Aizawl | December 5, 2018: Nimina fresh poll neihna, Lawngtlai District chhunga 36-Tuichawng (ST) Assembly Constituency hnuaia 36/35-Ajasora polling station-a vote thlak nana hman EVM & VVPAT te chu vawiin khan strong room-ah dah luh a, seal hmanga kalh hnan a ni.
Nimina fresh poll buatsaihtu polling party-te chuan vote thlak hun khar a nih hnua an inchinfel zawhin Lawngtlai an pan nghal a. Nizan dar 2:30 AM khan strong room awmna Govt Lawngtlai College thlengin, buaipui zui ngaite tihfel a nih hnuin vote thlak nana hman EVM & VVPAT te hi strong room-ah dah luh nghal a ni a. Hei hi vawiin chawhma khan General Observer, Police Observer leh Returning Officer te'n en fiahin, a him tih pawm a nih hnuah strong room-ah hian kalh hnanin, seal hmanga char a ni.
Post a Comment
He post chungchanga i ngaihdan lo sawi ve rawh: