram ang che.

        I chhuanlam ve fo ṭhin mizo mipate pawh hnam dang nupui nei an tam i tia, a dik chiah heng mite pawh hi thiam kan chan tir bik chuang hlek lo a nia aw, mahse hei erawh hre tel rawh, mipa fa chu eng hnam hmeichhia pawn lo hrin sak se, a fate chu a mipa hnam ang an pu zel, hmeichhia te erawh chuan hnam hrang hrang 10 lakah pawh fa lo hring ula in fa chu a pa hnam a ni zel dawn, hnam dang chi thlah nan mai mai chuan kan phal thei lo che a, mipa hnam dang kawp thiam chan nana i chhuanlam hi thiam in chantirna tlak ah kan ngaihsak lo che tih hi kan sawi tel leh hram a nge.

     A tawp nan hei hi ka chah duh che.....

I kawppui leh a chhung leh khatte chuan an lo duh ve hle che pawh a ni thei, mahse i kawppui chi leh kuangte erawh chuan an ngaisang ngai lo ang che, ngaihsan a hnekin an nuih ru ang che nga an hmusit hle ang che tih hi theihnghilh ngai suh, mahni hnam phatsan a hnam dang kawp te zingah ti fuh nge tam zawk a ti fuh lo hei hi chu nangmah ngei khan i hre chiang zawk ngei ang, i chungah engpawh thleng thei a ni, i chunga thleng chu eng pawh nise i tuar ngam tur a ni a, i mizo puite hi min rawn demin min rawn beisei lo ngam la, hnam dawh thei tak kan nih a vangin hnam  dang i kawp thei mai mai a ni tih hriain lawm hle zawk ang che, hnam dang zingah mahni chipui aia hnam dang thlang zawkte an tih retheih leh an tih mualpho nasat theih zia leh nunna hial chan pawh an awm fo tih i hriat ve reng kha....

 ***I hunawlah fakna te hi lo click ve ta che!***