Sechhip | December 13, 2018: Vawiin dec 13 chawhma dar 10:30 khan Agriculture Department,
Serchhip buatsaihin Agriculture Complex, Serchhip ah Organic Fair under PKVY
Scheme neih a ni.
Pu James Lalsiamliana, District Agriculture Officer chuan
Fair buatsaih anih dan sawiin, Paramparagat Krishi Vikas Yojana (PKVY) hi CSS
zinga pakhat ani a, he scheme hian a tum ber chu buh leh bal, thlai thar
chhuahte hi damdawi thil reng reng leh thlai kahna damdawi hmang lova,
thianghlim taka thar chhuah hi a ni, a ti a. Fertilizer aiah Compost Manure
(hnim tawih) leh ran ek hmanga thlai chawm inzirtirna a ni a, thlai ven nan
pawh tur tello thildang hmang tura zirtir an nih thu a a sawi.
PKVY Scheme hi 2015-2016 atanga 2017-2018 thleng, kum 3
chhung kalpui a ni a. Serchhip District-ah chuan Chhirbi zau, N. Vanlaiphai;
Zuva zau, Mualcheng leh Varhva zau, Chekawn ah te hmalak a ni a. Heng cluster 3
ah te hian loneitu mi 150 thlang chhuakin, loneitu pakhatin Acre 1 zel an
enkawl a, thlai chi hrang hrang an chin bakah Buhban, Chana leh Tel antam te an
ching a. Chuta tanga an thar chhuahte chu mihring tana ei tlak, tur tello leh
thianghlim taka tharte chu vawiin ah hian pho chhuah niin, he Organic Fair hi
mipuite infuih thar nan leh inzirtir nan an buatsaih a ni.
Post a Comment
He post chungchanga i ngaihdan lo sawi ve rawh: