ZU ZUAR FANU 10

CHAPTER- 10

R'z Thangluah✍🏻

"Msi chu(h) a lar dan a ṭhing tawp,"tih pahin Ely chu a ner nang nang a. Sangtea chuan,"Ngawi mai mai teh,i tluk chuang loh kha,"a lo ti ve hmak a. Ely chuan,"Hmmp engnge maw khunu pawh chu i lo ṭan ve em em a? I bialnu mi a? Ka tluk lohna pakhatmah ka hrelo e,"a ti leh hlak hlak a. Sangtea chuan,"I tluk lohna pakhatmah i hriatlohna tak kha lawm i tluk lohna,"a lo ti duh chauh a. Ely chu a meng rum tawh khawp mai,"Hmmp zu zuar fanu khu ka tluk lohna ka hrelo e,"a ti leh a. Sangtea chu a rawn in perh tho at mai,"A tawk aw a hmain a nu in zu a zuar tih chu kan hria. Mahse,tunah chuan a zuar tawh lo,"tih pahin Ely hmaah tak chuan a va ding awt mai a. Ely chuan nui har har chungin,"Huh...i ṭan dan em em hi eng emaw chu a awm chiang mai,"tih pahin a kal nul nul a. Sangtea chuan ama hriat tawk lekin,"Eng emaw chu awm se,tun ang hian ka dawh reng lo ang che maw le,"a ti sup a.

"Bawih,hrehawm ti miah suh aw i lamah kan ṭang tlat ania aw,"tiin Emily chuan Msi chu a lo hnem ve mawlh mawlh a. Msi chuan,"Tinge ka vanduai bik em em le?,"a rawn ti zawi raih a. Emily chuan,"Bawih,tinge tiang hian i awm a? Engtiklaipawn nang chuan beidawng ngailo turin min hrilh ṭhin kha,beidawng ngailo tura min fuihtu ber i beidawn mai chuan a ṭha dawnlo a sin,"a ti leh a,a ṭhiannu chu a kuah a. Msi chuan,"Ni e tiraw beidawng ngailo tura fuihtu che hi a beidawng mek si a. Ka nu hi ka khawngaih takzet,ka lakah a inthiamlo em em a. Nitin ngaidam min dil ṭhin a sin,"a ti leh a. Emily chuan,"Ni e ka hrethiam a lawm;mahse,i nu in a duh ber chu i thil tum ti hlawhtlin hi a ni a sin,"a ti leh a.

Ni e,Msi chu a nun a thil thleng tam tak avang chuan zah avang leh beidawn vangin a in dawm kun a. Mahse,hei hi a hrelo a ni,beidawng tak leh lungngai taka a awm hian a nu rilru a tina ṭhin tih hi a hrelo a ni.

"Bawihte,tinge tiang mai maiah i beidawn tak mai le? Ka fanu i nihkha,i pa pawh khan beidawng taka awmlo turin a chah ṭhin che kha,"Pi Ruati chuan a fanu chu a kuah vawng vawng a,"Bawihte,heng thil zawng zawng hi keimah vang a ni tih ka hria. Mahse,liam tawh chu liam tawh a ni a,khang thil ka tih avang khan keipawh hian in chhir chang ka ngah a sin. Mahse maw,Bawihte khang thil kha tilo ila tun dinhmun hi i thleng phak kher lo ang,"a ti leh a,a fanu chu a kuah vawng vawng mai a. Msi chuan engmah a sawi lova,a nu âwmah chuan a bei a lungchhe takin a ṭap hawm hawm a.

Social media lamah chuan an chanchin an sawi chu a la reh fel tak tak silo. Msi te nufa erawh chuan an chanchin mawilo taka theh darh tu chu,tunge a nih a? Khawi lam mi nge a nih tih erawh hriat an tum kher lo. Chhanlet pawh an tum hek lo,ngawi rengin miin an sawichhiatna chu an tuar tawp mai a ni.

"Nu Ruat,he thil ti tu hi kan hriatchhuah a ngai a ni. Tinge in ngawih reng a?,"Sangtea chu Msi te in chhung dungah chuan a vei tawn sek mai a. Pi Ruati chuan,"In bengdai phawt teh,khawngaihin,"a lo ti vat a. Sangtea chuan,"Phallo mah ula ka chhui chhuak tho tho ang,ka hriatchhuah chuan a chaklo ang chu aw,"a ti leh hmak hmak a. Pi Ruati chuan,"Khawngaihin in bengdai teh ka tih chu,kan lamah i ṭang reng ṭhin a kan lawm lutuk. Mahse,khawngaihin a bawp lawk zawng chuan la lo hram teh,"a ti leh a. Sangtea chuan,"In thiam thu pawh in sawi dawn miahlo maw?,"a ti leh a. Pi Ruati chuan,"Thiam thu sawi ngai a kan awm chuan kan thiamlo zawk tihna a ni mai,"a lo ti leh a. Sangtea chuan,"In thiamthu in sawi lohvin tunge in thiam a ni tih hria ang?,"a ti leh tun tun a,a thinrim em avangin a hmai te chu a sen awp awp tawh a. Pi Ruati chuan,"Thiam thu sawi hian thiam kan chang tihna a ni ngai lo. Engang pawn kan thiam thu sawiin pha kual mah ila,a dawngtu thinlungah chuan a danglam phah chuang lovang. Tunah hian mi tam zawk chuan an thinlungin thiam min chantir vek tawh. Chuvang chuan,keini chuan kan beilet lovang,"a ti leh mauh mai a. Sangtea chu a ṭhu hnawk a,"Huiham he thil ti duh tur chu mi 1 chiah a awm,"a ti leh a. Pi Ruati chuan,"Khawngaihin i duhtawk thei tawh a ngem?,"a lo ti dam thlap a. Sangtea chuan,"Awle awle ka tihpalh,"a lo ti vat a.

Kimkima te ṭhian ho chu an nui ho dar dar a,1 chuan,"Msi hi keichu chhelo ka ti tehmai nia aw,a number in nei mial em?,"a lo ti a. Kimkima chuan,"Ka u in a nei maithei,i duh tak tak mi a?,"a lo ti vat a. A ṭhianpa chuan,"Duh tak tak e le,a chhiat loh zia hi chu aw lum hlumah pawh ka hlawh duh ang,"tih pah chuan a nui zui hak hak a. Kimkima chuan,"Keichu ka duh chi pawh nilo,"a lo ti leh a. An ṭhianpa 1 chuan,"A nu khan zu a zuar ṭhin an tih kha,zanah zu kal ila ni mai lawm,"a lo ti ham ham a. Kimkima chuan,"An zuar tawh bawk leu,"tih pahin a lo nuih a.

Pi Zuali chuan a phone hmeh nuap nuap pahin,"Mawii thingpui minlo siam teh aw,"a ti lâng lâng a. Choka lam ṭangin Mawii chuan,"Awle,"a lo ti ve nghal vat a.

Pu Thanga chuan,"Sangte,nangpawh class kal zawm tawh lo mai rawh. Dawr lamah i nu pui la i ṭangkai zawk,"a lo ti a. Sangtea chuan,"Ka graduate ve phawt ang chu maw le,"a lo ti vat a. Pi Zuali chuan,"Graduate kher pawh a ngailo,"a lo ti hluk a. Sangtea chuan,"Hmm anihtak chu a tikhan mi bulah zirna pawimawh zia in sawi leh hluak hluak a nga,"a ti ve ngat a. Pi Zuali chuan,"I zaklo e mai aw,khatiang i nu leh i pa hi min chhang reng reng suh. Kan thu chu zawm la a ṭha ni mai,"a ti leh hlak hlak a. Sangtea chuan,"Umm ṭha lawm ka zawm ang,naktuk aṭangin dawrah ka kal ang,"tih pahin a room lam chu a pan ding nghal a.

"Awiii...Ms,U Sangtea khi chu awmlo se ka awm duh tawh teuh lo,a ni khi chu an chhungkaw mi ni awm pawn a lang lo. A rilru a ṭha bik si,a fel bawk si midang khi chu a ka sawi peihlo e a,"a ti hlak hlak a. Mawii hian Sangtea te chhungkaw chanchin a sawi ngai miah lova,tun hi a vawi 1 sawina a ni ngei ang. Msi chuan,"I ho thei e mai,khatin min chhungkua an sawi ngai lo. Nia,bang miah suh i ban chuan Sangtea control tu tur an awm dawnlo sin,"tih pahin a nui suk a. Mawii chuan,"A ni te chu nangma control zawk a lawm. Mahse,heng thil ka tih zawng zawng hi min tih tir a ni tih ka hrilh ngai miah lo,"a ti leh a. Msi chuan,"Umm a ṭha lutuk,a hre tur a nilo reng a lawm,"a lo ti ve bawk a.

Msi pawn a college zawmna tur vel chu a tifel dim diam tawh a. An ṭhian thum Emily,Rki leh amah chu college hmun khata kal an tum tehreng nen,Rki chu a in ziak tling ve lo tlat mai. College dangah a kal a ngai ta a,Msi leh Emily erawh college hmun khatah an kal thei a. An hlim khawp mai.

Class an kal hmasak ber tur ni a ni a,Emily chuan Msi chu a rawn sawm ṭhin a. Scooty in an in phur mai ṭhin a,an class hmasa ber tur chu an huphurh ve ang reng khawp mai a. Mahse,an huphurh ang aiin nuam an ti leh phian a.

"Bawih,en teh tunlai chu Sangtea hi ka hrethiam thei lo,"Emily chuan a phone chu a hmet nuap nuap a. Msi chuan,"Ngatinge a? Tunlai chu keipawn ka hmu khat tawp,a rawn be ngailo che mi?,"a lo ti vat a. Emily chuan,"Zantin chu min rawn be ziah tho a. Mahse,tunlai chu a zia a dang tlat a lawm,"a ti leh a. Msi chuan,"Ngatinge mawn le? Zanah ka lo be chhin dawn nia aw,lungngai suh ka awm hi,"tih pahin Emily kut chu a vawn sak a. Emily chuan,"Bawih,ka rilru hah e ngaihzawng dang nei ta se...??,"a ti leh a. Msi chuan,"Chutiang mi a ni lo,lungngai suh ka awm hi. Ka lo be dawn nia zanah umm..,"a ti leh a. Emily chuan,"Awle i awm lovang tih ka hlau takzet,"a ti leh a.

"I buai em?,"

"Buai love nge ni ta?,"

"Zu i in leh ṭan tawh nimaw? Ka sawi kha i hrelo mi? Ka ṭhiannu hi tina suh ka tihkha,"

"Ka ti na mi?,"

"Huiham tinge i mizia hi amak em em a?,"

"Engtinnge ka awm a?,"

"Khawngaihin ka ṭhiannu hi tina suh aw🙏🏻🙏🏻,"

"Awle ka lo be dawn nia,"

"Va leng ang che aw tunah,"

"Awle,"

"Nih aww,"

Sangtea chu phûr lo zetin a insiam malh malh a,"Ms,ka awmdante hi i hrethiam miahlo mi a?,"a ti leh sap ṭhin a. A insiam zawh hnu chuan Emily te in a leng tur chuan a in khalh chhuak leh nghal a.

"Mi â pa,ka ṭhiannu kha i tihnat chuan keipawh ka na ve zel a sin. Ka ṭhiannu kha i tih hlim chuan keipawh ka hlim a ni mai,"tih sap pahin a gallery a Sangtea thlalak a dah ho chu a en leh vang vang a.

Zomuanpuia pawh a reh rei lo khawp mai. Zan tin Msi te inah chuan a rawn chuang kai a,a mizia erawh a hma aichuan a dang deuh. A hmaa chapo taka nung ṭhin kha tunah chuan a in ngaitlawm thiam tawh khawp mai. Mahse,Msi erawh chuan a nel tak tak thei lo a ni,biak erawh a be chhe ngai lem lova.

"In class kalna chu engnge an a? A nuam em?,"tiin Zomuanpuia chuan zangkhai tak hian a zawt a. Msi chuan,"Imm nuam lutuk,student bakah teacher te an fel hrim hrim a,"a lo ti vat a. Zomuanpuia chuan,"Ee englo tun Sunday hi ka birthday ania,i rawn lan ve ngei a ngai nia aw,"a ti leh a. Msi chuan,"Ka va phû lo ve aw,rawn lan chu ka tum ngei dawn nia,"a lo ti leh vat a. Zomuanpuia chuan,"I nu nen in lo kal dawn nia aw,tlaiah chaw hlui kil ho tur a nia. Cake zai chu zan lamah kan tia,"a ti leh a. Msi chuan,"Nia ka nu pawh ka lo hrilh dawn nia,"a lo ti leh a.

"Duat,tunlai hi i mizia hi ka hrethiam lo. Min hlat tial tial niin ka hria,"Emily chuan Sangtea banah chuan a rawn vuan a. Sangtea chuan,"Ka hlat hleinem che,tunlai chu chhungkaw lamah problem a awm deuh a chuvang chu nia. Min hrethiam dawn nia aw,pawi ka ti lutuk,"a lo ti vat a. Emily chuan,"Ngaihzawng dang i nei lo tiraw?,"a ti leh a. Sangtea chu a nui suk a,"Pakhatah pawh ka buai a nia,pahnih em em te chu ka tan tih ngaihna a awm lo,"a lo ti thung a. Emily chuan Sangtea chu a ngheng a,"Tunlai i awmdan hian min ti hlauthawng a lawm,min kalsan dawnlo tiraw?,"a ti leh a. Sangtea chuan,"Umm ka kalsan lovang che,i bulah ka awm reng dawn lawm,"tih pahin Emily kut chu a rawn vuan a,a hmui senno chekah chuan a fawh sak vawng vawng a.

"Tunlai in boruak a ṭha maw?,"Msi chuan Sangtea chu a melh zauh a. Sangtea chuan,"Umm ṭha mah mah a ni,"a lo ti ringawt a. Msi chuan,"Ṭha mah mah chu engnge awmzia? Heyy...nang hi zu i in leh tawh nimaw?,"a rawn ti nghal zat a. Sangtea chuan,"Nia kan inhau a,"a ti leh a. Msi chuan,"Engvangin? Engnge a chhan?,"a ti nghal mawlh mawlh a. Sangtea chuan,"Amah zawt mai rawh,"a lo ti hluk a. Msi chuan,"Huiham tinge maw in buai reng mai le?,"tih pahin Emily chu a call nghal a.

"Aw Bawih,"

"I buai em?,"

"Buai love tinge?,"

"Engnge thleng a?,"

"Amah kha zawt mai rawh,"

"Huiham aman min hrilh duh loh vang a lawm ka zawh che,"

"A duh ber bulah chuan awm rawh se,"

"Engnge awmzia?,"

"Hmeichhe dang hmangaih a nei lawm,"

"Tichuan i bulah a sawi mi?,"

"Aw a ruih laiin a sawi,"

"Bawih,a ruih lai  anih vang anihchu,"

"Nangpawn i sawi kha,mihring chu zu ruih lai hi an mize tak tak lanna hun i tihkha,"

"Huiham,Bawih khawngaihin hrethiam la,"

"Ka hrelo ka na ve khawp mai,"

"Bawih,in ṭha leh ang umm..ka tiam a che. Ka lo be dawn nia lungngai suh aw,"

"Awle ka lawm e,"

"Ka dah phawt ang aw,"

"Umm bye,"

"Bye"

"Leee tunge i hmeichhe hmangaih dang chu le? Ka ṭhiannu rilru i tih nat sak a,ka ngawi mai mai dawnlo nia,"Msi chu a tih tak khawp mai. Sangtea chuan,"Tumah,"a lo ti hmuk a. Msi chuan,"Ka ṭhiannu chu ngaihdam dil ang che,"a ti leh a. Sangtea chuan,"Ngatinge i ṭhiannu pawh chu i ngaihven em em a?,"a ti vin ṭhak mai a. Sangtea hian ṭawngkam vin in be ngai lo;mahse,tun ṭum hi chu a vin ve khawp mai. Msi pawn mak a ti a,a rilru pawh a na a ni,"Maw min vin maw? Tinge min vin vak kher a?,"a mittui chu a tling pam tawh a. Sangtea chuan,"Ka tihpalh ka haw chho phawt a nge,"a ti zawi sup a. Msi chuan,"Emily chu be ngei ngei ang che aw,"a ti leh hram a. Sangtea chu a lu a bu ngut a,a chhuak nul nul a.