KHAWVEL MI ROPUI ȚHENKHATTEN BIBLE CHUNGCHANG AN SAWI DAN

 

1. TERTULIANA (145-220AD) : Apologist ropui, Pathian pakhata minung pathum thurin phuah chhuaktu, Krista thisen chu Kohhran chi a ni titu chuan, "Bible hi, 'Rinna Dan' (Rule of Faith) a ni", a ti.

2. IRENAEUS (142-202AD) : Gnostic dodaltu chuan, "Bible hi 'Dikna Dan' a ni", a ti.

3. HIPPOLYTUS (160-236AD) : Theologian chuan, "Bible atang chauh lo chuan Pathian tak pakhat awm hi hriat theih a ni lo," a ti.

4. ST.AMBROSE (340-397AD) : Thu sawi thiam chuan," Bible-a kan hmuh loh chu engtin nge kan hmanin kan awih theih ang?", a ti.

5. ATHANASIUS (296-373AD) : Art VI-a Thuthlung Thar bu a ziak tlar zawmah chuan, "Hengte hi chhandamna hnar an ni a, tuihalna nei chuan zawng sela, an hmu ang; tu man a thute hi lak kian tur a ni lo va, belhchhah tur a ni bawk hek lo," a ti.

6. MATIN LUTHER (1483-1456AD) : Kohhran siamthatna tichhuaktu chuan, "Bible thu hi tihsual reng reng a awm ngai lo," a ti.

7. JOHN CALVIN (1506-1564AD) : Siamthat Kohhran dinchhuaktu chuan, " Pathian kan hriatna tur leh Amah leh thenawmte chunga kan tih turte hriatna tur chu a chuang verk a ni," a ti.

8. HENRY VAN DYKE chuan, "Bible hi khawvel hnam hrang hrangten mahni ze mil zela an neih, tawng hrang za tam taka zir theih, naupangten a chanchin ziak thu an ngaihthlak chak em em fo leh man an tih, mifingte pawhina anmahni nun leh hriatnate nena an teh fo thin, misualte a thupek avanga an khurhna thin, chak lo leh na tuarte tan Nu hmangaihna aw ni se, tha lam mumang thleng dik ang mai, hmangaihna, inpawlna, taimakna, inpekna, hriatrengna, beiseina, hlimna tea min thuamtu, a neitute retheih leh chetsual reng awm thei lo a ni. Khaw hmuh a lo thim riai riai a, thihna hlim kawr ruam a lo lang a; mahse, an hlau lo va, an zam hek lo. An talhtum leh tiang (Bible) kutin an la a, thian leh raldopuite hnenah, Dam takin, kan inhmu leh ang' tiin thimah chuan enga lut turin an kal thin," a ti.

9. JOHN WOLFGANG VON GOETH (1749-1837): German hla phuah thiam leh lemchan thiam chuan, "Khawvelah mihringten khawsaknaah leh finaah hmasawnin hre ril tial tial mah se, chu aia thuk zawk zela khawsa leh hretu chu Kristian (Bible ring mi) te hi an ni. Chanchin Tha hian Eng a lo kawhhmuh avangin," a ti.

10. DANIEL WEBSTER (1841-1843) : U.S Secretary of State chuan, "Eng thil pawh han ti tak tak dawn ila, ka nu leh pain ka tet laia Bible thu ngaisang ber tura min zirtirna kha ka hre chhuak thin a, nun hruaina atan Bible hi a lo tha ber a ni," a ti.

11. JOHN WESLEY (1703-1791) : Europe rama Chanchin Tha hrila sakawr chung chuanga mel 250,000 zin, hla 6,000 phuahtu, sermon 40,000 sawitu, lehkhabu 50 ziaktu, Free Dispensary hmuchhuaktu chuan, "Bible-ah hian tihsual pakhat lo awm ta se, a dik chu sang tam tak a ni ngei ang; a bu thu hi a dik lo a awm anih vaih chuan Dikna Pathian laka mi a ni lo a ni ang," a ti.

12. SIR ISAAC NEWTON (1642-1727) : English scientist chuan, "Thil a tak tak chu khawvel history lam ni lovin Bible-ah a ni zawk," a ti.

13. HORACE GREELY : New York Tribune Editor hlun chuan," Bible thu ring mi (Kristiante) chuan rilru lamah leh khawtlang nun lamah buaina an nei ve lo, chung laka veng theitu Bible chu zalenna thuthlung a nih avangin," a ti.

14. ANDREW JACKSON (1829-1837) : U.S. President 7-na chuan,"Ka pu, kha lehkhabu, kan zavaia kan zavaia kan innghahna lungpui kha," a ti.

15. ROBERT E.LEE : U.S. General hmingthang chuan,"Ka lungngaih lai leh ka chuah der lai pawhia hlimna Eng min petu chu Bible hi a ni," a ti.

16. THOMAS HUXLEY (1829-1895) : English Biologist chuan, "Hrehawmna tuarte leh rethei ber berte tan pawha zalenna thu thlung thintu chu Bible hi a ni," a ti.

17. WILLIAM H. STEWARD (1861-1865) : U.S Secretary os State chuan, "Mihringte beiseina anga hmasawn zel ram chu Bible hneh ramte an ni thin," a ti.

18. ABRAHAM LINCOLN (1861-1865) : U.S President 16-na chuan, "Bible hi mihringte hnena thilpek ropui ber pakhat chu a ni, Chhandamtu atanga thil tha zawng zawng leh khawvel min chuktuahtu a ni," a ti.

19. JOHN QUINCY ADAMS (1825-1829) : U.S. President 6-na chuan, "Bible hi kan zah (respect) ber a ni a, ka faten an chhiar thin a, ram mi nihna dik tak neia mite tana hman tlak leh mipui nun dik taka kaihhruai theihna Nun an la nei ngei ang. Kei pawhin kumtin vawikhat tal ka chhiar chhuak thina ni," a ti.

20. WILLIAM E. GLADSTONE (1809-1898) : English mithiam hmingthang chuan, "Ka dam chhunga khawvel mi ropui 95 ka hmuhte zinga 87 te chu Bible-a innghat tlat mi an ni tlat mai," a ti.