GOVERNOR IN INDOPUI PAHNIHNA A MIZO PASALTHA THLAN KOHIMA-AH TLAWH

Mizoram Governor Kummanam Rajasekharan chuan Nagaland Sawrkar sawmna anga Hornbill Festival a tlawh tum khan Kohima World War II Cemetary a tlawh a. He hunah Indopui Pahnihna hun laia Japan ral beih tuma  nunna chan, Mizo pasaltha Robuaia Lushai thlan tlawhin zahna chibai a buk a ni.

Kohima War Cemetary hi 1944 kum, Indopui Pahnihna hunlaia Kumpinu Sipaite leh Japan ral te inbeihna pakhat, The Battle of Kohima a awm tuma Kumpinu Sipai nunna chante thlan a ni. He inbeihnaah hian Mizo pasaltha enge maw zah an tel nia ngaih a ni a. Heng Mizo pasaltha zinga mi, Robuaia Lushai, Kum 21, 664 Naik,  Assam Regiment, May 28, 1944 a ram tana nunna hlantu thlanlung pawh phun a ni. Naik Robuaia thlanah hian Governor chuan Pasaltha huaisen sangtel zingah Mizo Pasaltha te pawh an tel ve tih a hriatin a inchhuang hle tih a sawi a. Ram chhan nana nunna hlantu sipai huaisen te chu ram in a thlamuanpui a, anmahni avangin hun duhawm tak mipuiten kan neih theih phah a ni a ti.

- DIPR