Manipal Hospital-ah Mizo hmeichhia Parotid Tumor nei hlawhtling takin zai

Aizawl | Oct 24, 2025: Ramchhunga Cancer enkawlna hmun tha ber pawl - Manipal Hospital EM Bypass, Kolkata chuan Mizo hmeichhia Parotid Tumor nei chu hlawhtling takin an zai.

Manipal Hospitals Network unit pakhat, Manipal Hospital EM Bypass, Kolkata chuan vawiin khan chanchinbumite kawmin tunhnaiah hlawhtling takin Lallawmzuali, kum 55 mi natna an zai thu an sawi a, Lawmi hian Parotid Tumor neiin hei hi hlawhtling takin Manipal Damdawiinah paih sak a ni a, dam takin an chhauh a ni.

Manipal damdawiina thawk Dr Kinshuk Chatterjee leh Dr Harsh Dhar chuan Lallawmzuali chu hun rei tak chhung he natna tuar tawh anih avangin zai tura ruahman kawngah Doctor hrang hrang an inrawn nasa hle an ti a, zai tu mai bakah radiologist, anesthesist leh thiamna nei hrang hrang inrawnin hlawhtling takin an zai a, Lawmi sawi danin a natna avangin a beng leh a nghawng bawrah harsatna lian tak tawkin a nat thin thu a sawi a, a vung nasa chuan a taksa ah harsatna a thlen tih sawiin hlawhtling taka enkawl ani chu a lawm takzet tih a sawi a ni.

Manipal Hospital EM Bypass, Kolkata hian ramchhunga damlo natna khirh tak tak lo enkawl tawh thinin heng zingah hian Mizo tam tak enkawl dan an awm tawh a, Cancer natna enkawl kawngah an hmingthan em avangin pan tu pawh an thahnem hle a ni.

Manipal Hospital EM Bypass, Kolkata hian kum tin damlo maktaduai 7 chuang enkawlin khawpui 19-ah a inzar pharh a, khum 10,500+ awmna damdawiin 38 neiin doctor 7,200 chuang leh thawktu 20,500 chuang an awm mek a, damlo enkawl mai piah lamah he hmun atang hian Nurse thiam tak tak zirchhuak an awm tawh bawk a ni.