Ngaihnawm, maksak leh dangdai – Kolasib-a Presbyterian Kohhran hmeichhe inkhawmpui zet chu

March 2019 a Presbyterian Kohhran Hmeichhe Inkhawmpui Kolasib Diakkawn Field-a neih zet chu nuho tih takah chanchin maksak leh ngaihnawm tak tak a tam ngang mai. Heng kan remkhawmte Muankima Khawlhring, Musa Chhangte leh mi thenkhat ziah bakah whatsapp group leh facebook group lama an post te la khawmin kan han rem khawm a ni, tu pawi mah kan sawi em lo ang chu maw..

1.Kawng bo : Kawng bo an tam em em a, a buaithlak lai ber chu an thlen in chu sawi loh, an thlenna veng hming pawh an hre fuh hleithei lo chu a ni. Nu ṭhenkhat chuan ‘Ṭanpui Veng’ ah thleng niin an insawi a, chu chu Kolasib a veng lar tak pakhat ‘Ṭumpui Veng’ nen a hming a la inzul deuh a, an thlenna zawn hmuhpui dan pawh a la awm. Amaherawhchu mi ṭhenkhat ‘Khuangpuilam’ venga thlengten ‘Lamkhuang Veng’ a thleng angin an inhre zui a, ‘Project Veng’ a thlengten ‘Agenda Veng’ a thleng niin an inhre zui a, hei vang hian an thlenna zawn hmuhpui an hautak em em mai.

Nu ṭhenkhat chuan an thlen in kha a kawta motor ding aṭangtein an chhinchhiah a, ‘Auto rickshaw pathum a ding’ te an ti a, inkhawm an han ban meuh chuan thlen in an chhinchhiahna motor te kha an lo tlan sawn leh tawh ṭhin si a, an motor hman te nen an inphur kual an inphur kual mai ṭhin a, a va hahthlakin a va hlimawm si em. Nu ṭhenkhat an thlen in te hre tawh lo khan, an thlen in an sawi theih dan ber chu ‘niminah vawk an talh a ni awm e’ tih te kha a nia, zawnpui an hautak ṭhin teh a nia. 

Project venga thleng, An thlenna hriat loh vanga ke ngata Rengtekawn thleng te kha an va hah dawn tak!  inkhawmpui kal zinga hah ber an ni thei mai ang em?

Vawi khat phei chu Pandal bul aṭangin Bus khat tlatin nuho an chuang a, an han tlan dawn chuan an chhukna tur veng hming hria pakhat mah an lo awm lo a, Bus driver leh conductor-in hre bik bawk si lo, khawtual mi a tawp thlenga chuang ve turin an ngen tawp ṭum pawh a awm. Chutih rualin “Speaker pawhin kawng a bo ve tho” tih vanga mahni kawng bo pawh ngaihngam taka fiamthu thawh nana hmang ham ham thei nuho an ni miau a, an bula awm a nuam ber mai.

2. Nuho tawnah Traffic police-te lu a hai : Scooty-ah an in threeble (mi pathum in phur) lai traffic-in an lo ham ding a, traffic lam an ṭawng hma hmain scooty hnunga chuang nu pahnih khan, “Min man lo mai ru, kan chin hria ula min lawmpui zawk ang. Chhim lama thleng kan nia, kan thlenin pa hian kan bo min zawn hrep hnuah Kolasib hmar lamah mi a rawn zawng hmu thei hram a nih hi. Min phurh loh chuan kan bo leh dawn si a, min man lovin min lawmpui zawk rawh u!” te an han ti leh rih ṭhin a, ngaihdam leh en liam mai loh chu tih dan tur avang duh asin.

Kohhran nuho, hmeichhe thlalak, nuho khawmpui, Kolasib khawmpui, Kohhran hmeichhe khawmpui Kolasib, Kohhran hmeichhe khawmpui 2019

3.Thu awih lo Nu ho : Nu ho zet chu Usher ṭhalai zawk tan chuan tih thiam an har ngei mai. An fate rual te te khan an ṭhutna tur kawhhmuhin rem fel an han tum a, mahse duh dan nei hran ṭhiau tawh, mahni inchhunga thu nei pha ṭhiau chin kha an ni a, Usher tan pawh chet hleitheih a ni lo. Chutia ṭhutna kawh hmuha Usher te an buai lai leh nuhoin ro hran an lo neih fo lai chuan nu pakhat chuan Usher hnenah, ” Bawihi, ka hnung a thak lutuk, min lo hiah lawk teh” tiin a hnung a han hiah tir leh lawp lawp bawk a, kut lehlamin țhutna tur kawh hmuh a ngai bawk a, lehlamin hnung thak hiah ngai bawk. Nuho inkhawmpui zet chu indaih loh theih tak a ni. Ṭhenkhat-in information office lamah Behlawi chi an lo va zawng bawk a.

4. Inpuahchah sual : Kolasib hi District Headquarter a nih avang leh khaw lian tawk tak a nih tawh avangin mikhual thlen hnem inbeisei thleng tlem leh si te, thleng ta miah lo te pawh an awm nual a. Pa pakhat chuan a mikhualte tana ei tur tui taka siam turin eirawngbawltu tur mi pathum a ruai a, mahse mikhual pahnih chauh a thleng leh. Hmarveng pa pakhat chuan mikhual te ei siamna tur tiin Kohhran bungbel a hawh a, sangha ringawt pawh 6kg lai a lei a, mahse mikhual pahnih chauh a nei ta si a. Chutiangin pa pakhat pawhin Bagha-ah bel set- chaw chhumna tur, sa chhumna tur, bai siamna tur- a len dan indawtin a lei thlap. Chawi ei dawhkan sei a siam tir a,  gas thuk lian a lei bawk a- mikhual pathum chauh a thleng leh si a. Chhungkaw ṭhenkhat chuan an inbuatsaihna an sa lei sa te chu ei seng dawn hek lo, a repin mikhualte an hawntir ve.

Palaiten Diakkawn a bûng thla an lakpui.
Bungah kolasib mipui aiin an lawn hmasa. haha
Pic: Achawia Renthlei / WhatsApp

5. A nu thla lakpui:

Kolasib kal ve ta leh Mizo Idol Grace Lalchhanhimi awmna khua a ni tih hria chuan Grace-i thla lakpui ngei tumin an zawng a, mahse, Grace Lalchhanhimi erawh thil ṭul buaipuia Aizawl a a awm lai a lo ni si, A nu tal thla an lakpui ta zel a", an ti.

pandal

6. Ṭhutna bo:

An han lam chhuak a, an let leh lam chu an ṭhutna an hai a, an bova, an zawng ruai a, anmahni zawk kha a nuihzaah an ṭang a, usher te nen inzawnpuiin, a nuih za zaah an han ṭang ngei ah. Nute hi an lo va han duhawm tak em!!

7. Thingdawl lamah:

Mikhual ṭhenkhat Khuangpuilam lama thleng an thlenna zawn tak hai a Thingdawl lut a let leh ta nia sawite pawh an awm nawk mai. A hlimawmin a ngaihawm tel bawk e.

Zoram pum huap Hmeichhe khawmpui lian chu a țiak ta a... beisei phak lohna tam tak a awm laiin mahni thlenin 'tibo' an tam leh dawn tih erawh kan chiang sa... heti lam chuan kan beisei an khum zak!

Mahni thlen in kawta Auto-Rickshaw pathum ding ațanga chhinchhiah ta mai te kha- an lo tlan sawn ta țhin a 😂😂😂

'Kan thlenin pēngah kawlawbel a awm' ti ta mai te, thirhruiban ațanga chhinchhiah ta mai te.... 

Pandal ațanga chhuah chiaha NDK Hall lamah chuan bona a tam lutuk tia Vengthar lam ațanga hel lui ngat te..

Mi ina va dâk lut a, 'Niminah vawk in talh em?' ti zawnga mahni thlenin zawng ta mauh te...

'Kan thleninpa hming kan sawi chuan an hre vek. Mahse kawng pëng a lo awm a, kan bo leh zel,' ti tluan zak te...😂😂

MIKHUALIN MIN DAIH LO!

Khuawngpuilam ațanga Saidan thlenga mikhual thlen tuma inbuatsaih kan ni- min va daih lo nasa tak.

Veng pakhata pa pakhat chuan eirawng bawl tur mi pathum țhe țhaw a ruai a, mikhual pahnih chauh a nei leh si- an va bawl hneh dawn tak.

Veng dang leha pa pakhat pawhin Bagha-ah bel set- chaw chhumna tur, sa chhumna tur, bai siamna tur- a len dan indawtin a lei thlap. Chawi ei dawhkan sei a siam tir a,  gas thuk lian a lei bawk a- mikhual pathum chauh a thleng leh sia. A chaw ei dawhkanah an thawl viau!

Hmarveng lama kan naute kha- Sangha ringawt pawh kg 6 an lei. Kohhran bungbel an hawh a, vawk an talh bawk. Mikhual pahnih tan chuan ei zawh rual zu ni suh!

Electric veng pa pawhin vawk a talh a, a hralhchhuah bak kg 30 a dah. A mikhual parukte hnenah kg 1 te tein a repin a hawn tir tak kha...

Kolasib Kut Nula 2019 Nuni pawh usher ah
a chanchin hetah

Inkhawmpui lian puala vawk talh hi veng tinah a sawm bi an awm ngat ang. Vawksa rep a tlawm lai tak a ni mai thei- zawng rawh u! 

"Bawihi, i va hmelṭha tak," tia Usher nula hmai piai zauh ang chite nen lam...

Titi tawi nawi:----

KAN MIKHUALTE

Tachhip lam khual pali kan thleng a, an bo miah lo! An lo thleng hma hlauh a, tlaiah pandal kawng an lo zu 'bye-heart' thlap, mahse an che fuh lo thei.

An rawn kal lamin Kawnpui dai thingpui dawrah dispo cup('One-time' a ti kan leilet vai chuan!) te ber chi hi no khat cheng sawmin an in. "Kan kham lo lutuk a, a țhuahna nen lam kan in zo vek" an ti!😀😀😀

An hmelhriat tlawh tumin an chhuak a, 'Taxi in kal mai ang' tiin an chuang. A tlan dawn țan chauh a:

"Khaw'nge in kal dawn?"

"Pi Chalngaiin te inah"

"Helai hi alawm" 

An chhuk leh nghal. 'Pen thum pen li bãk kan chuang hman lo' an ti!😀😀😀

Inkhawm ban pahin an hmelhriat tlawh ve an tum. A inti hre ber khan 'hmanah pawh kan riak tawh, pandal chhak lawk khi alawm' tiin a hruai a, in ruakah an lut! Kan han zawt chiang a, Tourist Lodge paih daiha awm kha an lo nia!

An nuihzatthlâk top, an bo nasa lutuk kha. A veng hming pawh hre chuang lova,
''Khawilâi nge Pres Biakin kha?'' ti a min zawt tute kha chhan harsa ka ti hlêmai. (Presbyterian biak in a tam si a.)

Nu 2 pawh kha an kal fê hnu pawn field an hlat thei lo a an beidawn zia kha, "Pandal ah bawk kan chhuak le tawh," an ti.😃😃

Nûpui 3 an lo inhnial phei nawk nawka, pahnih te khân pakhat kha an rawn hâu, ''Helam hi a ni lo ka ti renga min kal puia,,engtin nge kan tih tâk ang'' an tia, an buaina chu kan chinfel sak ve kha, Fundamental Biakin bula kal tum an nia.

99 Dawr pawh a ruak huai mai an ti, tak2 ni maw.😃😃

Mi 5 hian Auto min phar a, "Ka pi 5 chu chuan an phal lo" tih pawhin, "Kal hrang chi kan ni lo, kan bo a ni mai" an tia.. phurh loh theih loh, a hnuah pawh 4/5 kan phur ta nual a, traffic ho paw'n min hrethiam ve tho a ni ang... 😄😂

UPC mual kal tur kha lehkha var ah Map kan ziah sak a. An thlen in dik tak in lem thleng in kan ziah sak kha 😂😂😂
(A lehpekah chuan mahni mikhualte mahni address ziahsak a kentir tawh nise, map ka ziak peih tawh lo. haha)

Mi rinawm:

Mizoram Prebyterian Kohhran Hmeichhe Inkhawmpui Lian Kolasib in an thlen zawh takah, Inrinni khan  Tv. Malsawmdawngzuala ( Dza Chhakchhuak ), Parkkawn venga cheng chuan a passenger ten a auto rickshaw ah Purse an thlauh a ni tih a hriat veleh Pandal lam panin Information office- ah purse chu a dah nghal a, a neitu a an zawng nghal a ni. Purse ah hian  Pawisa Rs. 20,000 chuang a awm a ni. A neitu tan chuan a va lawmawm dawn tehlul em!

Engpawh ni se, heng thil hlimawm leh hriatreng tlak a thlen theihna chhan chu inkhawmpui hmanga Kolasib lo kal nu hote vang a ni a. Mikhual fel tak tak te an ni hlawm a. Kolasib chuan heng nuho inkhawmpui hmanga rawn kal zawng zawng te, in pasalte nen, in tu in fate nen Kolasib a rawn zin leh vek turin a sawm che u a ni.

- WhatsApp/facebook/mizoramimages etc

_________________

TT Arts, Chanmari Aizawl-ah T Shirt print hrang hrang an ti thei a, Explore Mizoram T Shirt pawh cheng 600 in lei tur a awm bawk e.

Call/ WhatsApp +919615332721