Mamit - Dapchhuah kawng a ping; khualzin thahnem tak tangkhang

Aizawl | August 5, 2025: Mamit lam aṭang Dampui bazar thlen hma lawkah vawiin tlai khan lei tawlhin kawng a hnawh ping a, hemi avang hian khualzin thahnem tak an tangkhang mek a, zaninah thenfai theih a nih an beisei tawh lova, naktuk lama thenfai theih chauh an beisei.

Vawiin tlaia lei tawlhin kawng a hnawh pin leh avang hian Dapchhuah leh Mamit inkarah khualzin tangkhang ṭhahnem tak an awm mek a. Lei tawlhin kawng a hnawhna lai hel tur hian Dampui leh Mualpui inkar, Zongaw paltlang kawng hlui lam chu kal a harsat rin a nih thu Mamit Times-in a tarlang.

Hetianga khualzin tangkhang engemawzat awm hi a ṭul ang leh theih ang anga buaipui an inhuam thu Dampui khawtlang hruaituten an sawi.

Nizan (Thawhṭanni zan) a ruah tam tak sur vanga Mamit leh Aizawl inkar kawngpui NH 44A hmun eng emaw zatah a ping a, hei hi vawiin tlai dar 3:30 vel khan lirthei kal theiha sial tlang ni mahse, vawiin tlai veng khan Dampui-ah a ping leh nghal a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]