BEIDAWNG MAI LO LA

- Emily Hmingthansangi

He khawvel a kan cham chhung hian hun leh ni lo ral zelin kum te chu lo liam zel mahse, hringnun hian hlimna tamtak a pai rualin tahna leh lungaihnate chu a keng tel ve ngei thin si a. Hei hi ani hringnun chu,he khawvel chhuk chho zawh ve tur leh hmang ve turin nu chhul atangin kan lo chhuak a, nu hmangaihna-in hring nun bul kan tan a, nu leh pate thlazar hnuaiah hun hmang ve-in a chang leh tapin tlai ni kan leng thina, kan lungngaihna hrilh a min chhawk turin kan nu leh pa kan kianga an awm reng thin. He khawvel hringnun chhuk chho kaldan kawng min kawhhmuha,min zirtir turin nu leh pa thlazar hnuaia seilian kherlo-te pawn hringnun chu api leh pu emaw a chhevel a cheng a chhung leh khatte chawm seiliantu atangin lo zir chho zel thin a ni.

Hun leh nite alo ral zel a nga, tun a naupang leh thalaite pawh hian engtik ni a emaw chuan nu leh pa kan la ni ve anga kan tu leh fate kan faten tuna min chawm seilian tute tang kan bel ang hian kan tang an la bel ve ang. Chutih huna chuan nu/pa chak tak ni turin chhel taka kan awmve ala ngai dawn ani. A chhan chu hringnun hian hlimna, lawmna leh beiseina min pek rualin beidawnna ruamah mihringte hi min hnuk lutin tluksawp chang a awm leh thin a. Hringnun par chuan ni eng mawi tak lo chhuah thin-in a par-te chu vul chuk mahsela khuarel in pangpar leh hnimhring a tih vuai chang alo thleng leh thin. Chu par mawi tak chu vuai thin mahsela a zung in a kai ngheh tlat chuan engtikah emaw chuan a rawn par chhuak leh thin ani. Hringnunah hian kan hlimna par chu harsatnaten min tih vuai sak chang awm mahsela chu kan nuna zung nget tak Krista-ah zung a kaih nghet tlat chuanin kan tho leha kan lo par vul leh thin ang thalai te hi, he kan hringnun hian tluksawp tawpa rilru mangangna leh tahna ruamah min hnuhluh changte chu a nei thin tak meuh mai chung lungngaihna chungpik tak chuanin thihna hlim kawr ruam zawh duh hialin kan nunna hlu tak lak duh khawpa beidawnna khura min hnuhluh chang awm thin mahse khawvela mi hlawhtling tak tak kan ngaisante hlei hlei hian asin harsatna tuar nasa ni. An hma a harsatna an hmachhawn zozaite kha an nun tibeidawngtu nilovin ti chaktu, ti huaisentu-ah an hmanga khawvela hnehthei ruallo mi chak leh mi ropui takah an lo chhuah thin a ni.

 Abraham Lincoln a khan a tet laia harsatna tamtak a paltlang kha beidawng sanin a nunna kha lo la se Emancipation Proclamation kha neiin sal tam takin zalenna an hmuh kha khawvelin tun thlengin an hre kher lovang. A retheiziate kha tanchhanin kei chu khawvelah hian ka vanduai bikin hma lam hun reng ka neilo tiin khawi emaw kila tap ngut ngut ringawt selang khawvel hian a hming kan hre hauh lovang. Tukhaw hriat lem lovin a ruang pawh vuitu nei mumal lovin a hringnun alo hmang ral mai thei asin! Lungphur pawh hian a damlai ni tawp dawna a inhriat chuan tlusawp mahse a vun-te chuan kal pawh kaltir thei tawh lovin phuar hlawm tlat mahsela nunna thar rawn nei lehin a intuamna kawr changtak chu rawn keh darhin ahma aia nalh leh chak zawkin thla mawi tak neihin a thlawk der der a hlim takin pangpar zute chu a dawt leh si thin.

Thailai duhtak hlawtlinna te hi thu chunga kuta theirah kan bana lawh theih mai emaw kan ti chang a tam; amaherawhchu hlawtlinna tak tak nei tur chuan a beiha beih let ve thin angai a, he kan hringnun hian a sual chhuah ve angai thin a ni. Pathian in kan hma a thil chhawp hmu turin fiahna atan kan nunah harsatna chhete min tawrhtir avang hian kan nunna hlu tak hi kan la ang maw? A teuh lo mai. Harsatnate, lungngaihnate chu kan nunah rawn thlen chang awm mahse hlimna ni kawl ala eng leh dawn alawm! I harsatna tawh khan i nun tibuai suh se, hma lam pan zel rawh. Mittui nen i hringnun chhuk chho zawh chang ni lo awmin chakna leh huaisenna reng i neilo ani pawn vawikhat tal penkhat talin hmalamah i ke han pen leh teh, i hma lawka hlimna ni eng mawi tak rawn lang hmu tur khan e i awmna i sawn a ngai. I pen sawn duh tlat lo a i harsatna tawh ngai tea khan ding tlata bu i chhep tlat a, i tap i tap ringawt a nih chuan i hma lawka hlimna ni engmawi tak Pathian in i tana a ruat, i tan bik liau liau a vanneihna a chhawp chhuah sak che kha i hmu theilo mai mai ani, i hma a harsatna i tawh avang khan i vanduai bik ta ber a ni hleinem i nunna kha tih tawp mai tum suh,i ke pen la, hma lam pan zawk rawh; hlimna ni eng mawi tak khi i hma lawkah a awm. Khang i lungngaih mittui luang zawng zawngte kha nakin lawkah chuan a la hul dawn a ni, he khawvel a i nun chhung hian i rilru leh thinlung ti paukhau la tuna harsatna leh lungngaihna i tawrh mekte hi nakina chakna petu tur che a la ni dawn a ni tih leh harsatna tuar chung pawha hma lam pantirtu tur che ani tih theihnghilh ngai suh ang che aw!

Thalai duh tak, harsatna zawng zawng ata kha tal chhuah tum la, khang harsatna zawng zawng kha i hma a awm kha Pathian-in a fiahna che a ni tih hria la huaisen takin hmachhawn la, i tana hun khirh lai tak i tleirawl/thatlai hian harsatna tamtakin ala hual ang che, mahse fiahna i hmachhawn mai mai ani ti hre reng la lo beidawng hauh suh ang che. Hringnun a hian kawng zawh tur hmabak ila ngahin Pathianin i tana a hmachhawp a buatsaih sak tur che he hringnun lamtluangah hian i la dai dawn chauh, i nun a harsatna awm thinte hi ball lum reng ang a nih hi hre reng la, a changing a lu lam lan hun a awm a, a chang leh a mawng lam a lan chang a awm. Chutiang dinhmunah chuan he kan hringnun hi a din chang a awm thin, mahse beidawng mai lovin khang i hringnun lamtluangah khan harsatna i tawh pawn hma lam panna chang leh tawrhthiam dan i zir anga; harsatna tamtak tuar mihring baka khawvela mi chak an awm ngailo ti hria la, hausak leh satha tak nih a ngailo i thinlung leh rilru kha ani pawimawh chu. Rangkachak tih thianghlim nan pawn mei sa tak angai thin a ni kha i hringnuna mi puitling tak, mi hlawtling khawvel harsatna tuar ngam thei tura mi paukhauh ni turin hringnun hian harsatna ape lo theilo che ani ti hi theihnghilh ngai lo la, khang i harsatna hmang khan lo in zir fing hlauh zawk ang che.

A tawp ber-ah chuan he kan hringnun lamtluang zawh mek-ah hian lo beidawng mai lo la, chutiang chiah chu ani he hringnun hi: lungngaihna phuar velin nitin min tuam mahse kan thil tawrh harsatnate chu kan tan a fiahna hmachhawp Pathian in alo duansa leh chu harsatna kan pal tlang hnua chanvo ropui tak kan chan theihna tura kailawn alo ni reng si nakina chuan he leia hian kan nunna hlu tak Pathian min pek hi la tawp ve in kan hringnun lamtluang zawh tawp hun ala thleng ve ang. I nunna kha Pathian in tul a tih a lak sak hma che chu lo hlut reng thin la, chak tak leh huaisen takin lo awm thin ang che. He khawvel kan cham chhung hian lungngaih avanga tahna ruam i zawh lai a ni emaw hlimni leh nuih hun hmachhawn chungin hringnun kawng i zawh a nih pawhin khuarel kan hma chhawn a ni tih hria a min siamtu Pathian duh dan thlir chung zelin hman tum la beidawng lovin beiseinna nen he hringnun hi i zawh dun ila.