THALAITE KHAWVEL

- Vidpuia Hrahsel

Thalaite Khawvel tiin bul kan tan rawih mai nge, Tunlai thalai te hi kan van changkang sawt in hma kan van sawn tawh tak em,a eng a zawng pawn incheina ah te,technology ah te leh zirna lam ah te hian hma kan sawn hle. Ka thalai pui te hnen ah hian thu tlem te inzirnan leh hmasawn zel nan kan tih tur Thalai kan nih na anga kan mawhphurna te kan sawi ve dawn a ni.

A hmasa ber ah chuan that lai hun hi mihring kan nih 

chhung a hun nuam ber leh kan dam chhung a kan hun

hman nawm ber lai ani a. Kan thatlai hi hmang thiam hi 

tlem te chauh an nih ka ring. A tam zawk hi chuan chhungte

rilru ti hah nan kan hmang a,a tam zawk in ruihhlo nen hun

kan hmang a, athen Kohhran leh Khawtlang tan a tangkai

em em an awm bawk.Kan in ang lo tlang hle.

Ka nun a ni tih hunlai a ni tlat! Chapo pui tham lek in kan hausa 

a,chhungte thawhchhuah sa ring in kan awm a, chutah lah

kan la thatchhe em em leh nghal a! Kan mawhphurna hlen lo hi

kan va tam dawn tak em. 

Smartphone kan pai fer fur a,kan smartphone neih te hi min ti

Smart lo tu ani kan ti deih te ang.A hun leh hmun kan hre lo leh tlat thin

Phone tello hian awmdan kan thiam tawh lo ani ber mai.A hmang tangkai

thu ah hi chuan kan hmang tangkai khawp mai,zirna lam ah te pawh min pui

nasa a.Smartphone tello hian nun a ti khaihlak vek tawh ani! Mahse smartphone

kan hman dan hian awmzia nei se.Kan zirlai te tibuai lo zawng hian mitin hian

kan nei vek tawh a,hmang tangkai thiam thiam in an hun leh an zirlai ah te an 

hlawkpui thin.

Tunlai khawvel ah hian Thalai kan nih na angin kan tihtur kan mawhphurna

hlen zo hi an tam awm lo ve, khawtlang leh kohhran ah in hmang rual kan ni a.

Mitthi lumen te,Khawhar in kal te hi kan tihtur ani tih i hria ang u.Keinin kan tih

loh chuan tu tih atan nge kan dah bik ang?

Thlan laih nise hmasawn aiin tlakhniam lam a pan tih mai tur ani.Thlan laih na ah

hian han kal ula,a tam zawk hi Pavalai an ni ang.Kan mizo nun ze mawi tak

Tlawmngaihna te,aia upa zahna te hi khawnge a awm tak? Bo mai tur atan chuan

a va uiawm tak em! Mizo kan nihna anga kan tih tur pawimawh tak tak te hi

tuma tih atan dah mai lovin keinin kan ti zel tur ani.Zan mut na chang hrelo,

Zing thawh nachang hre lo hi engzat tak awm ang maw?Korean style kan la a

Dress nen zawng zawng nen, atha e mahse Mizo kan nihna hi a bo dawn chuang lo.

Mizo kan nihna hi zahpui chi ani lo a,in chhuan tur zawk ani.Hnamdang hian

Tlawmngaihna kan neih ang hi an nei ve lo.Hawh u mi tih ah dah mai lovin kan

tih tur ani tih hria in he Tlawmngaihna hlu tak hi chhawm nun zel i tum ang u.

Zirna lamah ni se,hma kan sawn rual in inzirna tur kan ngah khawp mai

Nu leh pa ten kan thiam lo hlau in theihtawp in ni sen sa hnuaiah 

Hna thawkin an awm a.Kan tih tur chu Lehkha zir mai nilovin a tul tul a 

In chhung khur a nu leh pa te kan thiam ang tawk tawk a tanpui hi ani.

Lehkha zir lamah kan intihsiak rau rau anih chuan,kan inrintawk a ngai 

khawp mai.Mahni a note in siam thlap thlap hi engzah tak awm ang maw?

A tam zawk hi chuan thiante tih sa hmangin leh guide book ring in lehkha kan zir

A tha tho e.Mahse kan lehkha zir hi Exam lai chauh ni lovin nakin thleng a kan 

hriat turin hriatthiam tum in zir thin ang u.Tun hnaiah Civil Service Exam ah Mizo

Kan lang tlem hle.Hetiang Exam te hi kan beih ve ngei theih nan tan ila ang u.

Kan ngaihsan zawng hi thlak a hun tawh! Chhelo,Hmeltha,Dress Changkang

hi mi kan ngaihsan zel dawn? 

Thalai tam zawk in kan ngaihsan zawng te hi kan thlak angai

Bike nei,chhelo chauh hi mi kan ngaihsan? Atam zawk hi chuan

Kan ngaihsan zawng te hi kan thlak angai tawh.Lehkha zir lama hmasawn

in,hlawhtling ngei tum in zir ila.Midang ta it ve zel lovin kan neih ang tawk

Kan thawhchhuah milh tawk in inthuam ila mi changkang kan ni mai

College kan han kal a,thiante nen hlim tak in kan inkawm a, ahlimawm thei hle

College kan kal chhung te hian thian tha i siam thin ang u.Thalaite khawvel ah hian harsatna nei hi kan awm theuh.A tam zawk hi chu kan harsatna hi kan zirlai ah hian a ni lo tih ka chiang! Hmangaihna bawk ah hian ni kan harsatna chu ni thin!Zirlai nih lai chuan ngaihzawng te hi buaipui vak lo teh ang u,kan ti ve khanglang ange.Zirna lam chauh ngaihtuah in,kan nih tum ah te i chiang ang u.Kan thatlai chhung a rei dawn si lo.Thenkhat hi chu College kal chhan han in zawt ila,ka graduate duh ve hrim hrim a ka kal ve tawp te kan ti thin.College kal chhan hi he theuh ang u Kan nih tum aim in life hi thlir reng chungin lehkha zir lamah te hmasawn tum ila.Kan tihtur kan mawhphurna te midang tih atan dah mai lovin ti thin ang u.

Mizo kan nihna angin kan hnam hi kan ngaisang tur ani a,Mizo hnam chu tlawmngai thei chhiatni țhat ni pawha țhenawm khawveng te in pui tawn hnam kan ni a kha kan nun ze mawi kha kan pi leh pu te tihtur chauh ni lovin tuna Mizo inti ve țhalai te pawh hian kan chhawm tur ani dawn lo em ni?

Kan hnam chawisan nan thil tih theih tam tak kan nei a chutiang chu tu pawhin kan hre vek kher lo maithei mahse a tlangpui han tarlang ila kan Mizo pui te kan hmuhsit hian eng nge hlawkna kan hmuh ang le?

Hlawkna reng reng kan nei lo anih hi kan hmuh let zawng chu hnam dangin min hmusit a min en hniam phah asin

Mizo nunze mawi kha khawnge a awm hmanlai a tlawmngaihna te kha khawnge a awm tak le piallei thuah riat karah a bo zo ta em ni? Kan nun ze mawi te hai chhuak lehin han pho lang leh teh ang u.Tun hun leh kan pi leh pu te hun ka tehkhin hian changkanna in a ken tel thil tam tak lo awm hian kan nunze mawi te a paih thla a,hmanlai ang tak tak kha chuan a awm theih loh tih chu a hriat a mahse kan tlawmngaihna nun kha chu kan la chhawm theih ani țhenawm khawveng te tana malsawmna thlentu kan la ni thei țheuhva,kan nunze mawi kha i han tuai thar leh teh ang u

Tunlai khawvel changkanna kal zelah hian hai rual a nilo kan in kan insak hnaih tial tial a kan thinlung a inhlat tial tial a țhenawm te nen in ban pawh lovin kan awm ta a mitin mahni hna ah kan buai țheuhva,kan hun neih ve chhun pawh midang tan kan hlan phal silo a kha kan nunze mawi tak kha tuai thar leh turin mitin hian tihtur kan nei a chu chu țanpui ngai te țanpui hi ani hmingțhat na um lovin midang tana malsawmna i nih ve theih na kawng awm chhun a ni tih hria la hmingțhat na hlawh nghal dawnlo mahla kan Pathian chuan engtikah mah kha i thil țha tih kha a hmuh hmaih dawnlo tih hre zawk rawh.

Hei hi Thalaite Khawvel a ni.

Hmingțhatna um lovin mi dang țanpui la,hmingțhatna chuan a lo la um ang che.