NESO IN DARKAR 11 NORTH EAST BANDH KO

Aizawl | January 05, 2019:  North East India state hrang hrang, All Assam Students Union (AASU), Khasi Students' Union (KSU), Garo Students' Union (GSU), All Arunchal Pradesh Students' Union (AAPSU), Naga Students' Federation (NSF), All Manipur Students Union (AMSU), Mizo Zirlai Pawl (MZP) leh Twipra Students' Federation (TSF) te inzawmkhawmna North East Students Organisation (NESO) chuan Citizenship (Amendment) Bill 2016 chu a dodal a. He bill sakei, pass a nih thuai tur thu India Prime minister Narendra Modi in a sawi chu an dem takzet a. Hemi chungchanga an lungawi lohna lantirnan January 08, 2019 hian darkar 11 chhung North East Bandh an ko a ni.
He bandh hian January 08, 2019 zing dar 5 aṭanga tlai dar 4 thleng a huam ang.

NESO chuan North east mipuite chu he bandh thlawp vek turin a ngenin a sawm bawk a ni

Hemi chungchanga hmalak dan tur ngaihtuah turin MZP general headquarters chuan naktuk dar 12 khian Meeting a ko a ni.