Miss Mizoram 2020 Zirsangpuii lui kawr tifaiin!

Aizawl | April 6, 2024: Miss Mizoram 2020 Zirsangpuii chu vawiin khan 'Save the Riparian' te'n Aizawl tui lakna hnar, lui kawr an tihfainaah a tel ve.

Vawiin hi 'Save Riparian' ni 10na a ni a. Zaithiam hriathlawh TBC Zaithanpuia pawh a tel a ni.

Luikar tifaia thawkchhuak Miss Mizoram 2020 Zirsangpuii chuan, "Model veng kawr atanga chawhma kal vel ah hian Aizawl in kan tuitlan ber lakna hmun a awm a. Heng kan khawchhunga kan kawr te hian Tlawng lui an fin vek si a!! Kan bawlhlawh te kan paih dan ah kan fimkhur ava ngai em!!" tiin instagram-ah post a siam a.

"@romalsawmaroma leh a naute nitin kan hnawmhnawkte tihfai hna mut mawh hnar mawh a innei hi in va entawn tlak em!! Bawlhlawh tifaia kan thawk chhuak ve theilo anih pawn kan bawlhlawh paih dan ah fimkhur ila thawkchhuak tluk reng kan ni." a ti.

View this post on Instagram

A post shared by Zirsangpuii Sangpuii (@sangpuii_sy)

Zirsangpuii chuan, "Kan lui kawr te bawlhlawh hlirin a khat a, thawh tur leh tihfai tur a tam a, Kawr ah bawlhlawh paih ching kan la tam bawk si💔" a ti bawk.