Mizoram State Rural Livelihoods Missiom, Chhimphei Women Poultry Producer Company leh ZoMeat ten thawhhona thuthlung ziak

Aizawl | October 15, 2025: Mizoram State Rural Livelihoods Mission (MzSRLM), Chhimphei Women Poultry Producer Company Limited (CWPCL) leh ZoMeat te chuan vawiin khan an pathum inkara inremna - tripartite Memorandum of Understanding (MoU) chu Rural Development & Administration Department Commissioner & Secretary pisaah an ziak.

He thawhhona thuthlung hian a tum ber chu Ar vulhtute- Chhimphei Women Poultry Producer Company Limited leh Mizoram a sa sawngbawlna (Meat Processing) changtlung taka din thar- ZoMeat inkarah thawhhona nghet leh rintlak tak siam a ni.

He thawhhona hmang hian CWPCL hnuaia nu ho ar vulh a eizawng te’n hralhna mumal tak an neih a, arsa hmanga eizawnnaah insumdawn tawnna (value chain) tha tak din a nih theih nan a ni.

He MoU hmanga an thawhho dan tur tlangpui te chu:

1.⁠ ⁠CWPCL-in ZoMeat hnenah an mamawh ang zelin, mumal takin ar an supply thin ang.

2.⁠ ⁠ZoMeat hian he inremna an ziahlan angin arsa an lei reng reng, kg ah ₹190 in an leisak ang a, a kalna man kg ah ₹8 an tum zel bawk ang.

3.⁠ ⁠ZoMeat hian CWPCL hnenah ar puahna khawl a thlawnin an hmantir anga, a enkawl zui thlengin an tum ang.

4.⁠ ⁠ZoMeat hian arsa an leina man hi a lei atanga ni 5 chhungin CWPCL accountah an thun ziah tur a ni a, CWPCL in ar vulhtute account-ah a lo thun chhawng leh tur a ni.

5.⁠ ⁠MzSRLM chu facilitator leh enabler niin, CWPCL leh ZoMeat te thawhhona a enpui zel ang a, quarterly review meeting neiin heng pawl pahnih te hi a ko thin tur a ni.

ZoMeat chuan he an agreement thar hmang hian ar vulh leh arsa sawngbawlna kawngah bung thar an kai ngei an beisei tih an sawi.

ZoMeat hi kum 2024 a din niin Mizoram a sa sawngbawlna (Meat Processing) changtlung ber ni turin hma an la mek a. Modern Abattoir, MIFCO Ltd, Bungbanglaah an inbun a. Phai atanga processed meat kan hmuh thin ang loin, an thil siamchhuah reng rengah sa hmel ti mawitu, cancer thlen thei (Sodium Nitrate), an telh ve lova, sa tih tam nan meat extender an hmang ve lo bawk. Arsa bakah vawksa leh bawngsa thlengin meat processing an kalpui a, an product te hi veng hrang hrang a dawrah te lei theihin a awm tawh a, Mizoram mai bakah Mizoram pawh thlengin thawn chhuah a ni tan mek bawk.