Coffee Cup Revolution nei;Tleirawl rual fuankhawm hnem

Aizawl | April 27, 2019: Khawvel awm tirh ata a vawikhatna atan HIV AIDS dona kawnga hmala turin  'Coffee Cup Revolution' chu Heritage Lounge, Aizawl-ah vawiin khan buatsaih a ni a, Tleirawl rualin an hlutin an fuankhawm hnem hle.

   

He hun hi HIV Activist Lalchhuanzuali (CZi Ralte) in a kaihruai a, Christian Omoma'n hun hawnna neiin, Vanlalsailova, Dr Jane R Ralte leh Lalhmangaihzuala (Mama) te chuan tleirawl kalkhawmte thu tha tak tak an hrilh.

 

He huna thusawitu Vanlalsailova chuan, tleirawl nun  pawimawh tak hmang tha turin a chah a, Pathian bel tlat a, Pathian hi hmangaih hmasaa nei turin a chah bawk. Nun thianghlim, nun uluk, mite awh leh tha nei tur chuan mahni invawng, inuluk a tul a, a pawimawh ber-ah chuan Pathian belh tlat a pawimawh thu a sawi a. An hun hluy, an nun hlu tak leh an finna te sual kawnga hmang lova, sul dona kawnga hmang zak turin a chah bawk a ni.

 

Thusawitu dang Dr Jane R Ralte chuan, Mizoram hi AIDS, Cancer, Sexual Abuse leh Child Abuse chungchangah India state dangte chungah kan leng chu zahthlak a tih thu leh Kristian ram nen a inhmeh loh thu a sawi a. Tlerawlte chu thil tha ti tura pen chhuak a, thil tha lo kawngah chuan huaisen taka 'aih' ti a, thil tha kawngah chuan, 'aw' tia tha thlah lova bei turin a chah bawk. "Mithiamte chuan AIDS vei pakhat hian mi panga tal a kjaichhawng niin an sawi a, nangni vawiina he laia rawn kal te hian AIDS laka fihlim turin mi panga tal hmin in tum ve tur a ni," tiin tleirawl kalkhawmte chu chona a pe bawk.

 

Pi CZi Ralte chuan ama nun atanga tleirawlte tana inzirna tur te a hrilh hriat a. He hun hi Mizoram Taekwondo hotupa Vanlalsawma leh Cancer natna hnehtu Zamtei bakah mi pawimawh tak takin an telpui bawk.

 

Coffee Cup Revolution buatsaihtu Ruth L Hrangchal chuan buatsaih a nih chhan sawifiahin, "condom aiah Coffee' tia tleirawl nun thianghlim te ah invenna rilru tuh a, HIV AIDS laka Mizoram thalaite an lo fihlim theihna atana tleirawl nun inzir chho mekte-ah hma lak hi a tum ber a nih thu sawiin, HI AIDS dona atana buatsaih a nih thu a sawi bawk.

  

He programme ah hian exploremizoram.com chu media partner a ni.

  

He hunah hian Emmanuel Lalremruata leh Esther Vanlaruati te chuan kalkhawmte zaiin an awi bawk.

Coffee Cup Revolution hi tleirawlte chuan an hlut hle a, thu tha tak tak an ngaihthlakte chu mi dang ngaihthak ve atan an duh thu dawiin hetiang programme hi buatsaih zel chi nia an ngaih thu an sawi.

 

Thlalak dang hetah