CHELSEA SUPPORTERS CHARITY RIDE | TNT AH ṬANPUINA HLAN

Aizawl | December 9, 2018: Vawiin December 9 khan Mizo Chelsea Supporters' Club (MCSC)  te chuan an dintirh atanga kum tina an tih thin angin Charity Ride neiin TNT tlawh a, Ṭanpuina an hlan.
He hun ah hian mi 200 vel zet kalkhawmin thilpek thahnem tak hlan a ni.

Heng thilpek te hi sum faiin Rs 104095/-, Thawmhnaw  bag 50, Buhfai  bag 10, leh Nutrela bag 2 a ni.

Tin, Mizo Chelsea Fans ten Charity Ride an neih hi Chelsea FC ten an hriatpui mai bakah sawmna video clip te player atang an rawn siamsak a, chumai nilovin thilpek Chelsea pennant leh Drogba signature chuanna poster an pe tel bawk. Anni lam pawhin hetiang hawi zawnga chetchhuah hi an ngaipawimawh em em a ni.

Mizo Chelsea Supporters' Club te an chhuang hle mai, an kalzelna turah duhsakna kan hlan e.


......
Vawiin dar 2:00pm khan Mizo Chelsea Supporter's Club (MCSC) te chuan TNT ah kum danga an lo kalpui thin angin CHARITY RIDE an nei leh a. Bus pakhat leh mahni lirtheite thawhchhuahpuiin member 300 chuangin Muana Veng TNT hi panin an thawkchhuak a ni.

TNT tan hian sum faiin Rs. 1,04,095/- (Nuai khat sangli sawmkua panga) leh buhfai bag 10, Neutrila bag 2, thawmhnaw bag 50 leh thil dang dang an hlan/pe a ni.

Mizo Chelsea Supporter's Club ah hian member 5000 chuang neiin Mizoram chhunga district hrang hrang ah branch neiin ram pawn thlengin Mizo hnahthlak eng emaw zat an tel a ni. MCSC hi Zofate  zinga mahni club hmunpui London a in registered thlap awmchhun niin tunah hian True Blues member 32 lai an awm bawk a ni. (True Blues members ni tur hian mipakhat ah Rs. 2500/- vel in registered nan sen a ngai). Chelsea hmunpui lam pawhin Supporters Club zinga thangduang ber an nih avang hian an ngaihven hle a, an la tih ngai miah loh an club official Magazine ah te an activities an chhuah sak hial a ni. MCSC hian a mamawh apiangte hman turin kum tin thisen unit eng emaw zat an pe thin a, Intihhlimna Games & Sports bakah Chelsea inkhel te a huhoa enna Screening te a buatsaih thin a ni.

TNT hall ah programme puithu taka hman a ni a. MCSC hruaitute bakah member an kal tha hnem hle a. Aizawl pawn atangin member eng emaw zat he Charity Ride atan hian an kal a ni. TNT lam atangin Naupang zaipawl te neiin Charity Ride a kalte hnenah Intihhlimna chi hrang hrang an nei a. MCSC T-Shirt tlangzarh/semchhuah ani bawk a ni.


MCSC te inpekna leh rawngbawlna Pathianin a let sang tam takin malsawm zel rawh se.