SCHOOL FEES CHUNGCHANG MEETING NEI

Aizawl | April 28, 2019: Nimin piah 26 April, 2019 chawhma dar 10:00 khan Directorate of School Education Conference Hall-ah school fees chungchang sawihona hun hman a ni. He hun hi School Education Director Pi Lalzarmawi'n kaihruaiin School Education Department officer te, Zirtirtu pawl hrang hrang; Mizoram Independent School Association(MISA) leh Federation of Mizoram Government School Teacher Association(FMGST) bakah MZP hruaitute an tel.

Meetingah hian MZP atanga rawtna awm leh Mizoram Independent School Association(MISA) atanga rawtna awm te sawiho a ni a, MZP in an sawilan 'tun hnaia Private school fee sang lutuk tih hniam dan tur' pawh sawiho a ni bawk.

 Tin, a bik takin Gospel Centenary School fee sang lutuk leh maintenance fee an lak dan chungchang te sawiho a ni a, school dang thenkhat fee sang tak tak la an awm thu te pawh sawi lan a ni. School Education Department lam chuan Gospel Centenary School fee lak dan chu an lo hriat tawh thu te, Sorkar in a zirchian tawh thu leh atul anga hmalakna department lam atangin a lo chhuah thuai tur thu te an sawi.

Meeting-ah hian Mizoram pum school fee endik a siamtha tu tur dan siam tura rel a ni bawk a, District tina school fee chungchang hi hmala tu tur duan a ni anga, hemi hian rawtna siamin, School Education Department in a lo khaikhawm leh dawn a ni. School fees chungchang pawh ruahmanna siam a ni a, hemi chungchang hi Sorkar a thlenin Sorkarin ruahmanna mumal zawk a lo siam leh dawn bawk a ni.