MZP President-in W Phailêng-ah I-Day football tournament final hmanpui

Aizawl | August 15, 2025: Vawiin khan MZP President H Lalthianghlima chuan W Phaileng Zone Football Association buatsaih Independence Day Football Tournament 2025 Final, W. Pheilêng, GSA Playground-a neih a hmanpui.

H Lalthianghlima chuan Infiamna leh Ruihhlo chungchang sawiin, "Ruihtheih thil lakah kan ṭhalaite kan fihlim theih nan, Infiamna lamah ṭan lâk a ngai' tih a sawi a. Chubâkah Infiamna hian Ṭhalaite ruihhlo khawih tur kan veng thei a, ruihhlo laka kan thalaite an liam mai loh nan infiamna hi i uar sauh sauh ang u' a ti bawk.

MZP President chuan zirna chungchang pawh sawiin, "W. Phailêng khua sawrkar Office hrang hranga Officer awmte chu hmun dang mî deuh vek an nih ṭhin a vei thu te, chu bâkah W. Phaileng Zirlaite Mizo ṭawng ngei hmanga 'Ka pi/Ka pu' tia tuna Mizo ṭawng hmanga kan biak hleih theih lohte ṭhutna (seat)-a inṭhut hun tur hi kan thlîr reng a nî", a ti bawk.