Aizawl | September 27, 2018: Vawiin khan Lawngtlaia SSA BRC Hall-ah zirlai naupangte'n science hmanga an thiam thil an pho chhuahna Children's Science Congress 2018 buatsaih a ni a. Lawngtlai DEO Pi Zohmangaihi leh RMSA Dy DPC Pu H. Laltanpuia te'n hun an hmanpui.
He hunah hian Lawngtlai District-a sikul 8 ai awh zirlai 18 te'n, "Science, Technology and Innovation for a Clean, Green and Healthy Nation" tih thupui hmanga model leh presentation an duante an pho chhuak a. Hei hi endiktute hmaah an sawi fiah nghal zel bawk.
He intihsiaknaah hian junior level (middle section)-ah Ngurnunsangi English School chu pakhatna an ni a; senior level-ah Lairam Higher Academy of Science (LAHAS) chu pakhatna an ni thung. Anni hian October ni 4 leh ni 5, 2018-a state level inelnaah Lawngtlai District ai an awh ang.
Khuallian Pu J. Kapkima EE, PHED chuan thusawiin zirlai naupangte hmasawnna tura District Level Science Children Science Congress buatsaihtu RMSA Champhai leh STAMP te chu fakawm a tih thusawiin Zirlaiten an talent leh hriatnate pho chhuahna hun an nei chu an vanneihzia hriaa lawmna chang hre turin zirlaite chu a chah a. Kawng engkimah hlawhtling tur chuan taima taka tih hram hram angaih a ni, a ti a. Hlawhtlinna chang thinte chu zir peih leh mite aia taima te zel hi an ni a, zirnaa ti tha tur leh nih tum nih theihna tur chuan mite aia chungnung kan nih angai a ni a ti a.
Khuallian chuan nu leh pate hmangaihna chhanletna tha ber chu an thuawiha taima taka lehkha zir hi a ni, a ti a. Faina chungchang pawh tarlangin zirlai naupangte chu faina kawnga hmasawn tura midangte hrilh hretu ni tura chahin ram hrisel leh District hrisel kan neih theihna tur chuan zirlaite hi kan thaharha hma la hmasatu kan nih a ngai a ni a ti bawk.
He hun hi Pu C Hualrikhuma Dy. DPC RMSA chuan kaihhruaiin School 9 atangin Team 12 an tel thei a, District Level Children Science Congress hi Category hnihah then niin, Senior Level-ah Lalruatlawmi leh Nangngaihsangi, Bethel Mission School-te chu pakhatna an ni a. Lalbiaknungi leh Esther Lalremsangi, Govt Khawzawl High School-te chu pahnihna niin JH Vanlalrinchhana leh Laldinsangi, Govt Champhai High School-te chu pathumna an ni bawk.
Junior Level-ah HVL Hruaitluanga leh Monica Lallawmkimi Bethel Mission School-te chu pakhatna an ni a, Vanlalhlupuii leh Vanlalmalsawmkima, PES Champhaite chu pahnihna niin K. Zothanpuii leh C Vanlalhmuaki, Govt Vengthlang Middle School-te chu pathumna an ni bawk.
Tin, Rashtriya Madhyamik Shiksha Abhiyhan(RMSA) Serchhip District buatsaihin vawiin chaw hma dar 10:30 khan “Science,Technology & Innovation for a Clean, Green and Healthy Nation” tih thupuia hmangin BNRGSK Hall, Serchhipah “Student Science Congress 2018” neih a ni a, Pu Lawmawma, District Project Co-Ordinator, RMSA Serchhip chu khuallian ani.
Khuallian chuan hawnna thu sawiin "Tunlai khawvel changkang tawh takah Science & Technology thiamna hmanga hmasawnna a nasa in, chak takin a kal mek a, ram hmasawnna hna thawhna tur atan aki pawimawh tak anih avangin sawrkarin Science subject hi a ngai pawimawh em em a ni, a ti a; zirlaite leh zirtirtute chu thiamna tak tak nei tura theihtawp chhuah zel tura fuihin, intihsiaknaa tel zawng zawngte duhsakna a hlan ani.
He hunah hian Pu Saihmingthanga Sailo, District Co-ordinator, Science Teacher’s Association Mizoram (STAM) chuan Student Science Congress buatsaih anih dan report a pe a, intihsiakna telte lawmna thu a sawi bawk.
He hunah hian Serchhip khawpui leh a chhehvela High School 5 leh Middle School 2 atangin zirlai naupang ten initihsiakna an nei a, intihsiaknaa ti tha 3 (High School Level ah 2 leh leh Middle School Level–ah 1) hian State Level Student Science Congress ah Serchhip District ai an awh dawn a ni.
Post a Comment
He post chungchanga i ngaihdan lo sawi ve rawh: