KRISTIAN KINGDOM

By - Vanlalngaia,

Kulikawn.

Ph. no : 9612153042

  

      Ha hipa kan sawi thin Atlantic Charter, UNO, Chin-Lushai Conference, British Crown Colony leh MNF War of Independence te chu tahrik 12th Sept. 1989 khan Sadhu James-an vision inlarnain a lo khaikhawm tawh a. A saptawngin, "Kingdom of Lord Jesus Christ will be set up in Jerusalem and Zion in Palestine (the promise land) tih leh Mizoram and adjoining States will become part of the Promise Land, Christ Millenium  Kingdom" tih a ni bur mai le. 

    He a vision ropui tak hi a hmelhriat ngai hauh loh chhim tawpa mi Brother George leh Rev. Vanlalbela, Mizoram te hnenah tahrik 14.02.1999 khan Chandigarh ah a lo puang chhuak tawh a, la inhmu ngai lo Pathian chhiahhlawhte an hlim em em a ni. Kum 1968, MNF Chin Hills Operation tuma Kawl puithiamin, "Mizote hian an ram chin an rawn  hauh anga, a vawikhatna chu an hlawhchham der anga, a vawihnihnaah an hlawhtling tawh ang". a lo tihte min hriatchhuahtir a. 

     Hmanni 15th March 2019-a Mizoram Assembly-in United Nation Declaration on the Rights of Indigenous Peoples, 2007 chu bawhzui tura resolution a passed tak leh UNO-in kum 10 dang hun pawh sei a ni leh zelte ka belhkhawmin kum2026 chuan KRISTIAN KINGDOM hi a lo lang thut ta mai zuk nia. Zofate nghahfak, 'Ram tha lehzual' chu a hnai ta kuarh mai le! 

     Buddhist Kingdom, Mosolman Kingdom leh Hindu Kingdom ten min karcheh a, India ram pumpui hi Hindu Kingdom , Hindutva-a siam tumin beihpui an thlak mek bawk a, an tih awm reng a ni. Keini pawh hian heng ring lo mi, chhiarsen loh khawpa tam te hian Krista chanchin tha avanga chhandam an lo nih ve theihna turin Kristian Kingdom din chu kan tihmakmawh a ni bur mai. 

       Aw le, UN Declaration of 2007 hian duhthlan tur kawng pahnih a awm a, Independent State emaw, mahni awmna pangngaia beh zawm emaw a ni. Tunhnai maiah Hindutva duh lohna kawng zawh  pui a awm khan 'Hello, China, Bye bye India,' tih poster dengkhawng keng kha hmuh tur a awm ta a ni. India khua leh tui rinawm, State ralmuang nih tuma kan inzirtir sauh sauh lai leh ram buai laia tawrhna rapthlak pui pui thinlung na pawh ala dam  hmaa Mizote thinlung tina zawnga Election Commission of India hmalak dan kha RSS phiarrukna thuk tak a awm ta em ni tih leh national integration atan a tha lo hlein ka hria asin. Kei kum 83 pawh min la ti  tleirawl leh zak mai zu nia! 

    Promise Land chu! 

   Tlangte leh ruam, van ruahtui dawng ram, ei leh bar tur chitin reng thar chhuah theihna;Satellite atanga a lan danin lei hnuai hausakna lah khawvel mak tih khawp hial a ni. Pathian mi Saikhuma'n, "Heng lei hnuai hausakna te hi India flag hnuaiah hai chhuah a ni lo ang," tiin kum 1965 khan a lo puang tawh a, Kristian Kingdom flag hnuaia hai chhuah a nih hun chuan," Aw Zoram, khawvel ngaiah i te ber tawp lo e," tih a tul tawh ang. Khawchhak leh khawthlang tana corridor pawimawh, Japan ral lian Gen. Slim-a hova dan chah rupna a ni. A hranpa ngata indo puang hnam kan ni asin! Heng pawimawhna te hi hriain Kumpinu sorkar khan an thuhnuai British Crown Colony-a  min dah an tum ngial a, mahse British Prime Minister Winston Churchil-a chak zawh tak loh avangin a hlawhchham ta. Khawvel a number one nih tum Africa finrawl (CIA) a ni an ti. 

      Tichuan, Zofate chu ram hrang pathumah then darh kan lo ni ta. Keini Tiau lui thlang lam Mizoram chu by accident-in India ram khua leh tui kan lo ni ta mai a ni. Pu Zahrelian, Chin Hills Special Minister khan kum 1956 khan Ranggon-a zirlaite min ko khawm a, Chin-Lushai Conference, 1892-a thu rel thluk puitling ta lo chu pawi a tih thu leh engtik ni ah emaw chuan Zofate hi rorelna pakhat hnuaiah kan awm a beisei thu min hrilh hlawm a, a bengvarthlak hle. Israel hnam bo zawngtute lam lahin min rawn zawng chhuak tawh bawk si. Hei ngei hi a ni Pathian mi Sadhdu James-a'n Vision - kum 1998-a a lo sawi lawk, "Mizoram and the adjoining states will become part of the promise land, Christ Millenium Kingdom, " a lo hmuh lawk chu! 

        Aw le, khawvel hnam tin hi mahni chauha ding an awm tawh lo. An hamthatna ngaihtuah ranin belh lam nei vek te an ni. Keini hi Asian giants, khawvela mihring tamna ber China leh India karcheha awm kan ni a. China chu Communist, Pathian awm ringlo an ni a, India chu democracy ram lian ber, thang duang tak, sakhaw tih bik neilo, secular state an ni. Keini erawh sakhaw tih bik nei bur mai, Lal Isuan, "Kei hi kawng leh thutak leh nunna chu ka ni, keimah a kal lo chu tumah Pa hnen an thleng lo ang" tih ringtu, Pathian zawn chhuah ti bur mai kan ni. 

      Tichuan, KRISTIAN KINGDOM min champion pui tur hian Pathian awm ringlo Communist nge Democracy Pathian zawng mek tih hi UN Declaration angin duhthlanna kan nei a ni. 

    Chuti chuan maw, Pathian mi Sahdu James-a vision Mizoram leh a chhehvela Krista kum sang lalram lo ding tur hi khawvel democracy lian leh chak ber hian min champion pui law law sela, Hindutva min barh luih tum phet aiin a hlawkthlak zawk hle ang tih hi India Act East policy atan thurawn ka pe e. India leh China ramah Krista palaina chuan inremna a thlen dawn zu nia. 

       A tawp nan he Promise Land hi puar chunga kan luh theih nan kan ram tha lai ber Cachar forest kut atangin a ram neitu kutah dah ni rawhse. Hei hi state sawrkarin hna pawimawh ber top priority ah neih ni rawh se. 

           Het sala...... ! Communism, welcome democracy, kan ti mai dawn lo'm ni? 

       'KRISTIAN KINGDOM

       dam reng rawh se.