National Girl Child Day, 2019 thupui “Empowering Girls for a Better Tomorrow” tih hmangin tukin khan Vanapa Hall, Aizawl kawtah Social Welfare Department huaihawtin hun hman ani a. Pi Laldikkimi, Director Social Welfare Department chuan he ni hman a nih chhoh dan te sawiin India rama hmeichhe naupang te khawtlangah te, zirna lamah te, faina leh hriselna lamah te, dikna chanvo leh a dangah te harsatna an tawh thin na laka chhanchhuah leh mipui ten an lo bengkhawn zawk nana tlangzarh te a nih thu a sawi a ni. Social Welfare Director hian hmeichhia leh hmeichhia naupangte dan hnuaia hum an nih dan te a sawi a. Domestic violence avanga naupangin an tawrh nasat zia leh hemi ven nan hian sawrkar chuan dan tha tak tak a siam thu te, chung zinga mi JJ Act leh POCSO Act chungchang te a sawi a. Hmeichhia naupang tana siam BBBP scheme leh a tum te a a sawi bawk a ni.

Vanapa Hall kawta hun hman anih hnu hian he ni pual hian kawng zawh a ni a, Millenium Centre Aizawl ah Pi Vanlalpianpuii, Jt Director Social Welfare Dept in lawmthu sawiin he hun hi khar  a ni.