DAMPARENGPUIAH BJP ZAWMTHAR MI 85 LAWMLUT

Aizawl | October 11, 2018: Vawiin ni 11th October 2018 hian BJP Mizoram President Prof JV Hluna'n Mamit District a Damparengpui Community Hall ah Booth Level Workers Meet a hmanpui, he hun hruaitu Pu Toisarai Vice President Minority in kaihruaiin Pu H Lalmuankima'n tawngtaina hun ahmang bawk 

He hun a thusawitu Prof JV Hluna chuan Mizoram ah BJP chu nasa takin kan thang chho zel a, inthlan ahnai tawlh tawlh a, Election puan a ni tawh a  Sorkar mek Congress pawh an duh dan dan in an kal thei tawh lo bawk a, dan in a phuar tawh avangin tunah chuan an mahni ah beisei tur kan nei tawh lo a ni. NLUP sem nghak hram hramtu te pawn an tlansan a tan ta, Kum 10 chhung a nuaikhat dawn a, kan kal kawng chhe leh si te hi avanduai thlakin a thinrim thlak em em a, chuvangin mirethei te hmelma lian ber Congress hi keini BJP te chuan kan kit thlu phawk phawk zel a nih hi.

Mizoram a BJP kan Sorkar hunah chuan Modi Scheme hrang hrang mirethei te tan a hamthatna tam tak chu anihna angin kan kalpui anga, chumi hunah chuan nasa takin mipui ten  chu malsawmna chu kan chang dawn a ni. Chutih hunah chuan Aigupta sabel NLUP te chu kan ngai tawh dawn lo a, mahni thawh rah leh mahni ke a dingin hlim takin kan awm tawh dawn a ni. Chu hun thleng tur chuan Mizoram hian tun inthlan kan hmalawka kan neih tur ah hian hnehna kan chan ngei angai a, BJP thupui "Sabke Sath Sabka Vikas", mi zawng zawng rualkhai a chawikan na hi atak in kan kalpui dawn a ni a ti.

He hun ah hian BJP zawm thar mi 85 te chu Prof JV Hluna'n a lawm lut a, he hunah hman pui tur hian BJP State hruaitu dang te bakah  State Mahila Morcha te kal in thusawina hun thusawina hun an nei bawk. Vawk pa 6 talh ni in tlaiah chawhlui an kil ho bawk.