NORTH EAST BANDH CALL OFF

Aizawl | January 08, 2019: North East Bandh chu  Vawiin tlai dar 4 khan boruak muanawm tak hnuaiah call off a ni ta.

North East Students' Organisation (NESO) bultuma Lok Sabha a Citizenship (Amendment) Bill 2016 pass tumna awm dodal nana North East Bandh darkar 11 chhung atana buatsaih chu vawiin khan Mizo Zirlai Pawl (MZP) pawhin thlawpin Mizoram pumah a buatsaih  ve a. MZP dinna leh Mizoram hmun hrang hrangah he bandh hi neih  ni.

He Bandh hi Hmar Students' Association pawhin an thlawp a, Aizawl bikah MZP kaihhruaina hnuaiah duty naah an tel bakah HSA Sinlung Hills Joint Headquarters chuan nizan khan an huam chhunga HSA unit hrang hrang te he 'Bandh' hi kalpui turin thu an chhuah bawk a ni.

Vawiin vek khan Dak Inpui kawt, Aizawl ah Citizenship (Amendment) Bill 2016 draft copy chu hal a ni bawk.

Boruak muanawm tak kara bandh huaihawt a ni thei chu MZP hruaitute chuan lawmawm an tih thu an sawi.

Hetihlai hian Tripura leh Assam ah chuan boruak a sosang hle a. Tripura ah chuan Bandh hi Twipra Students' Federation, Youth IPFT leh NESO ṭangkawpin buatsaih miin,  Patikha Madhab Dasaram, Khumulwg ah chuan  Police lamin mi panga an kap hliam nia thu dawn a ni.