Aizawl | November 15, 2018: Election Commission of India chuan vawiin khan Mizoram Chief Electoral Officer (CEO) thar atan Ashish Kundra chu a ruat ta. Ashish Kundra hian Mizoram mipui huat leh Hnam Chhan Hnatlang neih chhan SB Shashank a thlak ang.
Ashish hi 1996 (AGMUT) Batch IAS niin, Mizoram Sawrkar hnuaia Commissioner & Secretary General Administration Department, Higher & Technical Education leh Co -operative hna chelh lai a ni.
Hetihlai hian CEO chhuak ta SB Shashank chu ECI ah attach a la ni tho a ni.
Mizoram Sorkarin ECI hnenah S.B Shashank aiawh turin Dan angin ECI ah Mizo IAS pathum Pute- K. Lalthanmawia, Lalhmingthanga leh H. Lalengmawia te a rawt a, mahse, an lo pawm loh vangin midang 2 rawt leh turin Mizoram Sorkar an hriattir a, tunah Ashish Kunda, IAS chu a pawm fel ta chauh a ni.
Ashish Kunda hi 1996 ah IAS in ziak tlingin, Mizoramah April 2018 ah tuna a hna hi a rawn zawm a, chumi hmain Arunachal Pradesh ah Commissioner Finance & Planning, Investment a chelh a, Andaman & Daman, Diu, Dadra & Nagar ah te Administrator thawkin, PS to Union Minister, Commerce & Industry te, PS to Minister of State, I&B, Joint Secy, Addl Secy PWD, Gov't of New Delhi, Addl.CEO Delhi hna te a lo thawk tawh a ni. Amah hi B.Tech (Electronic) 1991-1995 ah a zir a ni. Twitter ah followers 2,127 a nei
- with input from ct lalrinawma
A chanchin tlangpui:
ASHISH KUNDRA IAS, hi Commissioner & Secretary, Higher & Technical Education a ni.
Kum 1973 March 6-a piang a ni a; tûnah hian kum 45 mi, vànglai tha ngah lai tak a ni. Ashish Kundra
hi Punjab mi, Benaras Hindu University-a B.Tech (Electronic) pass a ni. Kum 1996-ah IAS-ah a lût a,
AGMUT Cadre-ah a awm a; kum 2018 January 1-a AGMUT Cadre-ah IAS 277 an awm a; an zînga
senior 4-te chu (Lalmalsàwma telin) 2018-ah hian an pension tawh a. Tûnah hian Ashish Kundra
seniority-ah 57-na a ni; a nupui Gitanjali Gupta pawh IAS (1996 batch) tho a ni a, AGMUT IAS
seniority-ah 56-na a ni.
Tûnah hian India ramah IAS 5000 vêl zet an awm a; chûng zînga pakhat Ashish Kundra hi a
chanchin an ziahna pakhatah chuan “Not a Yes Minister” an ti ngat nia. Mi dik leh huaisen, taima tak,
hma thlìr nei thui thiam mi, Minister a hrawnte lakah ‘Yes Sir’ ti ve satliah ringawt ngai lo a nihna hi
amaha zir tûr pakhat chu a ni ngei ang. Tûn \um hi Mizorama a awm vawi khatna a ni lo. Kum 2000
July 1 – 2002 July 31 khân Jt. Secretary (Finance & Power) a ni a; kum 2002 July 31 – 2003 May 31
khân Siaha DC a ni tawh a; kum 2003 May 31 – 2003 October 31 khân Registrar (Co-Operative
Society) a ni tawh bawk. Delhi-ah te, Andaman & Nicober Islands-ah te, Arunachal Pradesh leh
Central Government-ah te a thawk tawh a. Tûn \umah hian Arunachal Pradesh sawrkar Finance
Secretary a nih laiin Mizoramah rawn sawn a ni a; Commissioner & Secretary, Higher & Technical
Education, GAD, Co-operation a ni mêk.
Ashish Kundra hian thla 4 vêl kal ta a\ang khân Higher & Technical Education a enkawl
chauh a; chuti chung chuan hnuhma duhawm tak tak a nei hman tawh a ni. Tûna a hna hi a chelh
tirh phat a\angin tih tak zetin a Department enkawlte tihhmasâwn dân tûr a ngaihtuah nghâl a. Thla
2/3 chhûng hian tûn hmaa la tih zen zen loh College Principals Meeting vawi 4 a ko hman tawh a;
engtin nge College zirna hi tûn aia \ha zâwka kalpui tûr ni ang tihte chu ngaihtuah a ni ber a. A châng
chuan office chawlh ni, Inrinni-ahte meeting a neihpui \hin a; chûng meeting a\anga hmasâwnna tûr
ke pênna thar an chhawp chhuahte chu hetiang hi a ni:—
(1) NAAC Accreditation la nei lo hrim hrim College 3-te chu rang taka accreditation an neihna
tûrin hma lák mêk a ni.
(2) NAAC Accreditation neih tawhte zîngah pawh an accreditation nun hun chhûng kum 5
term hmang zo mêkte chu accreditation an tihthar leh thuai theih nân hma lák a ni a; anmahni puih
ngaihna laia pui theitu tûr Core Committee din a ni.
(3) NAAC Accreditation nei tûr hian online application tih thiam harsa tak submit a ngai a;
chumi lama a taka tawn hriat nei expert hoin amah Commissioner Chairman-na hnuaiah zir hona
buatsaih a ni tawh bawk.
(4) MZU Vice Chancellor nèna an sawi dunna thu chhuak angin Mizoram sawrkar hnuaia
College hrang 24-te chu academic hmasâwnna tûra kaihruaitu mi thiam, Professor chin College Mentor
tûr ruat an ni. College Mentor-te chuan anmahni enkawl College \heuhte academic thila tihmasâwn
tûrin thuràwn leh kaihhruaina an pe \hin dâwn a; hei hi Mizorama la tih ngai loh, thil thar liau liau a
ni.
(5) Mizoram s awrkar hnuaia College tam zâwkten Principal nghet an nei lo reng hi \ha a ti lo
hle a; UGC Rules-in a phût ang Principal nghet lák a nih thuai theih nân chak takin hma a la mêk.
(6) RUSA programme hnuaiah College pathum, J. Thankima College, Hnahthial College leh
Siaha College-te Degree Model College-ah siam a ni dâwn a; hemi atân hian RUSA a\angin chêng
nuai 400 \heuh an dawng dâwn a ni.
(7) Mizorama Science zirna seat indaih lohna nasa taka awm mêk phuhru tûrin RUSA
programme hnuaiah College pathumah Science zirna hawn dàn tûr a ngaihtuah mêk bawk.
(8) Mizoram sawrkar hnuaia College-ten an la neih ngai loh management (BBA) zirna chu
Govt. J. Thankima College-ah hawn thar a ni bawk.
A hma láknaah hian Mizoram College hotute an lâwm hle tûrah ngai ila; hetiang taka kaihruaitu
Department hotu an mamawhzia hre chiangtute an ni a. Chutih lai erawh chuan College zirtîrtute
zîngah mi zawmthaw deuh awm palh theih a ni a; chûngho tân erawh chuan mi hnawksak a ni thei
ang. MZU-a Professor thawk lai College Mentor atân ruat chhuahte zîngah pawh an hna chelh laia
lungâwi tâwk, a ruahmanna thlâwp \ha duh lo leh sawisêl tâwk an awm mai thei; chutiang mi an lo
awm a nih chuan Mizoram education tihhmasâwnna tûra \hahnemngaihna nei tak tak lo, hlawh \ha
tak hmu chung si-a a tlêm thei ang ber thawh tum tâwk lek an ni ang. Mizote hian mahni ham\hatna
ringawt ngaihtuah loin ram leh hnam hmasâwnna thlentu tûr kan ni tih hi hria ila. Tûna MZU Vice
Chancellor leh Commissioner & Secretary, Higher & Technical Education anga mi \hahnemngai leh
remhriate hi chu châk taka thawhpui tûr a ni. Hmun dang a\anga lo kal, hun rei lo tê chauh awm tûr
mahin hetiang taka Mizoram Education hmasâwnna tûr an ngaihtuah a nih chuan a ram leilung fate
ngat phei hi chuan nasa lehzualin kan ngaihtuah tûr a ni ang.
Higher Education hian Mizo society-ah mi puitling leh chhawr tlák a tihchhuah loh chuan
Mizoram mipui hi kan changkâng tak tak ngai lo ang. Kan rama lehkha thiam china ngaihte hi hman
tlák an nih theih ngeina tûrin Higher Education hi tihhmasâwn a ngai a; mi chhawr tlák an chher
chhuah tam poh leh kan vànnei dâwn tihna a ni.
College thar dinte pawh hi kan sawi \hin; kan lo din a nih pawhin “Akbar was a great king” leh
“Democary is a goverment of the people organised for law within a definite territory” ti mai mai tûr ni
lo, an zir chhuaha ‘unemployed graduate association’ member tipung ngawt tûr ni lo, mahnia indap
chawp thei tûr leh firms hrang hrangin an rawih nghâl char char theih tûr ‘mi thiam dik tak’ chher
chhuak ngei tûr college chauh din ni tawh rawh se.
| |||||||
Post a Comment
He post chungchanga i ngaihdan lo sawi ve rawh: