"Bualte leh Thualthu khawtlang inpekna hi thil chhinchhiahtlak leh Mizo nun zemawi tak tipar vultu in ni,"

Lunglei | August 11, 2025: Vawiin khan Lunglei West biatu MLA T Lalhlimpuia leh Lawngtlai East bialtu MLA Dr Lorrain Lalpekliana Chinzah te chuan Bualte dai leimin a hmunah tlawhin, Khualzin tangkhang mek harsatna te leh Bualte khawtlang buai dan te a an enpui a. MLA T Lalhlimpuia hian, Bualte leh Thualthu khawtlang te tanpui nan, Rs. 10,000/- ve ve a hlan.

Dr. Lorrain Lalpekliana Chinzah pawhin, Bualte leh Thualthu khawtlang te hi Rs. 10000/- ve ve in a tanpui bawk a ni.

Bualte khawtlang hruaituten Mahlima leh Lorrain-a te hi tha takin an lo dawngsawng a, Bualte khawtlang hruaitute nen inkawmhona hun tawi an nei a.

Hetah hian Mahlima chuan thusawiin, Bualte khawtlang leh Thualthu khawtlang inpekna chu thil chhinchhiahtlak tak leh Mizo nun zemawi tak tipar vultu a ni, a ti a.

T Lalhlimpuia chuan, kan bial chhung ni lo mahse, chhim mipuite harsatna hi kan ngaihven reng a, kan tih theih tawk tam lua lo mahse, a ngaihventu kan ni hi a ngai a, Bialtu MLA bakah, HPC Vice chairman te, leh keini te pawh kan lo lang ve a ni. ZPM MLA te hi chu kan inpeizawn liam liam thin a. Harsatna khawtlang anga intawhnaah a tute hnenah pawh inthlahrung lovin, inlo sawi thin dawn nia. a ti bawk.

He hunah hian Dr Lorrain Lalpekliana chinzah pawhin thu a sawi a. Dr. Lorraina chuan, Lawngtlai leh Siaha District chak lakna ber kawng, hun rei tak buaipui ngai a, a awm chu pawi a tih thu sawiin, khualzin tangkhang mekte duat taka lo buaipuitu Bualte khawtlang leh Thualthu khawtlang chungah lawmthu ka sawi a ni, a ti a.

Lei hi tla leh thei reng anih avangin, engchen nge Bualte leh Thualthu khawtlang te inla buai dawn tih hriat loh mahse, hlim hmepu reng chunga khualzin te indawngsawng thei ang tih hi ka beisei tlat a, harsatna kan tawh ang te inhrilh hre tawn reng chunga, intlawm ngaihna lo chhunzawm zel ula, kan lawm hle ang, Dr. Lorrain-a chuan a ti a ni.

He hunah hian Bualte VCP pawhin lawmthu a sawi a. MLA ten an harsatna hriatthiampui a, an ngaihsak em em thin chu, lawmawm an th thu leh an thlamuanpui thu a sawi a ni.