Dec 8 - 10 chhungin Aidu Play Mizoram Creators Fest 2025

Aizawl | Dec 3, 2025: BR Studio leh Zonet TV tangkawp chuan Mizoram Creators Fest 2025 (Mizo Content Creator-te inkhawmpui lian) chu December 8 - 10 chhung hian Aijal Club Park-ah an buatsaih dawn.

Mizoram Creators Fest 2025-ah hian OTT Platform thangduang tak Aidu Play chu main sponsor niin, MIZORAM YOUTH COMMISSION chu Organising Partner an ni.

He Fest-ah hian intihlimna hrang hrang bakah inelna hrang hrang a awm dawn a. Lawmman tha tak nen - Reels Competition, Editing Speedrun, Thumbnails Wars te mobile phone hmanga intihsiak tur a ni ang.

Zoram pawn atang pawhin Content Creators thahnem tak rawn chhim tura beisei an ni a. Mizo zaithiam leh band tha tak tak ten tlai tin Live Performance an nei thin dawn a ni.

Hei bakah hian Food Courts leh Stall hrang hrang siam ani dawn a. Khawvel huapa company lar SONY, CANON, NIKON, PANASONIC, DIGITEK, VILTROX, TAMRON, LEXAR te chuan an bungraw chhuanvawr hrang hrang an rawn pholang dawn a ni.

Videography leh Photgraphy lama tui mite tan Workshop an buatsaih nghal ang a. Chu mai ala ni lo CANON Product thar ber tlangzarahna he fest ah ngei hian neih a ni nghal dawn bawk. Mafuz A Laskar (Founder - MADIFY), Lalrinngheti Sangsiam (Lawyer & Entrepreneur), Caleb Friesen (Content Creator & Host – RuntimeBRT), Angela Roy (Entrepreneur) te hovin topic hrang hrang zoram mipui tana tangkai leh ngaihnawm tak tak hmangin PANEL TALKS buatsaih a ni dawn.

December ni 10 zan dar 7:00-ah MIZORAM CREATORS AWARD sem a ni ang a. Award hian trophy bakah lawmpuina sumfai a keng tel ang.

He Fest ah hian Entry Fee a awm dawn lova, chhim turin mi tin an sawm a ni.