BJP election incharge

NEDA chairman and Assam Finance & Health minister Himanta Biswa Sarma is appointed as election incharge of  Bharatiya Janata Party Mizoram pradesh.

_______________________________

BJP MIZORAM ELECTION I/C TURIN HIMANTA BISWA SHARMA RUAT

Aizawl | october 8, 2018: Vawiin 7th October 2018 hian BJP Mizoram Pradesh chuan Upper Republic a BJP state Office ah chhung inkhawm neiin, Pu R Vanramchhuanga State Secretary in kaihruaiin, Pathian hnen a inhlanna huna nei a, Prof JV Hluna’n thusawina hun a neih bakah Dr Lalsawmliana sailo lawmluhna a nei bawk.

Prof JV Hluna chuan thusawiin, BJP Mizoram chuan hma a sawn zel a, mi tha tak takin min rawn zawm reng a, tunah pawh Dr Lalsawmliana Sailo Zotlang Veng chuan a awmna thin Congress Party atanga BJP min rawn zawm leh ta hi kan lawm hle a, thinlung takin kan lo lawm a, BJP chu a hming ang ngei hian India mi tu pawh tel theihna sakhua tihbik awmlohna, mi lian leh mi te thliar ve lohna Party kan ni in, a neitu vek kan ni tiin BJP chu mipui Party a ni a ti.

Kan hmalawka inthlan lo awm tur ah hian BJP Mizoram chuan hnehna kan chang ngei dawn a chu mi a kan tha tichak tur leh a tul ang ang a min buaipui turin Central a kan hruaitu ten Pu Himanta Biswa Sarma Assam Fiance & Health Minister, NEDA Chairman ni bawk min rawn pe hi kan lawm hle a, ama ho hian tun aia chak zawk in BJP Mizoram chu kan kal dawn a ni. Pu Himanta chu hmarchhak mi tam zawk te chuan kan hre theuh awm e. Chuvangin a ma ho a inthlan kan hmachhawn tur pawh hi kan phurin chunglam remruatna ah kan ngai bawk a, NE State a Party hrang hrang dinhmun hrechiang tu anih bawk avangin Mizoram a inthlan kan hmachhawnna ah pawh nasa takin kan hlawkpui dawn a, hnehna kan chan ngei kan ring bawk a ni a ti.

Tin, Mizo mipui ten a kan hriat fuh tawk loh awm thin BJP sakei hlauha hlau tak hi chu kan awm tawh mang lo, BJP nihna diktak hre tu kan NE a kan Kristian State pui te ah pawh BJP kaihhruai sorkar na a ding mek a, hmasawnna nasa tak an chang mek a ni. Chuvangin keini Mizo Kristian BJP te pawh hian chu hmasawnna chu kan hmuh avang leh kan ram leh hnam tan a that dawn avangin Mizo takin, Kristian BJP tak si in hma kan la zel dawn a ni a ti bawk.