Hlawhtling tur chuan hringnun ah hian kan hlawhchham ve fo a ngai

Hlawhtling tur chuan hringnun ah hian kan hlawhchham ve fo a ngai.

- Emily Chenkual

 Naupang  kum 6-12 hi chuan thu an la awih hle control pawh an la awl khawp mai. Kum 13-18 annih hian mahni ah fing in tih tawknate lo piangin he "Adolescence Period" hi Education zir chuan  kan hre vek awm e James S. Ross chuan "A period of stress and strain" tiin a sawi. Heng 13 yrs - 18yrs inkar te hi Class 10 & 12 zirlai kan ni tlangpui a. Heng period ah hian tleirawl tamtakin harsatna kan tawk țhin, naupang lehkha thiam em em kha tleirawl lehkha thiam thei lo kan lo ni ta thin. 

Ka tetlai chuan pakhat-na / Top 10 ah te ka lang thin asin tun ah chuan...kan ti ta vawng vawng zel anih hi. Khawvel changkang zelin  Technology changkang tak tak a rawn hring chhuak a, high/ higher school zirlai te mahni private phone hum theih deuh far kan lo ni ta. Social media chu kan hmu mai nilovin kan Addict ta a ni ber a, Drugs Addict nisilo chuan "Social media addiction"  min thlen a. Instagram/facebook/twitter ah te account siam in khawvela celebrity lar tak tak te chu an nitin hun hman dan chu hmuh theihin kan phone ah chuan kan hmet chhuak zeih zeih ta mai ani.

Experience la nei ta lo leh rilru la mature silo chuan a thil hmuh ang ang chu a khawvel niin a hria a fingber a inhriat awl lai tak ani, mahni nu leh pa ngei pawh heng period ah hian fing kan ti lo thin. Milar a hmuh te chu ngaisang em em in alo copy ve mai thin. A then Emo/ K-Pop lovers ect ah te kan chhuak a,  education erawh a pawimawhzia a man fuh lova amah ah confusing lian tak awmin, enge dik enge diklo tihah chuan a buai ru viau thin. Generation gap avangin an buai fova, naupang leh nu leh pa inkara awm an nih avangin mahni in adjust turin problem lian tak an hmachhawn fo. Society a zirin kan nun ho a ngai si, kan society a zirin kan in adjust lo chuan khawtlanga hmingchhiatna kan tawk mai thin bawk nen. 

Zirlai kan ni a, kan rilru a phâwklek/zauthau si a. Kan hlim / kan thinur in kan moodswings a nasa em em a. Mahni thua lum, mahni a ro inrel leh zalen kan chak em em lai anih avangin kan zirlaite hi phurrit niin kan hre mai thin. Mahni tawkah fing, engkim hria leh theihah kan in hriat laiin mahni tlinglo bik riaua inhriatna, mahni hlawhchhama inngaihna leh rilru nghetlo takin kan insiam theih hunlai tak ani a.

Heng Adolescence hun khirh tak a bika kum 13-18 inkar hi ka paltlang tawh hnu ani a. Khing ka ziah ang zawng zawng khi ka lo paltlang in ka buai ve thei hle. 

Heng period a cheng mek te  tan a ka chah duh chu, hei tuna Class X & XII result a rawn chhuaka hlawhtling tamtak an awm laiin, lo hlawhchham palh ta hlauh te in awm ani tiru? Mahse he hlawhchham tih tawngkam hian tihnual che suh se i hlawhchham ani reng reng lo. Mi tamtak chu an hlawhchhama tlinglo emaw an in ti a, school te drop-out in an future zawng zawng an ti chhe vek asin. Engmah tih tur nei ta silo chu zu ngawlvei/ drugs addict a naupang fel tak tak sunday school kaikim/ honours thin kha mual liamin thlan ah te an zalh tawh asin. Kan future hi kum tamtak lehkha kan zir chung pawn kan ngaituah thiam hleithei lova, mahni a hlawhchhamna/tihthluan peihlo na alo piang fo thin. 

Heng i hun tawh mekah hian insit miah suh ang che aw tleirawl duhawm tak te, hlawhtling tur chuan hlawhchham angai fo ania. School Drop-out hi thil pawi tak ani a, mi dawra pawh thawk dawn la lehkha i zir lo chuan add/subtract & even/odd a te i buai anga hrehawm iti anga. I hunawl hnawhkhah nan thian i kawm nasa anga, chu chuan i nun a vawchhiah in i suangtuah phaklo thil thaloah a ahnuklut palh hlauh ang che. Kan damchhung hi a tawi em a mahse, Lal Isua khan awm awl mai mai tur nilovin hna te thawk turin min duh. Nangpawh, i zirlai i lo fail palh anih pawn bansan mai lovin a bul tan tha lehin i zir that leh ngat ngat chuan hna tha tak i thawk tihna alo ni reng ania.

Scientist hmingthang miten kan ngaihsan rawn amah avanga zana eng taka light kan chhit theihna chhan Thomas Alva Edison kha a hlawhchham chiang asin, a fail ani mailo mi rilru kimlo tiin rilru buai tiin an school atang hnawhchhuah a ni asin. Chumai ala nilo accident tawkin ri hre thei lovin a awma a beidawng mai lo. An mahni in a lehkha anu in a zirtir thin a, Electric Bulb siam tumin a bei nasa hle mahse vawi 10,000 lai mai zuh hlawhchham a. Keini chu ni ila kan beidawng chiang ngawt ang tiru? Mahse, a beidawng lo tlat  "I have not failed. I've just found 10,000 ways that won't work", ala ti fan nia tichuan Scientist hmingthang em em khawvel awm chhung chu a hming dai tawhlo tur alo ni ta anih hi. Vawikhat i fail avang khan eng ah nge i beidawn mai! Tunge Scientist/ Central service/ Officer/Doctor etc ini lo ang tih sawi thei. Beidawng mai suh, i beidawn hma lutuk chuan i nih tur ini lo palh hlauh ang e.

(He thu ziaktu Emily Chenkual hi Mizo /Mizoram model hlawhtling berte zinga mi niin, kum 16 mi chauh niin modelling a luhchilh a, Mizo zinga a hmasa ber ni turin kum 2016 khan Lakhme Fashion Week ah a inlan bawk a ni.)